2 Pyɛr 1:17 - Kálara Zyɛ̌m Edwán é mpʉ̌n

¹⁷ Zyɛm Sɔŋ a si dwe nye duu. É jɔʼ Zyɛm Sɔŋ a ntɨh twii, duho é dia kum nɨnɨ ye e, nye a lɛɛ ó: «Nwaʼ, nye ó mwan kpɛl wam. Me ekʉ mɨɨla e nye.»

Kálar Nzyɛ̌m : Ejwán é Sáá

¹⁷ Nzyɛ̌m Sɔ́ŋ á si dwe nye dúu le kûm. Ɨ́ jɔʼ nyé á ntɨh twíí, duho ɨ́ diá kûm nɨ́nɨ́ɨ́ yé yɨ́, nye á lɛ́ɛ ó: «Mwân wǎm mé dí ɨ́ buú kpɛl nyá ó nyâ. Me lɨ́ ekʉ́ mɛɛla e né.»

2 Pyɛr 1:17 ပူးပေါင်းရင်းမြစ်များ

Markus 9:7

Dwine ze buuro be. Ompʉn, bé ka joʼo ó, nuu twii lé eduho é mɨnkur tʉŋlʉ, lé elɛɛ ó: «Nwa, nye ó mwan kpɛl wam. Joʼa ga nye.»

Mataos 17:5

Mpʉ nye a be, nye dina lé elwib ɨ, dwine é nge-ngɨ-nge ze buuro be. Ompʉn, bé ka joʼo ó, nuu twii lé eduho é mɨnkur tʉŋlʉ, lé elɛɛ ó: «Nwaʼ, nye ó mwan kpɛl wam. Me ekʉ mɨɨla e nye. Joʼa ga nye.»

Mataos 3:17

Pie tɨ, nye ntɔʼ joʼo twii lé eduho é jobo kʉ, lé elɛɛ ó: «Nwaʼ, nye ó mwan kpɛl wam. Sʉhʉ yam yiyɛh, yé ó é nye.»

Lʉkas 3:22

Mbɨambɨa Sisim ze fulo nye é nyʉl é baaa, mpʉ epɨba. Twii ze duho é jobo kʉ, lé elɛɛ ó: «Go ó mwan kpɛl wam. Me ekʉ mɨɨla e go.»

Markus 1:11

Twii ze duho é jobo kʉ lé elɛɛ ó: «Go ó mwan kpɛl wam! Me ekʉ mɨɨla e go.»

Mataos 12:18

Zyɛm, nye elɛɛ ó: «Nwaʼ mʉr ó ndɨ syɛl mosa wam me a pɛh ɛ. Nye ó waa me lé ebul kpɛl, waa me lé emɨɨla e nye e. Me ólomlo nye sisim wam. Wé óbe ó ɨ nye. Nye óto le etuno ó, bʉr o ndɨ abe oYʉden ɨ, lɔb wɔɔ, wi tiʼ é l'ocɨcyel.

Yʉanes 3:35

«Zyɛm Sɔŋ, nye ekpɛl Mwan we. Nyi bɛa gba sa yiyɛh é jwɨ̀ʼa ye.

Yʉanes 5:26

ebe, jwɨʼ gwar e gwar é mbi Zyɛm Sɔŋ ndɨ e tiʼ njʉmdia é nye mʉr tɨʼ tʉŋlʉ ɨ, no nteme ó nye a sa ó, Mwan mo Zyɛm diʼe e tiʼ yaa ɛ.

2 Yʉanes 1:3

Mocyɛʼ mo mpom e njwɨʼa-nkoo ndwe e motala mo Zyɛm Sɔŋ bé e Yesʉs-Krɨst, ndɨ Mwan mo Zyɛm Sɔŋ ɨ, mé óswɨɨ é bɨna ga é zi ocyecye ndwe e ncwɨncwɨa.

Lʉkas 10:22

«Sɔŋ wam a si dwe me bɨsa bibyɛh. Abe e mʉr lé egʉa Mwan mo Zyɛm, pɛʼ njɨ Zyɛm Sɔŋ nye ome. Abe e mʉr ndɨ egʉa Zyɛm Sɔŋ, pɛʼ njɨ Mwan mo Zyɛm ndwe e baa Mwan lé ekpɛl lɛʼle e.»

2 Korɛnt 1:3

Bɨna gumla ga Zyɛm, waa ndɨ Sɔŋ mo Tî ga wina Yesʉs-Krɨst ɨ. Nye ó Sɔŋ ga wina lé elɛʼle bɨna ga njwɨʼa-nkoo we, waa lé egba bʉr nkul é monyʉl ɨ.

2 Korɛnt 11:31

Zyɛm, waa ndɨ Sɔŋ mo Da Yesʉs ɨ, nye egʉa ó, me alɛɛ mpʉl. Nye e kum njʉmdia e njʉmdia.

