2 Pyɛr 1:3 - Kálara Zyɛ̌m Edwán é mpʉ̌n

³ Zyɛm a si dwe bɨna ga sa yiyɛh ndɨ e nyɔm é l'efu ó, bɨna biʼe tiʼ molu mo mpoʼ mɨmɛh le ekœʼ ebò e cyen é mbi nye ndɨ ekpɛl ɨ. Nye a sa no ó, é zi nkul nye ndɨ e nye ebe tiʼ nye ndɨ e ye e. Bɨna bi ga tiʼ molu mo mpoʼ mɨmɛh yaa ó, é zi ngwɨa bɨna lé egʉa ga nye e. Nye ó b'a jebe bɨna ga, lé elɛʼle mbɨambɨa njwɨr we ndwe e kum we.

Kálar Nzyɛ̌m : Ejwán é Sáá

³ Nzyɛ̌m á si gbâ nkul nyé lɨ́ edwe mɨ́ná gá sá yɨ́yɛ̂h dí e nyɔm lɨ́ esú ó, mɨná tíʼaa gá, le egúmo gá e né yɨ́. Nye á jébe mɨná gá ó, ɨ́ nzɨ̌ kûm nyé le mbɨambɨa njwɨr wé.

2 Pyɛr 1:3 ပူးပေါင်းရင်းမြစ်များ

1 Pyɛr 5:10

Zyɛm, nye ó mʉr lé elɛʼle bɨna ga ncwɨncwɨa we é bɨjɔʼ bibyɛh ɛ. Nye nteme ó b'a jebe bɨna ga ó, bɨna toʼ, to di ga é moncɛnba me é zi mo Krɨst. Moncɛnba maa, mé ódi njʉmdia e njʉmdia. ǃBɨn si sia e mɨtuu, tɔɔ ba ma peh jɔʼ nɛʼɛ, Zyɛm óbâʼle komlo bɨn. Nye cyelɨ bɨn mokʉ si é kpɨɨɨ. Nye bâʼla gba bɨn nkul é monyʉl. Nye fuma bɨn si é piʼi.

2 Timotɛ 1:9

Nye a baajebe bɨna ebe mɨmpaŋ bɨsyɛɛla bina. Nye a dwe bɨna ga tiʼ molu mo mpoʼ mɨmɛh le ejebe bɨna ó, bɨna diʼe mɨsaŋ mɨ bʉr be. Nye a sa no ó, ebe pɛhla we nye mʉr tɨ, le ncwɨncwɨa nye a be e nye, waa nye a be ó, nye ólɛʼle bɨna ɛ. Nye a bɛa lɛʼle bɨna ncwɨncwɨa ó, kʉ e si apa cyeŋɔ, é zi mo Yesʉs-Krɨst.

Rôm 8:32

Zyɛm nyɛɛ a baakamle e Mwan we. Nye a dwe tiʼ Mwan we ó, é ziila e bɨna ga bɨbɛh. Zyɛm pa taare dwe bɨna ga Mwan we, a dwɛʼra e bɨsa bɨfih bibyɛh! Nye óbana dwe bɨna ga bya nteme, mpʉ nye a taare dwe bɨna ga Mwan we e.

2 Korɛnt 12:9

Nye ntɔʼ bɨha ó: «Ncwɨncwɨa me lé elɛʼle go e, nye si jala go, ebe, nkul wam, nye ekʉ nyin ntinɨ e ntinɨ ó, é jɔʼ me lé eze é nkɔm mo mʉr ndɨ é cyɛʼ ɛ.» Ebe no ó me ódoʼo e l'ecyɛʼ lam, sahle e! Nkul mo Krɨst nteme, nye òdi é me.

1 Pyɛr 2:21

Zyɛm a jebe bɨn ó, bɨn saʼ nye syɛɛla yaa, ebe, Krɨst nye mʉr tɨʼ a si sia e mɨtuu é l'efu e nyɔm win. Nye a lɛʼle bɨn tɨʼ ó, dweʼle bɨn lé ejala le edu ɨ. Nye a sa no ó, bɨn nkʉʼ du mobò me. Yé ó tila ó:

2 Tesalonika 2:14

Zyɛm a si jebe bɨn é zi syɛɛ bɨh bé a sa lé elɛɛ bɨn Mbɨambɨa Lɔɔ ɛ. Nye a sa no ó, bɨn nkʉʼ dwiibɔ, duu yaa lé ejala e nkɔb win, é jɔʼ Tî ga wina Yesʉs-Krɨst ónyin é dia taʼa ye e.

