2 Pyɛr 1:12 - Kálara Zyɛ̌m Edwán é mpʉ̌n

¹² Me egʉa ó, bɨn mu ó lé egʉa mɨlɔb mɨ ocyecye mɨnɨ. Me egʉa nteme ó, myé ó ndɨ esa ó, bɨn cyɛba é nkʉʼʉ, apɨŋla. Me dam gʉa no, me ódɨ jɨm bɨn bɨtoŋla bɨ tɨʼ é jɔʼ yiyɛh.

Kálar Nzyɛ̌m : Ejwán é Sáá

¹² Bɨ̌n bé lɨ́ eboó gʉ́a ótyeetye dí egʉ́ŋɔɔ ɨ́ jɔʼ yɨ̂ʼ wɨ́. Milɔ̌b mi tɨ̂ʼ ó dí esâ ó, bɨ̌n tyɛ́bɨɨ mekʉ̌ sí ɨ́ sɨ́ŋ, apɨ́ŋla yɨ́. Bɨ̌n damá gʉ́a nó, me ósímsa bɨ́n otyeetye waá ɨ́ jɔʼ yɨ́yɛ̂h.

2 Pyɛr 1:12 ပူးပေါင်းရင်းမြစ်များ

1 Yʉanes 2:21

Me atile bɨn e yʉʉ toŋla ó, bɨn bé ejeʼe ocyecye. Me etile bɨn ó, ebe, bɨn bɨ gʉa we. Bɨn nteme bé egʉa ó, mpʉl, nye abe e nkul eduho é l'ocyecye.

Filipi 3:1

Obɨɔ ga bam aa! Sa me lé eka tile bɨn é l'epihe e, yé ó nɛɛ: soha ga é zyɛŋa win boo Da Yesʉs. Yé akɔbla me ó, me bâʼla tile sa me taare tile bɨn ɨ. Yé nteme ó me muno ze sa ebe nyɔm win ɨ.

Kolosi 2:7

Buʼo bɨn ndɨ e ye e, yé paha mɨkaale. Yé toʼ dolo lé egwɨe le ebwaʼ. Jyɛʼɛ ga taa buʼo yin boo nye, mpʉ bé a dwe bɨn sikʉlʉ tɨʼ ɨ. Toʼ ga dolo lé edwe Zyɛm kum.

Yʉ̂d 1:5

Bɨn dam gʉa sa yaa, me paʼ jɨm bɨn bɨtoŋla é lɔb wi: Sa efoʼ, yé ó, é jɔʼ Da a dwih kul bʉr ye é lal Egipten ɨ, nye ze bana jʉ bʉʉ bʉr o tɨ, baa bɨbɛh bé a bene jyɛʼ taa buʼo yɔɔ boo nye e.

2 Yʉanes 1:2

Me etile bɨn é l'efu ó, bɨna nkʉʼ di ga e l'ocyecye. Wé ódi é bɨna ga é jɔʼ yiyɛh.

2 Pyɛr 1:13

Yé ó no: me ebee ó, yé ó cɨcyel lé ejɨm bɨtoŋla bin byaa é zi mɨlɛa myam, cye yiyɛh me dina kʉ ɨ. Diŋa ó, bɨn bé ókubla,

Yʉ̂d 1:17

Obɨɔ o kpɛl bam aa! Toŋla ga mokan mɨlʉmlʉ mo Tî ga wina Yesʉs-Krɨst, myé a bɛa lɛɛ bɨn ɨ.

Yʉ̂d 1:3

Obɨɔ o kpɛl bam aa! Me a taare bee ó, sa ndɨ ekʉ jala ɛ, yé a be ó, me tila bɨn é lɔb tiʼ molu mo mpoʼ mɨmɛh, e mpʉ bɨna bé a bi ga tiʼ yaa mbi ngwar ɨ. No ó, me a ze bee ó, me ófuo ka tile bɨn ó, bɨn lwimla dɔm. Dɔm laa, lé ó, bɨna kamla ga e buʼo ga yina, yé diʼe mpʉ Zyɛm a bɛa ntɨh mɨsaŋ mɨ bʉr be ya ɛ.

2 Pyɛr 3:17

Ebe no, obɨɔ o kpɛl bam aa! É mpʉ bɨn lé ebɛa gʉa sa nɨ ɨ, diʼe ga ncye, lé ekpɛɛ ó, bɨn bé amu jaa gʉmla é bebebebe zi, ntɔʼ to dim lé ebaŋa ontɔɔ o motie. Bɨn bé amu jaa pʉʼa é cye molele yin.

