2 Pyɛr 1:11 - Kálara Zyɛ̌m Edwán é mpʉ̌n

¹¹ No nteme ó Zyɛm óbeŋle bɨn le edib bɨn zi ó, bɨn niʼe é jwɨ̀ʼa mo Tî ga wina le Tiʼbʉr ga wina Yesʉs-Krɨst ɨ. Jwɨ̀ʼa ye yaa, yé ódi ó njʉmdia e njʉmdia.

Kálar Nzyɛ̌m : Ejwán é Sáá

¹¹ Nó ntémé ó Nzyɛ̌m ósúʼo bɨ́n e menzɨ̌ mɨ́mɛ̂h lɨ́ esú ó, bɨ̌n níʼee ɨ́ Mpóʼo mé Tî gá wɨ́ná le Tiʼbʉr gá wɨ́ná Yésʉs-Krîst yɨ́. Mpóʼo nyaá, nye ódi ó njʉ̌m dǐ e njʉ̌m dǐ.

2 Pyɛr 1:11 ပူးပေါင်းရင်းမြစ်များ

Mɨngwiha 5:10

Go ó b'a niŋle be é jwɨ̀ʼa yo, le esa ó, bé diʼe opara lé esea e Zyɛm Sɔŋ wih ɨ. Bé nteme ó ngo jwɨ̀ʼ si nwaʼ nyiwɛh.»

Mataos 25:34

«É jɔʼ yaa, njwɨɨbʉr, wé ólɛɛ e baa ndɨ nye é mbo ejʉm ó: “Ntaʼ ga, bʉr Sɔŋ wam a sʉ mocyɛʼ mo mpom me e. Ntaʼ, ze nʉa ga bɨdia é jwɨ̀ʼa nye a bɛa komlo bɨn, duho é l'etɛɛrɨ e si nwaʼ ɛ,

Mɨngwiha 3:21

Mʉr óbe si ntaa, bula e l'esaa é koo e, me ódwe nye nkul ó, bɨh e nɔɔ baʼra lé edi é dia taʼa yam, ebe, mɛm nteme, me a si ntaa, bula e lam esaa é koo, me ntɔʼ nʉa dia kunokuno e Sɔŋ wam é dia taʼa ye.

Ebrœ̂ 6:17

Zyɛm a nʉa tiʼa ó, bʉr, bé ógʉa cyecye ó, nye aŋa jɨha mbɨambɨa nkɛʼ we. No yaa ó nye a de mɨnkɛla é jɔʼ nye a liʼe bʉr e monkɛʼ me e. Bʉr o ndɨ ejala le ebi bɨsa bibyɛh Zyɛm a kɛʼ be e, bé ògʉa cyecye ó, nye ókʉ dira monkɛʼ me.

2 Timotɛ 4:8

Yi kʉ ka liʼ me ó njɨ ebœrɔ epʉʼlʉ é lʉ, laa ndɨ koma é l'efu lam ɨ. Epʉʼlʉ laa, lé ó ngo lɛʼle ó, mɨ bi mokebe é mih mo Zyɛm. Da Yesʉs óbœr me la ó, é dobo nye óbula ze e. Nye ó tiʼà mɨlɔb ndɨ etiʼe é l'ocɨcyel ɨ. Nye aŋa dwe yɛɛ njɨ me e me. Mopʉʼlʉ maa, mé óbœrɔ nteme ó, bʉr bɨbɛh lé esoho dobo Yesʉs-Krɨst óbula ze e.

Yʉanes 10:10

Ndiblʉ, wé eze ó, lé eze díbe, le ejʉ, le egbah. Mɛm a ze ó, bʉr biʼe tiʼ molu mo mpoʼ mɨmɛh, ndwe nteme ó, bé buʼba é bɨtiʼ byɔɔ é me.

Éfɛsɔs 3:20

Kum diʼe e Zyɛm, waa ndɨ e nkul esa sa yiyɛh, laa bim bɨna lé edî ga, nkʉ jwɨʼ ɨ. Kum diʼe e nye, waa ndɨ e nkul nɨnɨ lé esea e bɨna ga ɛ!