1 Pyɛr 2:9

Sa gwar, bɨn bé ó bʉr nye a bɛa pɛh ó, bɨn diʼe nye opara le kul bʉr ndɨ ti ɨ. Bɨn bé ó kul bʉr ndɨ yaa ye e, é l'efu ó, bɨn gumla mbɨambɨa njwɨr mo Mʉr a jebe bɨn ɨ. Njɨblɨ we waa, wé ó b'a dwih bɨn é l'edurʉ, cen bɨn é myɛn ndɨ é nge-ngɨ-nge e.

1 Tesalonika 2:12

Bɨh bé a si tɨe bɨn, le esa ó, bɨn tʉmɨ nyʉl ndwe le eboʼlo ó, bɨn bé ejala le ekœʼ ebò e cyen Zyɛm lé ekpɛl ó, bʉr kœʼœ œ. Tiʼa ga no, ebe, nye a jebe bɨn ó, bɨn niʼe é jwɨ̀ʼa ye, gumo kum we ndɨ epan ɨ.

1 Tesalonika 4:7

Zyɛm a jebe bɨna ga ó, bɨna diʼe ga bʉr o ndɨ ti ɨ, abe baa ndɨ elama fwon njɨ lé edu bɨjyɛʼ byɔɔ ɛ.

1 Pyɛr 1:15

Zyɛm, waa a jebe bɨn ɨ, nye ó ndɨ ti. Ebe no ó bɨn lé ejala le edi mɨsaŋ mɨ bʉr be, baa ndɨ elɛʼle no é nko paʼ ebò e cyen lɨlɛh bé lé ekœʼ œ.

Éfɛsɔs 4:1

Ebe no, mɛm, mʉr ndɨ mbʉʼ é zyɛŋa wɔɔ boo Da Yesʉs ɨ, me ejwɨʼla e bɨn ó, bɨn kœʼœ mbɨambɨa ebò e cyen Zyɛm a lɛɛ bɨn ó, bɨn kœʼœ œ.

1 Korɛnt 1:9

Zyɛm, nye ó mʉr ebuʼla. Nye ó b'a jebe bɨn ó, bɨn diʼe é zyɛŋa win boo Mwan we, Tî ga wina Yesʉs-Krɨst.

2 Pyɛr 1:2

Mocyɛʼ mo mpom le motala, mé swɨŋɨ é bɨn é ntuʼ-ntu-ntuʼ, duho é ngwɨa bɨn lé egʉa Zyɛm bé e Tî ga wina Yesʉs ɨ.

2 Pyɛr 1:5

Ebe no ó me ndɨ elɛɛ e bɨn ó: Gbaʼ ga monyʉl lé etaʼ bɨsa biʼ é taŋa taŋa: é buʼo yin, bɨn bé à kɛl mbɨambɨa njwɨr. É mbɨambɨa njwɨr, bɨn bé à kɛl ngwɨa.

1 Pyɛr 3:9

Mʉr beʼ l'abala ebebe e l'ebebe. Laa ó, go bala molwɨɨ go lwɨɔ ɛ, fuo sʉ yɛɛ baanya-molwɨɨ mocyɛʼ mo mpom. Zyɛm a jebe bɨn ó, bɨn saʼ no, bɨn nkʉʼ sʉŋɔ nkɔb é mocyɛʼ mo mpom nye lé esʉ bʉr be e.

Kolosi 1:16

ebe, Zyɛm a cye sa yiyɛh ó, é zi we: bɨsa ndɨ é jobo e l'ejyoo e, e byaa ndɨ é si nwaʼ ɛ, bɨsa lé enyin ndwe e byaa ndɨ anyin ɨ, mɨsisim mɨ apum ndɨ é dia taʼa ɛ, le myaa ndɨ e monkul monɨnɨ ɨ, le myaa ndɨ e jwɨɨ, nkʉ myaa ndɨ e nkul ɨ. Sa yiyɛh, yé a cyeŋɔ ó, njɨ lé ebœʼ kum we.

1 Timotɛ 4:8

Ebe, pɨʼa nyʉl wɛɛ, wé ó e ma nyɔm é guu paʼ. Edwaabe Zyɛm lɛɛ, lé e nyɔm é nko paʼ bɨsa bibyɛh, ebe, mʉr lé edwaabe Zyɛm ɨ, Zyɛm ódira monkɛʼ nye a liʼe mʉr waa e ma ɛ, é nko paʼ tiʼ yaa banana, to pyal é tiʼ yé óbe pie e l'esie e mbi jɔʼ yi.

Éfɛsɔs 4:4

Nyʉl mo Krɨst, nye ó ngwar. Mbɨambɨa Sisim, nye ó ngwar. Mɨleme ga mina, myé ó mɨlwɨŋla e mbɛla ngwar, waa Zyɛm a gba bɨn é mɨleme é jɔʼ nye a jebe bɨn ɨ.