2 Pyɛr 3:1

Obɨɔ o kpɛl bam aa! Kalara mba me lé etile bɨn ó nwa. Me etile-tile bɨn no ó, me nkʉʼ jɨm bɨn bɨtoŋla, bɨn nkʉʼ pahle-pahle bye é mɨleme ndɨ abe mbaʼra e bɨkʉʉŋʉ ɨ.

2 Pyɛr 1:15

Me ógba nyʉl lé eliʼe bɨn e mɨtila myam. É jɔʼ me óka liʼe bɨn ɨ, mɨtila myaa, myé óka liʼ pihe lé ejɨm-jɨm bɨtoŋla bin é nko paʼ mɨlɔb mɨnɨ é jɔʼ yiyɛh.

1 Pyɛr 5:12

Bɨh e Silas ó lé etile bɨn kalara nwaʼ titia mpʉ. Mbea wam, wé ó, nye ó mbuʼla ndɨ mʉr ebuʼla ɛ. Me etile bɨn ó e gwɨma egba bɨn nkul é monyʉl. Me eboʼlo nteme ó, buʼo bɨn mu e ye e, yé ó mpʉ Zyɛm lé elɛʼle ncwɨncwɨa ɛ. Cyɛba ga é nkʉʼʉ é ncwɨncwɨa waa.

1 Pyɛr 5:10

Zyɛm, nye ó mʉr lé elɛʼle bɨna ga ncwɨncwɨa we é bɨjɔʼ bibyɛh ɛ. Nye nteme ó b'a jebe bɨna ga ó, bɨna toʼ, to di ga é moncɛnba me é zi mo Krɨst. Moncɛnba maa, mé ódi njʉmdia e njʉmdia. ǃBɨn si sia e mɨtuu, tɔɔ ba ma peh jɔʼ nɛʼɛ, Zyɛm óbâʼle komlo bɨn. Nye cyelɨ bɨn mokʉ si é kpɨɨɨ. Nye bâʼla gba bɨn nkul é monyʉl. Nye fuma bɨn si é piʼi.

Ebrœ̂ 13:9

Gʉa di ga ncye. Abir ga ó, bʉr gomla bɨn é zi fih, é zi mɨmbi bɨsikʉlʉ bé lé elɛʼle, myaa bɨn ndɨ agʉa ɛ. Ncwɨncwɨa mo Zyɛm nye ome ó ndɨ egba bʉr nkul é monyʉl. Yé é mbɨa ó, bɨn biʼe nkul tɨ. Nyɔmlʉ bab lé elɛɛ ó, mʉr, nye ejala le ede é l'efu le edwiibɨ Zyɛm e nye e, nye abe e nyɔm é nko paʼ mo bʉr o lé ede nye e.

Ebrœ̂ 10:32

Toŋla ga mpʉ bɨn bé a be, é jɔʼ bɨn bé a kʉnɔ myɛn tiʼ ɨ, bɨn ze baran e mɨtuu e mɨndɛl le ekʉ dihbe.

2 Timotɛ 1:6

Ebe no ó me lé ejɨm bɨtoŋla byo é nko paʼ bɨntɔɔ Zyɛm a nol go, byaa go a bi, duho é kɛla me a kɛl go mobo mam ɨ. No ó, saʼ ó, go fuʼa bʉr é zi bɨntɔɔ byo binɨ,

1 Timotɛ 4:6

ǃGo óntɛŋ-ntɛŋ obuʼla sikʉlʉ yiʼ nɛʼɛ, go óbe ó mpaŋ syɛl mosa mo Yesʉs-Krɨst! Go óyeʼle mɨlɔb mɨ buʼo ga yina é zi waa, le edwe mpaŋ sikʉlʉ go a bɛa jwɨʼ é jɔʼ go a be é l'oncyom go e.

Mɨlʉmlʉ 16:5

No ó mɨmbɛr mɨ Zyɛm, myé a nʉa pim é buʼo e. Tɔɔ obuʼla nteme ze kʉ buo-buo bua dobo lɨlɛh.

Kolosi 1:5

Sa nɨ yiyɛh ó, ebe sa bɨn ndɨ ebɛla, yaa ndɨ koma é lal mo Zyɛm ɨ. Bɨn bé ó e mbɛla waa é mɨleme, duho é jɔʼ bɨn bé a taare joʼo Mbɨambɨa Lɔɔ ndɨ lɔɔ cyecye ndɨ eduho boo Zyɛm ɨ.