2 Pyɛr 1:16 - Kálara Zyɛ̌m Edwán é mpʉ̌n

¹⁶ Bɨh ó b'a sa ó, bɨn gʉŋa mpʉ Tî ga wina Yesʉs-Krɨst a nyin e buobuo nkul ɨ. Yé a baabe ebe pɨʼ bɨh bé a nʉa, duho é bɨkɨkɛna bɨ mpʉl ɨ. Sa yé a sa ó, bɨh lɛʼla bɨn no e, yé a be ó bɨh bé a si bee mpwaʼ we e mih mɨh.

Kálar Nzyɛ̌m : Ejwán é Sáá

¹⁶ Ebě, ɨ́ jɔʼ bɨ́h á dwe bɨ̌n lɛ́ʼlá dí edumo e nzéá dí lwɨ́ŋlá e nkul mé Tî gá wɨ́ná Yésʉs-Krîst wɨ́ yɨ́, bɨ̌h bé á bé akala bɨ́n bikɨkɛna bʉ̂r bé á kûhlo e pɨʼ nyɔ́ɔ́ bí. Lɛ́ʼlá wɨ́h waá, wé á bɔma ó e mboʼlá wɨ́h, bɨ̌h bʉr o b'á bee mpwaʼ nyé bá.

2 Pyɛr 1:16 ပူးပေါင်းရင်းမြစ်များ

1 Yʉanes 4:14

Bɨna bɨ bee ga sa bɨna lé eto le eboʼlo ga ɛ. Mboʼla ga wina, wé ó wi: Zyɛm Sɔŋ a ntɨh Mwan we ó, nye beʼ Tiʼbʉr é l'efu e si nwaʼ nyiwɛh.

Yʉanes 1:14

Lwib a be ó si byɛl mʉr. Nye a si tiʼe paʼra ga wina. Bɨh bɨ bee moncɛnba me, moncɛnba mo Etiʼe e Mwan mo Zyɛm. Nye a duho boo Sɔŋ we ó, nye mu bɛa be lwɨŋla e ncwɨncwɨa e l'ocyecye mo Zyɛm.

1 Timotɛ 1:4

Bé ayi joʼlo bɨsa mɨlɔɔ, nkʉ bɨláa-ntan ndɨ abe e l'esie e. Bɨsa byaa ó lé edulo ziila motwii é Mbɛr-Zyɛm. Byé abe e nyɔm é nko paʼ eloŋlo syɛɛ mo Zyɛm. Bɨna bé esa ga nye syɛɛ yaa ó, é zi buʼo ga yina.

1 Timotɛ 4:7

Go ajala le ejoʼo bɨsa mɨlɔɔ, myaa otamabʉba lé esa-sa ɛ. Pɨʼɨ go mʉr tɨʼ é l'efu ó, go dwaaba Zyɛm.

1 Korɛnt 2:4

Lwib yam ndwe e mbi me a cen mpaŋla mo Zyɛm ɨ, byé a baabe bɨlwib ndɨ lwɨŋla e l'ocyoo o mbi jɔʼ yi. Sa yé a tine bɨn ó, bɨn buʼla sikʉlʉ yaa ɛ, yé a be ó, bɨsyɛɛla Mbɨambɨa Sisim a sa e nkul we e.

Éfɛsɔs 4:14

É jɔʼ yaa ó bɨna bé ópʉʼa ga é l'oncyom é nko paʼ buʼo e. Bɨsikʉlʉ bɨfih, byé aŋa ka ncyeŋ bɨna ga, nkʉ gomlo bɨna ga é zi fih, waa baanya-bɨkʉʉŋʉ ndɨ edu ɨ. Bé egwɨm ó, bé ntaŋa bɨna ga é pɨʼ wɔɔ, le nteme ó, bɨna buʼla sikʉlʉ yɔɔ yaa.

1 Korɛnt 1:17

Krɨst a baalomo me ó, me toʼ le edù bʉr. Nye a lomo me ó, me toʼ, to lɛɛ Mbɨambɨa Lɔɔ. Me tuna we, abe e mokan é lʉo-lʉo, ó efie nye a dwè é klos kʉ ɨ, lé nkʉʼ be, adimle nkul we.

Mɨngwiha 1:7

Mbe ga: nye ó ma ze é nkur tʉŋlʉ nɨ! Bʉr bɨbɛh, to kumo kuma e baa b'a kar nye ekʉa é bɨmpah ɛ, bé óbee nye. Bʉr o moveh mo si nwaʼ bɨbɛh, bé ósa efie le. Eee, yé óbe ó no! Amɛn!

