2 Pyɛr 1:10 - Kálara Zyɛ̌m Edwán é mpʉ̌n

¹⁰ Obɨɔ ga bam aa! Me elɛɛ bɨn ó nɛɛ: gbaʼ ga monyʉl lé esea é dwiii é l'efu ó, bɨn gʉŋa cyecye ó, Zyɛm a si jebe bɨn, le epɛh bɨn, ebe, ǃbɨn si sa no nɛʼɛ, bɨn bé ákwoʼ duma é syem.

Kálar Nzyɛ̌m : Ejwán é Sáá

¹⁰ Sɨ́ǎ yaá ó mé dí elɛ́ɛ bɨ́n, bɨ́ɔɔ́ bâm ó, gbáʼ gá nkul lɨ́ eséa ɨ́ piiia, lɨ́ esú ó, bɨ̌n gʉ́ŋaa tyeetye ó, Nzyɛ̌m á si jébe bɨ̌n, le etwâr bɨ́n yɨ́. Bɨ́n sá nó wá, bɨ̌n bé ákóʼó duma lɨ́ ebébe.

2 Pyɛr 1:10 ပူးပေါင်းရင်းမြစ်များ

2 Pyɛr 3:17

Ebe no, obɨɔ o kpɛl bam aa! É mpʉ bɨn lé ebɛa gʉa sa nɨ ɨ, diʼe ga ncye, lé ekpɛɛ ó, bɨn bé amu jaa gʉmla é bebebebe zi, ntɔʼ to dim lé ebaŋa ontɔɔ o motie. Bɨn bé amu jaa pʉʼa é cye molele yin.

Ebrœ̂ 6:11

Bɨh bé egwɨm ó, mʉr nyiwɛh saʼ zyee lé esea syɛɛ yaa, to pyal é l'odumo, akar. É jɔʼ yaa ó leme mʉr waa, wé óloŋlo e mbɛla ɛ.

2 Pyɛr 1:5

Ebe no ó me ndɨ elɛɛ e bɨn ó: Gbaʼ ga monyʉl lé etaʼ bɨsa biʼ é taŋa taŋa: é buʼo yin, bɨn bé à kɛl mbɨambɨa njwɨr. É mbɨambɨa njwɨr, bɨn bé à kɛl ngwɨa.

2 Timotɛ 2:19

Dam be no, nkan Zyɛm a cyel ɨ, nye dina ó, lé ecyɛb é nkʉʼʉ. Mokan nye a tile e nkan waa ɛ, mé ó ma: «Da, nye egʉa baa ndɨ baa be e.» Mʉʉ mo tɨ, mé ó: «Mʉr lé etɨʼ bɨr, le elɛɛ ó, nye ó ndɨ waa mo Da ɛ, nye ejala le esyɛhle sa ndɨ ozyɛhozyɛh ɛ!»

Mɨngwiha 22:14

Mocyɛʼ mo mpom, mé e bʉr o ndɨ esohlo mɨkan myɔɔ mpuban ɨ. Bé ó ndɨ e nkul eni é nkana yaa. Bé nteme, bé óbe e nkul emwaʼ mpumo lé ecyèl é lɨ tiʼ ɨ, de.

1 Pyɛr 1:5

Zyɛm mu ó lé ebaʼle bɨtiʼ bin e nkul we é zi buʼo. Nye ebaʼle bɨn no ó, é l'efu le edwe bɨn tiʼ molu mo mpoʼ mɨmɛh ndɨ ebono bɨn zi dolo e. Nye ólɛʼle bʉr bɨbɛh ya ó, é l'esie e mbi jɔʼ yi.

1 Pyɛr 1:2

Zyɛm Sɔŋ ó b'a pɛh bɨn, bʉr o nye a bɛa gʉa ɛ. Jɨh tɨʼ nye a kʉ pɛh bɨn, Sisim we, wé ntɔʼ ze pubo bɨn. Wé a pubo bɨn ó, lé emyɛʼ bɨn e motié mo Yesʉs-Krɨst é l'efu ó, bɨn saʼ nye mojoʼo. Mocyɛʼ mo mpom le motala mo Zyɛm, mé swɨŋɨ é bɨn é ntuʼ-ntu-ntuʼ.

Ebrœ̂ 6:19

Mbɛla waa, wé ó waa ebuʼlɔ. Wé emɛr mɨleme ga mina ó, mpʉ monkwab bɨnkoho lé emɛr titima é sʉm dibe é larada ɛ. Wé ó mpʉ kol lé entaa kan ebe é l'odia mo Zyɛm tʉŋlʉ ɨ. Guu odumo o kol waa, wé ó tiila é Tiʼe ndɨ e l'ekɛn é buobuo e.

Mataos 22:14

Yesʉs ze ko tɨʼ ó: «Ebe, baa lé ebaŋlɔ ɛ, bé é buo. Sa gwar, baa ndɨ mɨpɛha ɛ, bé ó titia.»

Rôm 11:29

ebe, é jɔʼ nye mu si tiʼe é leme we ó, nye jebe ó mʉr fih mʉr kɛ̀l, le edwe nye mɨndwɛa mye e, nye aŋa ka siila mɨtiʼa mɨ efoʼ myaa pie tɨ.

Jacques 2:10

Mʉr dam du motie mo Zyɛm mɨmɛh, ǃnye si ka ntaa etie egwar nɛʼɛ, nye e mobe jwɨʼ gwar e gwar mpʉ waa a ntaa mɨmɛh ɛ.

2 Pyɛr 1:3

Zyɛm a si dwe bɨna ga sa yiyɛh ndɨ e nyɔm é l'efu ó, bɨna biʼe tiʼ molu mo mpoʼ mɨmɛh le ekœʼ ebò e cyen é mbi nye ndɨ ekpɛl ɨ. Nye a sa no ó, é zi nkul nye ndɨ e nye ebe tiʼ nye ndɨ e ye e. Bɨna bi ga tiʼ molu mo mpoʼ mɨmɛh yaa ó, é zi ngwɨa bɨna lé egʉa ga nye e. Nye ó b'a jebe bɨna ga, lé elɛʼle mbɨambɨa njwɨr we ndwe e kum we.

2 Pyɛr 3:14

Ebe no, obɨɔ o kpɛl bam aa! É mpʉ bɨna mu lé eka bono ga moho waa ɛ, nye ókœb bɨn nyá ɛ? Gbaʼ ga monyʉl lé edi abe e l'ebar, nkʉ ebebe bé a ngbaa nwahle bɨn e la ɛ. Diʼe ga é motala é jɔʼ nye óbula ɛ.

Yʉ̂d 1:24

Kum, nye beʼ e mʉr ndɨ e nkul ekamle e bɨn ó, bɨn beʼ l'aduma, waa nteme ndɨ e nkul ecyel bɨn é mih me, waa ndɨ é moncɛnba ɛ, abe e sa ebebe nye a ngbaa nwahle bɨn e tɨ. Bɨn bé óbe nteme ó e bɨsʉhʉ é buobuo.