Filipi 4:8

Obɨɔ ga bam aa! Sa me óka tile bɨn é l'epihe e, yé ó nɛɛ: pahla ga bɨsa ndɨ cyecye e ndwe e byaa bɨ duu, bɨsa ndɨ cɨcyel ɨ. Pahla ga bɨsa ndɨ é pememe le ebul kpɛlɔ ɛ. Pahla ga mɨlɔb bʉr lé ebul mɛʼle e, le bɨsa ndɨ é mbɨa le egumlɔ ɛ.

Mataos 28:18

Yesʉs ntɔʼ dihle nko bé a be e. Nye e be ó: «Mɨ bi nkul mojwɨ̀ʼa mo kʉ ndwe e maa mo si nwaʼ nyiwɛh.

Ebrœ̂ 1:3

Moncɛnba mo Zyɛm, mé enyin ó, é nye. Nye ó ndɨ gulo lé elɛʼle mpʉ Zyɛm nye mʉr tɨʼ ndɨ ɨ. Nye ebaʼle si nwaʼ nyiwɛh ó, é zi lwib ye ndɨ e nkul ɨ. Nye a si dib zi epubo bʉr é lɔb mɨsyem myɔɔ. Nye ze to é jobo kʉ, to di si é mbo ejʉm mo waa ndɨ e mojwɨ̀ʼa monɨnɨ é jobo kʉ ɨ.

1 Pyɛr 1:5

Zyɛm mu ó lé ebaʼle bɨtiʼ bin e nkul we é zi buʼo. Nye ebaʼle bɨn no ó, é l'efu le edwe bɨn tiʼ molu mo mpoʼ mɨmɛh ndɨ ebono bɨn zi dolo e. Nye ólɛʼle bʉr bɨbɛh ya ó, é l'esie e mbi jɔʼ yi.

Rôm 9:24

Sama bʉr baa, bé ó baa Zyɛm a pɛh ɛ. Nye a baapɛh-pɛh njɨ é kul bʉr oYʉden tʉŋlʉ. Nye a pɛh bʉr ó, é bɨkul bɨfih!

Filipi 3:8

Yé ó no! É mpʉ mɨ gʉa Tî wam Yesʉs-Krɨst ɨ, me mu lé enʉa bɨsa bɨfih bibyɛh mpʉ sa ndɨ mbɛh ɛ. Mɨ dimle bɨsa bibyɛh ó, me nkʉʼ jyɛʼ taa buʼo yam boo nye. Mɨ ka nʉa bye ó, mpʉ sa lé ejala le emyahɔ é diʼ ɨ. Me ekʉ tìne bye ó, me nkʉʼ bi nkul di é zyɛŋa wih boo Krɨst!

2 Pyɛr 1:6

É ngwɨa, bɨn bé à kɛl mɛra leme. É mɛra leme, kɛlɨ ga bihbe. É bihbe, kɛlɨ ga edwaabe Zyɛm.

2 Pyɛr 1:8

ǃƗ mɨnjwɨr mɨnɨ si nyin le egwɨe é l'ebò e cyen yin nɛʼɛ, bɨn bé aŋa ka ncyehbe nkʉ lɛŋ bɨtiʼ bin mbɛh, lé ebaʼ mobo. Bɨtiʼ byaa, byé óka sa nteme ó, bɨn gʉŋa Tî ga wina Yesʉs-Krɨst é kpɛhla.

2 Pyɛr 1:10

Obɨɔ ga bam aa! Me elɛɛ bɨn ó nɛɛ: gbaʼ ga monyʉl lé esea é dwiii é l'efu ó, bɨn gʉŋa cyecye ó, Zyɛm a si jebe bɨn, le epɛh bɨn, ebe, ǃbɨn si sa no nɛʼɛ, bɨn bé ákwoʼ duma é syem.

2 Pyɛr 2:20

ǃƗ mʉr si gʉa Tî ga wina le Tiʼbʉr ga wina Yesʉs-Krɨst, le esyɛhle bɨbol bɨ si nwaʼ nɛʼɛ, ǃnye si bâʼle kʉ bir pie tɨʼ ó, ebebe laa, lé bâʼla mara nye wa, tiʼ ye, yé óka bebe, ntaa njɨ, laa mpʉ yé a taare be e,

2 Pyɛr 3:18

Toʼ le egwɨe ga ebe ncwɨncwɨa Tî ga wina le Tiʼbʉr ga wina Yesʉs-Krɨst lé elɛʼle bɨn ɨ. Bɨn bé à gwɨe nteme ebe bɨn bɨ gʉa nye. Nye ome ó ndɨ ejala e kum, taare é banana, to pyal é njʉmdia e njʉmdia. Amɛn.