Títos 1:14

Bé gwaʼa lé ejoʼlo bɨsa mɨlɔɔ mɨ oYʉden. Bé kaʼ gwaʼ lé edu motie le mompene, maa ndɨ eduho é bʉr o b'a bɛa bene ocyecye e.

Yʉ̂d 1:14

Enɔk a be ó mwan mo nura mo Adam. Nye a si gwih mɨlɔb mo Zyɛm lé etiibe e bʉr baa ɛ. Nye a lɛɛ ó: «Paʼ joʼo ga: Da óze ó e mɨsaŋ beengles be mowʉm mo otɔɔyin,

2 Tesalonika 2:9

Mbi zea nye óze e, wé ólɛʼle bʉr ó, nye e nkul mo Satan. Nye ósa mosima mɨmbi mɨmbi e bɨdweʼle bɨ nkul we, ka kɛl bɨsa bɨ jehe ndɨ byaa bɨkʉʉŋʉ ɨ.

2 Korɛnt 4:2

Bɨh bé a nʉa tiʼa ó, bɨh bé aŋa sa bɨsyɛɛla bɨ fwon ndwe e byaa mofo, nkʉ sea e pɨʼ bɨkʉʉŋʉ. Lɔɔ Zyɛm bɨh bé a timlɔ, waa bɨh lé eyeʼle e, bɨh bé asiila sɔʼɔ tɨ. Bɨh bé ekʉ ka dwe ó njɨ mpaŋ sikʉlʉ ndɨ cyecye e. É mbi waa ó bɨh lé esa ó, mʉr nyiwɛh beŋɨ bɨh e mɨpɛhla mɨ leme ndɨ é pyɛɛɛ ɛ. Bɨh bé esa no ó, é mih mo Zyɛm.

2 Korɛnt 2:17

No ó, bɨh bɛɛ, bé abe mpʉ obɛma o mɨlɔb mo Zyɛm. Zyɛm a lomo bɨh ó, loma. Lwib yaa, yé eduho bɨh é mɨmo si. Bɨh bé elwib mɨlɔb mye ó, é mih mo Zyɛm, é lɔb zyɛŋa wih boo Krɨst.

Mataos 28:18

Yesʉs ntɔʼ dihle nko bé a be e. Nye e be ó: «Mɨ bi nkul mojwɨ̀ʼa mo kʉ ndwe e maa mo si nwaʼ nyiwɛh.

1 Tesalonika 2:19

Ozé b'a loŋlo mɨleme mih e mbɛla wiʼ ɛ? Bɨsʉhʉ bɨh lé epa kʉ soho e, byé lé eduho é l'ozé ɛ? Yáa sɔʼɔ bɨh bé ólɛʼle Tî ga wina Yesʉs, yaa bɨh bé ódoʼo e ye e? É jɔʼ nye óze e, bɨn ó ngo sa ó, nye bœrɨ me epʉʼlʉ é lʉ é jɔʼ me ócyɛb é mih me e!

Filipi 3:21

ntɔʼ dwir bɨsa monyʉl ga bina bi. Monyʉl ga mɨna, mé òka nwɨɨla e nyʉl we ndɨ e kum ɨ. Nye e buobuo nkul ndɨ esa ó, bɨsa bibyɛh, byé saʼ nye mojoʼo e.

1 Korɛnt 5:4

É jɔʼ bɨn bé óbâʼle gwɨhla é die mo Da Yesʉs, mɛm nteme tɨʼ é nko paʼ sisim, nkul mo Tî ga wina Yesʉs tɨʼ nteme e bɨna ga ɛ,

1 Korɛnt 2:1

Obɨɔ ga bam aa! É jɔʼ me a ze gʉʼ bɨn ye lé eze pɛʼle bɨn mokan, le elɛʼle bɨn lwib odim mo Zyɛm ɨ, me a baaze ba e pɨʼ ó, me ólwib e bɨn e mokan é lʉo-lʉo nkʉ e lwib ocyoo.

1 Korɛnt 1:23

É wih paʼ, bɨh bé elɛɛ ó, Mbɨambɨa Lɔɔ mo Lœma mulo mo Zyɛm a cyèlɔ é klos kʉ ɨ. Lɔɔ waa, wé ekol oYʉden ebɔʼ ndɨ edumo be e. Wé enyin é mbea byʉʉ bɨkul bɨfih ó, wé ó lɔɔ ogʉ.

