2 Pyɛr 1:1 - Kálara Zyɛ̌m Edwán é mpʉ̌n

¹ Mɛm, Simɔn Pyɛr, ndɨ syɛl mosa mo Yesʉs-Krɨst, ndɨ nteme lʉmlʉ we e, ó lé etile bɨn kalara nwa. Me etile ó bʉr o b'a bi mbi buʼo bɨh ndɨ e ye e, buʼo ga yina e l'odime é mɨpaʼ mimyɛh. Bɨna bé a bi ga buʼo yaa ó, ebe syɛɛla mo Yesʉs-Krɨst yé a be cɨcyel ɨ. Nye ó Zyɛm ga wina le Tiʼbʉr ga wina.

Kálar Nzyɛ̌m : Ejwán é Sáá

¹ Yé ó mɛm Simon Pétrus, syɛ̂l mesâ ti e mʉr milʉ́mlʉ́ mé Yésʉs-Krîst ó dí ecɛma bɨ́n mekaná mâ. Mě cɛmá ó, bɨ̌n bʉr o bɨ́h le onɔ́ɔ́ bé á bi mbǐ búʼó gwár bá. Búʼó yaá, odimé o tɨ̂, wé ó jwɨʼ gwár páʼ gá nyɨ́ná. Mɨná bé á bi gá búʼó yaá ó, ɨ́ lɔ̌b syɛ́ɛla mé Yésʉs-Krîst tîtyěl mʉr, Nzyɛ̌m gá wɨ́ná, Tiʼbʉr gá wɨ́ná.

2 Pyɛr 1:1 ပူးပေါင်းရင်းမြစ်များ

Títos 2:13

Bɨna bé ódi ga no ó, lé ebono mʉr lé egba bɨna mbɛla é mɨleme, waa lé esʉ bɨna mocyɛʼ mo mpom ɨ. Nye ó Zyɛm nɨnɨ ga wina, Tiʼbʉr ga wina Yesʉs-Krɨst, waa óbâʼle lɛʼle bɨna ga moncɛnba me e.

Títos 1:4

Me etile ó, gwɔɔ Tit, ndɨ me mwan é nko paʼ buʼo yina ɛ. Mocyɛʼ mo mpom le motala mo Zyɛm Sɔŋ bé e Yesʉs-Krɨst, Tiʼbʉr ga wina, mé swɨŋɨ é go.

2 Korɛnt 4:13

Yé ó tila ó: «Me a si buʼla. Ebe no ó me a lwib ɨ.» Bɨh bé e buʼo é mɨleme mbi ngwar e ngwar waa. Ndwe nteme, mpʉ bɨh bé a buʼla ɛ, mbi ngwar waa nteme ó bɨh bé a lwib ɨ.

Yʉanes 12:26

ǃƗ mʉr si gwɨm sea e me nɛʼɛ, yé ekʉ jala ó, nye duʼo me. Gumo me ndɨ ɨ, gumo yaa ó syɛl mosa wam nteme, nye ódi ɨ. Waa nyiwɛh ósea e me e, Sɔŋ wam ókʉ seʼle nye.»

Rôm 1:12

Sa me lé elɛɛ ɛ, yé ó, bɨna beʼ ga, baʼ fuʼo ba, baʼ fuʼo ba, é buʼo. Buʼo bɨn ndɨ e ye boo Krɨst ɨ, le yaa yam, byé ó ngo gba bɨna ga nkul é monyʉl.

2 Pyɛr 1:4

Ebe no, bɨna mu ó si bi ga monkɛʼ ndɨ é buo dime e. É jɔʼ bɨna lé ebuʼla ga monkɛʼ me e, bɨna bé esyɛhle ga bɨbol mofulu bʉr o si nwaʼ ndɨ e bye, duho é bɨgwɨma byɔɔ ɛ. É zi waa ó bɨna lé ekœʼ ga ebò e cyen ndɨ elɛʼle njwɨr mo Zyɛm nye mʉr tɨʼ ɨ.