2 Korɛnt 5:1

Bɨna bé egʉa ga ó, monyʉl ga mɨna, mé ó mpʉ bɨsaʼ. ǃMe si dwihɔ é saʼ yam, ndɨ nyʉl wam nwaʼ nɛʼɛ, me óbi odia ofih, waa óduho boo Zyɛm, ndɨ é jobo kʉ ɨ. Ntʉʼ bʉr bé a fumo odia waa. Wé ó ngo di njʉmdia e njʉmdia,

2 Pyɛr 1:1

Mɛm, Simɔn Pyɛr, ndɨ syɛl mosa mo Yesʉs-Krɨst, ndɨ nteme lʉmlʉ we e, ó lé etile bɨn kalara nwa. Me etile ó bʉr o b'a bi mbi buʼo bɨh ndɨ e ye e, buʼo ga yina e l'odime é mɨpaʼ mimyɛh. Bɨna bé a bi ga buʼo yaa ó, ebe syɛɛla mo Yesʉs-Krɨst yé a be cɨcyel ɨ. Nye ó Zyɛm ga wina le Tiʼbʉr ga wina.

Rôm 2:4

Zyɛm nyɛɛ yɛɛ si lɛʼle go ncwɨncwɨa we laŋle. Nye nteme a si bee mɨsyem myo, alwib. Nye a si bul dihbe le. Zê go mu ó lé epyeh bɨsyɛɛla bye byaa ɛ? Zê go agʉa bim embɨa nye a sa go e? Embɨa le, lé ejala le elɛʼle leme go zi egwɨma mobebe mo, le edwir leme.

1 Korɛnt 15:24

É jɔʼ yaa ó esie e mbi jɔʼ yi, lé óka pyal ɨ, Krɨst ntɔʼ gbah mɨsisim mɨ apum mimyɛh: le myaa ndɨ mɨlʉ ɨ, le myaa mɨ nkul mojwɨ̀ʼa ɛ, le myaa ndɨ e monkul monɨnɨ ɨ. Nye ódwe Zyɛm Sɔŋ jwɨ̀ʼa ye yaa,

1 Timotɛ 6:17

Cyelɨ obil o bɨsa é mbi jɔʼ yiʼ mpene ó, bé l'ankɛɛ monyʉl. Mɨleme myɔɔ, myé l'ayi loŋlo e mbɛla é lɔb okum e l'ogbaa, sa ndɨ elaa mpʉ ngul mpaa ɛ. Bé jyɛʼɛ taa buʼo yɔɔ njɨ boo Zyɛm, waa lé epa dwe bɨna ga bɨsa byaa é ntuʼ-ntu-ntuʼ, lé egba bɨna ga bɨsʉhʉ é mɨleme e.

2 Timotɛ 4:18

Da Yesʉs óto le esyɛb me é jɔʼ yiyɛh bé ódɨ sa me ebebe e. Nye ósa ó, me pyala é jwɨ̀ʼa ye, yaa ndɨ é jobo kʉ ɨ. Nye dweŋɔ kum njʉmdia e njʉmdia. Amɛn.

2 Pyɛr 1:5

Ebe no ó me ndɨ elɛɛ e bɨn ó: Gbaʼ ga monyʉl lé etaʼ bɨsa biʼ é taŋa taŋa: é buʼo yin, bɨn bé à kɛl mbɨambɨa njwɨr. É mbɨambɨa njwɨr, bɨn bé à kɛl ngwɨa.

2 Pyɛr 2:20

ǃƗ mʉr si gʉa Tî ga wina le Tiʼbʉr ga wina Yesʉs-Krɨst, le esyɛhle bɨbol bɨ si nwaʼ nɛʼɛ, ǃnye si bâʼle kʉ bir pie tɨʼ ó, ebebe laa, lé bâʼla mara nye wa, tiʼ ye, yé óka bebe, ntaa njɨ, laa mpʉ yé a taare be e,

2 Pyɛr 3:18

Toʼ le egwɨe ga ebe ncwɨncwɨa Tî ga wina le Tiʼbʉr ga wina Yesʉs-Krɨst lé elɛʼle bɨn ɨ. Bɨn bé à gwɨe nteme ebe bɨn bɨ gʉa nye. Nye ome ó ndɨ ejala e kum, taare é banana, to pyal é njʉmdia e njʉmdia. Amɛn.