1 Korɛnt 1:7

Bɨntɔɔ Zyɛm lé enol bwan be e, nyi nol bɨn nteme bya. É jɔʼ bɨn dina lé ebono zea Tî ga wina Yesʉs-Krɨst óze e, bɨn mu ó e bɨntɔɔ Zyɛm a nol bɨn binɨ.

Rôm 1:4

É nko paʼ mo Sisim we ndɨ ti ɨ, nye a si jwɨrɔ ó «Mwan mo Zyɛm» e bwaʼbwaʼ nkul ebe pɛ̀ha foo: Tî ga wina Yesʉs-Krɨst.

Yʉanes 17:2

ebe, go a si dwe nye nkul ejwɨʼ bʉr bɨbɛh. Nye e nkul edwe bʉr o go a ntɨh nye e, tiʼ molu mo mpoʼ mɨmɛh.

Mataos 24:27

ebe, mpʉ ndweh mpie lé edweh é jobo nko dobo lé emʉa ɛ, yé ntɔʼ nyin é nko lé lé eja ɛ, no nteme ó Mwan mo Mʉr óbe é dobo nye óbula ze e.

Mataos 24:3

Yesʉs, nye osi di si é l'Ecwɨʼ le olivye nɛʼɛ, ompʉn be ze dî nye tia, bé mu bé ome ó: «Lɛŋɨ bɨh jɔʼ bɨsa bɨnɨ, byé ósyɛɛlɨ ɨ. Lɛŋɨ bɨh nteme dweʼle yé ólɛʼle ó, go mu ó kunokuno le ebula, le nteme, esie e mbi jɔʼ yi, lé mu ó é nere-nere e.»

Mataos 16:28

Me elɛɛ bɨn cyecye ó nɛɛ: é sama bʉr o ndɨ wâʼ bananaʼ ɛ, bʉʉ, bé aŋa dwè, bé l'apa bee Mwan mo Mʉr lé eze cyel jwɨ̀ʼa ye cyecye.»

Mataos 16:27

Ebe, Mwan mo Mʉr muno ze pyal é moncɛnba mo Sɔŋ we bé e beengles be. É jɔʼ yaa ó nye ódwe mʉr nyiwɛh myɛna, du mpʉ bɨsyɛɛla bye, byé a be e.

Mataos 17:1

Molu tobo, mé osi laa nɛʼɛ, Yesʉs ze nʉa Pyɛr bé e Jacques ndwe e ncyom we Yʉanes. Nye ze to e be é bwaʼbwaʼ ecwɨʼ. Bé a be gʉʼ ó bé ome.

Markus 13:26

É jɔʼ yaa ó bé óbee Mwan mo Mʉr lé eze é nkur tʉŋlʉ, lwɨŋla e mpwaʼ nkul we ndwe e moncɛnba me e.

Markus 14:62

Yesʉs ntɔʼ bɨha e nye ó: «Nɔɔɔ, me ó nye! Bɨn bé óbee Mwan mo Mʉr ndindil é nko paʼ mbo ejʉm mo Zyɛm Nkul nyiwɛh. Bɨn bé óbee nye lé eze é nkur tʉŋlʉ.»

Lʉkas 1:2

Bɨsyɛɛla byaa, byé a tilɔ-tilɔ ó, mpʉ bʉr o b'a be tɨʼ ɨ, bé a ntɨh bɨna lɔɔ bɨsyɛɛla bé a bee e mih mɔɔ, duho é l'etɔɔrʉ ɨ. Bé nteme mu ó osyɛl o mosa o lɔɔ waa.

Lʉkas 9:43

Bɨbɛh, bé a si di é jehe lé ebee bɨsyɛɛla bɨnɨnɨ mo Zyɛm. Bʉr bɨbɛh, bé a be tina ó lé ekʉ jehe bɨsyɛɛla bibyɛh Yesʉs a sa ɛ. Yesʉs ntɔʼ lɛɛ e l'ompʉn be ó:

2 Pyɛr 2:3

Mɨmpʉmpʉl mɨ oyeʼle myaa, myé ókʉa bɨn e mokan bɨkʉʉŋʉ lé esaa ebi bɨsa é zi waa. Sa gwar, bɛa taare kɔm, tiʼà mɨlɔb wɔɔ, nyi bɛa tiʼe mɨlɔb myɔɔ, le egʉa bɨntɨʼa nye ókab be tɨʼ ɨ. Nye ó é doʼlo lé ebono be.