1 Pyɛr 1:1

Mɛm, Pyɛr, lʉmlʉ mo Yesʉs-Krɨst ó lé etile bɨn kalara nwa. Me etile ó, bʉr o Zyɛm a pɛh, baa mu ojyoo, mu si myɛʼa, jala lal Pɔŋtos bé e waa Galat, e waa Kapadosia, ndwe e waa Azia, ka kɛl waa Bitini ɨ.

Éfɛsɔs 4:11

Nye ó b'a dwe bʉr mɨndwɛa mɨmbi mɨmbi. Nye a sa ó, baʼ bʉr, bé diʼe mɨlʉmlʉ; baʼ, ogwiha o mɨlɔb; bʉʉ, olɛa o Mbɨambɨa Lɔɔ; bʉʉ bʉr nteme, okobla o mɨmbɛr mɨ Zyɛm; bʉʉ, oyeʼle o mɨlɔb mo Zyɛm.

Rôm 1:1

Mɛm Pol, syɛl mosa mo Yesʉs-Krɨst ó lé etile bɨn kalara nwa. Zyɛm a jebe me ó, me diʼe lʉmlʉ we, le ecyel me é syɛɛ ó, me toʼ le elɛɛ Mbɨambɨa Lɔɔ we.

Lʉkas 1:47

Leme wam, wé ó lwɨŋla e bɨsʉhʉ, ebe Zyɛm, Tiʼbʉr wam,

1 Pyɛr 5:1

Ebe no, mɛm, Pyɛr, me ejwɨʼla e bɨn, ocyɛb be efoʼ o Mbɛr-Zyɛm bɨbɛh, mɛm mʉr ndɨ nteme cyɛb efoʼ e, bâʼle be nteme mboʼla a bee é jɔʼ Krɨst a sia e mɨtuu ɨ. Me nteme, me ó mboʼla óbi nkɔb é moncɛnba muno ze nyin é kpɛŋlɛm ɨ.

2 Timotɛ 1:5

Me esa nteme ó, toŋlo-toŋlo buʼo yo ndɨ eduho é mo si ɨ. Yé ó mbi buʼo ngwar e ngwar nyɔŋ mpam go Lɔyis bé e nyʉŋ Enike, bé a be e ye e. Mɨ kʉ gʉa nteme ó, mbi buʼo waa ó ndɨ go nteme é leme.

Filipi 3:9

Me egwɨm ó, Zyɛm beŋɨ njɨ ó, me ó é zyɛŋa wih boo nɔɔ. Me agwɨm bi mokebe é mih me ebe mbi me lé edu motie e. Me egwɨm ó, nye dweʼ me mokebe ebe taa buʼo me lé ejyɛʼ boo Krɨst ɨ.

Mɨlʉmlʉ 15:14

Simɔn, nyi lɛɛ mpʉ Zyɛm a taare lé etoŋlo bʉr o bɨkul bɨfih ɨ. Nyi pɛh bʉʉ bʉr é bɨkul byaa ó, bé diʼe kul bʉr ndɨ yaa ye e.

Mataos 10:2

Mɨlʉmlʉ mo Yesʉs ewʉm e mɨmba myaa ó mi: waa efoʼ, Simɔn ndɨ ejebɔ ó, Pyɛr ɨ, bé e ncyom we Andreas, Jacques, mwan mo Zebede, le ncyom we Yʉanes;

1 Pyɛr 2:7

Bɨn bʉr o ndɨ e buʼo yaa ba ɔɔ! Bɨn mu ó lé ebi kum lé eduho boo Zyɛm ɨ. Baa ndɨ abe e buʼo e, bɛɛ, bé ebee nye ó, mpʉ «Ekoʼ ofim o mbɛr bé a pyeh ɨ, lé mu ó ekoʼ lé esa ó bɨpab bɨ mbɛr, byé diʼe ocɨcyel ɨ.»