Yʉanes 17:21

Da, me ejwɨʼla e go ó, bɨbɛh, bé diʼe sa gwar. Bé diʼe é zyɛŋa wina, mpʉ go ndɨ ɨ me, mɛm ɨ go e. No ó bʉr bɨbɛh, bé óka buʼla ó, go ó b'a lomo me e.

Yʉ̂d 1:1

Mɛm, Yʉd, syɛl mosa mo Yesʉs-Krɨst, ndɨ nteme mɨɔ mo Jacques ɨ, ó lé etile bɨn kalara nwa. Me etile ó, bʉr Zyɛm Sɔŋ a jebe ndwe le ekpɛl, baa ndɨ ebaʼlɔ é zyɛŋa wɔɔ boo Yesʉs-Krɨst ɨ.

Yʉanes 6:27

Asea ga ebe mode lé elɨra ɛ. Sea ga ebe maa lé edi njʉmdia e njʉmdia ɛ. Mɛɛ, mé ó maa Mwan mo Mʉr ódwe bɨn ɨ, ebe, nye ó waa Zyɛm Sɔŋ a gba ejwɨʼ le e.»

Yʉanes 6:39

To kœb ó, mʉr a ntɨh me e, nye egwɨm ó, me l'ayi dimle mʉr ngwar é sama bʉr nye a ntɨh me e. Nye egwɨm ó, me pɛ̀hɛ be é mofoo é moho epihe, ntible-bɨkaŋa,

Yʉanes 20:17

Yesʉs, nye e nye ó: «Daʼ nara e me, ebe, me dina ó apa to é jobo kʉ, boo Sɔŋ. Toʼ, to lɛɛ obɨɔ bam ó: “Me mu ó lé ebere, bula to nko Sɔŋ wam ndɨ ɨ. Nye nteme, nye ó sɔŋ win. Nye ó Zyɛm wam. Nye ó Zyɛm win nteme.”»

Yʉanes 10:36

A, ebe yé bɨn lé elɛɛ ó, me epyeh nye e? Zê yé ó, ebe, me si gwih bɨn ó, me ó Mwan we ɛ? Me ó kʉ be waa Zyɛm Sɔŋ a pɛh, ntɨh kaʼ é si nwaʼ ɛ.

Yʉanes 14:6

Yesʉs, nye e nye ó: «Me ó ndɨ zi. Me ó ndɨ é l'ocyecye. Me ó ndɨ Etin e tiʼ. Mʉr, nye abe e nkul eto nko Sɔŋ wam ndɨ ɨ, cwɨɨ é nuu zi fih, nkʉ yé abe é me.

Mataos 17:3

Ngbaa le eka be nɛʼɛ, bʉʉ bʉrʉm oba ze nyin kunokuno e nye, bé e boo nɔɔ lé elɛɛla. Yé a be ó Moyiz bé e Élie.

Yʉanes 14:11

Buʼla ga me é jɔʼ me lé elɛɛ ó: “Me ó é zyɛŋa wih boo Sɔŋ wam; Sɔŋ wam, nye etiʼe ó, é me” e. Yé be ó, bɨn bé abuʼla lɔɔ wam waa nɛʼɛ, buʼla ga be ebe bɨsyɛɛla byam.

Yʉanes 6:37

Mʉr nyiwɛh Sɔŋ wam lé elomlo me e, nye óze boo me. Ndwe nteme, me abe e nkul ekubra waa nyiwɛh lé eze boo me e.

Rôm 15:6

é l'efu ó, bɨn diʼe twii ngwar lé egumlo Zyɛm, waa ndɨ Sɔŋ mo Tî ga wina Yesʉs-Krɨst ɨ.

Mataos 28:19

Ebe no, toʼ ga é si nwaʼ nyiwɛh. Bɨn bé à sa bɨkul bibyɛh ompʉn bam. Bɨn bé òdù be é die mo Sɔŋ e Mwan ndwe e Mbɨambɨa Sisim.

Yʉanes 5:20

ebe, Zyɛm Sɔŋ, nye ekpɛl Mwan mo Zyɛm. Nye elɛʼle nye sa nye mʉr tɨʼ lé esa ɛ. Nye ólɛʼle nye bɨsyɛɛla nye óka to le esa-sa ɛ. Byé ólaa byaa bi, bɨn nkʉʼ bul jehe,

Ebrœ̂ 1:3

Moncɛnba mo Zyɛm, mé enyin ó, é nye. Nye ó ndɨ gulo lé elɛʼle mpʉ Zyɛm nye mʉr tɨʼ ndɨ ɨ. Nye ebaʼle si nwaʼ nyiwɛh ó, é zi lwib ye ndɨ e nkul ɨ. Nye a si dib zi epubo bʉr é lɔb mɨsyem myɔɔ. Nye ze to é jobo kʉ, to di si é mbo ejʉm mo waa ndɨ e mojwɨ̀ʼa monɨnɨ é jobo kʉ ɨ.