2 Pyɛr 1:19 - Kálara Zyɛ̌m Edwán é mpʉ̌n

¹⁹ No ó, lɔɔ ogwiha o mɨlɔb bé a lɛɛ-lɛɛ ɛ, wé ó lɔɔ ebuʼlɔ. Bɨn bé à kʉ gʉa joʼlo lɔɔ wɔɔ é kpɛhla. Wé ó mpʉ elama lé epan é gumo edurʉ, lé a be-be lé mara bʉr ɨ. Toʼ ga dolo lé ebuʼla we, to pyal é jɔʼ mɛn, wé ólama, le é jɔʼ myɛn atwitwɛn molama mo mɛn, wé ópan bɨn é mɨleme e.

Kálar Nzyɛ̌m : Ejwán é Sáá

¹⁹ Nó, lɔ́ɔ́ ógwíha o mílɔ̌b bé á tutúno wɨ́, wé ó sá mɨ́ná mû sí gʉ́a gá ɨ́ pébébé yɨ́. Bɨ̌n e kʉ́ gwá di le ocwóó, ebě, wé ó mpʉ éláma e dí epan ɨ́ gúmó yé á bɨbe lɨ́ edúrʉ́ʉ́ yɨ́ lɨ́. Tóʼ gá dóló le ebúʼlǎ lɔ́ɔ waá, tó kumo ɨ́ jɔʼ dʉ́o lé ójɨma yɨ́, le ɨ́ jɔʼ twítwén melɔ́ma mé mɛ́n ópan bɨ́n ɨ́ miléme yɨ́.

2 Pyɛr 1:19 ပူးပေါင်းရင်းမြစ်များ

Mɨngwiha 22:16

«Mɛm, Yesʉs, me a be ó si lomlo bɨn engles wam ó, nye ntaʼ, ze boʼlo bɨn mɨlɔb lé etiibe e mɨmbɛr mɨ Zyɛm ɨ. Mɛm, me ó mʉr a byɛl mpʉ ntoʼdu, waa ndɨ mʉr mpoŋbʉr mo David ɨ. Me nteme ó ndɨ atwitwɛn molama mo mɛn.»

Yʉanes 5:39

Bɨn bé egba monyʉl lé ejwɨʼ Kalara Zyɛm é dwiii, bɨn lé ebee ó, tɨʼ ó bɨn bé óbi tiʼ molu mo mpoʼ mɨmɛh ɛ. To kœb ó, Kalara Zyɛm ngwar e ngwar waa ó ndɨ eboʼlo é lɔb wam!

Mɨngwiha 2:28

Me ódwe nye nteme atwitwɛn lé epan é molama mo mɛn ɨ.

Yʉanes 5:35

Yʉanes a be ó mpʉ twima elama lé ekʉn bɨn zi ɨ. Bɨn ze kpɛl ó, bɨn soha tɔɔ ma jɔʼ, cye yiyɛh myɛn elama laa, lé a be lé epɛn myɛn ɨ.

Mataos 4:16

Baa b'a taare be é l'edurʉ ɨ, bɨ bee bwaʼbwaʼ myɛn! Bʉr o b'a di-di é ka foo e, bé mu ó é myɛn!»

Yʉanes 8:12

Pie tɨ, Yesʉs ze lɛɛ e bʉr ó: «Me ó lé epɛn myɛn é si nwa. Mʉr ódu me e, nye óbi sa lé epɛn myɛn tiʼ ɨ. Nye aŋa ka ntime é l'edurʉ.»

1 Yʉanes 5:10

Mʉr lé ejyɛʼ taa buʼo ye boo Mwan mo Zyɛm ɨ, nye ó ndɨ ejoʼo mboʼla waa é leme we tʉŋlʉ. Mʉr ndɨ abuʼla Zyɛm ɨ, nyi sa mpʉ sa lɛɛ ó, Zyɛm Sɔŋ, nye ó mpʉmpʉl, ebe, nye abuʼla mboʼla Zyɛm a boʼlo, tiibe e Mwan we e.

1 Pyɛr 1:10

Ogwiha o mɨlɔb, bé a bɛa gwih ó, Zyɛm ólɛʼle bɨn ncwɨncwɨa we, lɛɔ nteme ó, Zyɛm óbana dwe bɨn tiʼ molu mo mpoʼ mɨmɛh. Bé a si saa egʉa mozi nye a be ó, nye ótiʼ bɨn e tɨʼ ɨ, é saa saa, abeɔ.

Jacques 2:8

ǃBɨn si du etie ndɨ etilɔ é Kalara Zyɛm ó: «Kpɛlɨ mɨɔ go mʉr mpʉ go lé ekpɛl go mʉr tɨʼ» nɛʼɛ, lɛɛ ó, bɨn bɨ gʉa sa, ebe, etie laa, lé ó laa Tî ga wina a tiile e!

Mɨlʉmlʉ 17:11

Bʉr o Bere bé a kœb ɨ, bé a be ó é mbɨa mɨleme, laa oYʉden bé a be Tesalonika ɛ, ebe, mɨleme, myé a be ó be é ntɨɨɨŋ ó, bé jwɨʼɨ sikʉlʉ lé etiibe e Zyɛm ɨ. Dobo lɨlɛh, bé a be ó lé epahle Kalara Zyɛm lé ebee nkʉ sa Pol a lɛɛ-lɛɛ be e, yé a be ó cyecye.

Mɨlʉmlʉ 15:29

Diʼe ga é l'ecyooŋʉ, lé esyɛhle lɔb ede tir a bàŋɔ é mpah bé ndɨ edwiibɨ ozyɛm bé a dɨ kpaʼ ɛ, lɔb ede motié, lɔb ede tir a baasyɛhɔ twii, motié pʉʼa ɛ, ndwe e lɔb esa bɨmala e mɨfyɛba. ǃBɨn si baʼle monyʉl mɨn mbɨmbɨa é mbi wiʼ nɛʼɛ, lɛɛ ó, bɨn bé ókʉ gʉa esa syɛɛla ndɨ é mbɨa ɛ. Diʼe ga mbɨmbɨa.

3 Yʉanes 1:6

Ojyoo bo baa, bé a si boʼlo é mih mo bʉr o Mbɛr-Zyɛm mpʉ go a cwɨa e be e. Dɨʼe fuʼo be no é bɨcyen byɔɔ, mbi fuʼa lé ejala e syɛl mosa mo Zyɛm ɨ, ó bé toʼ e bɨcyen byɔɔ dolo.

Ebrœ̂ 2:2

Bɨna bé egʉa ga ó, mpaŋla Zyɛm a lomlo bʉr e beengles ɨ, a be ó sa ndɨ ejala le enʉŋɔ é nkɔb ɨ. Mʉr nyiwɛh a ntaa etie e tɨʼ ɨ, le waa a sa mpaŋla waa ebɨh ɨ, a si bi myɛna mé a jala e l'ebɨh laa ɛ.