1 Pyɛr 1:7

Bɨn bé ebɔma e mobʉbla maa ó, bɨn nkʉʼ gʉa bee pie tɨʼ nkʉ bɨn bé ó e buʼo mpa. Taa buʼo bɨn lé ejyɛʼ boo Zyɛm ɨ, yé ó bɨn é bul buo dime, laa gol. Gol ndɨ sa yé ódim ɨ, pa taare gbaŋɔ é duro e molul, ó yé gʉa nyin nkʉ yé ó mpaŋ gol cyecye, a dwɛʼra e buʼo ga yina! Ebe no ó bʉr, bé ógumlo Zyɛm, le edwiibɨ nye é dobo Yesʉs-Krɨst óbula ze e.

Títos 1:1

Mɛm Pol, syɛl mosa mo Zyɛm, ndwe e lʉmlʉ mo Yesʉs-Krɨst ó lé etile go kalara nwa. Me esea syɛɛ yaa é l'efu e bʉr o Zyɛm a pɛh ɛ, ó me gbaʼ be nkul é monyʉl, ó bé jyɛʼɛ taa buʼo yɔɔ boo Zyɛm. Me elɛʼle be ocyecye ndɨ esa ó, mʉr dwaaba Zyɛm ɨ.

Filipi 1:29

Nye a dwe bɨn tiʼ molu mo mpoʼ mɨmɛh ó, bɨn gumla Krɨst, abe njɨ é jɔʼ bɨn lé ejyɛʼ taa buʼo yin boo nye e, kʉ bul be é jɔʼ bɨn mu lé ebɔma e mɨtuu ebe zyɛŋa win boo nɔɔ ɛ.

Éfɛsɔs 4:5

Tî ga wina, nye ó ngwar. Bɨna bé emɛʼle ga ó, buʼo gwar. Bɨna bé enʉa ga ó, ndubo ngwar.

Éfɛsɔs 3:5

Molu pihe, buobuo mɨmya mɨ bʉr, bé a baagʉa pɛʼle lwib odim yaa. No ó, banana, Zyɛm, nyi ka gwih ye é zi Sisim we. Nye a ka gwih lwib odim ye ó, lé etaare lɛʼle mɨsaŋ mɨlʉmlʉ mo Yesʉs-Krɨst bé e l'ogwiha o mɨlɔb.

Galásia 2:8

ebe, mʉr ngwar e ngwar a sea e nkul é zi mo Pyɛr ó, nye diʼe lʉmlʉ mo Krɨst boo oYʉden ɨ, nye nteme ó ndɨ esea é jɔʼ yiyɛh é zi wam é l'efu ó, me toʼ boo bɨkul bɨfih.

2 Korɛnt 5:21

Mʉr a baasa syem ɨ, nye ó ndɨ waa Zyɛm a kɛl mɨsyem mimyɛh é koo é ziʼrɨ ɨ. Yé a be ó é l'efu ga lɨna, ó bɨna nkʉʼ di ga ocɨcyel o bʉr é mih mo Zyɛm dumo e cɨcyel mʉr waa.

1 Korɛnt 15:9

É sama mɨlʉmlʉ tʉŋlʉ, mɛm ó ndɨ mʉr epihe. É l'ocyecye, me ajala le ejebɔ ó, lʉmlʉ mo Krɨst, ebe, me a si tíile bʉr o Mbɛr-Zyɛm.

1 Korɛnt 9:1

Zê me abe mʉr ndɨ é dia otî ɨ? Ntʉʼ me ndɨ lʉmlʉ mo Krɨst ɛ? Zê me a baasi bee Da Yesʉs ɛ? Ntʉʼ bɨn ndɨ mpumo a gumo, duho é syɛɛ me a sea é zi Tî ga wina ɛ?

1 Korɛnt 1:30

Bɨn bé ó é zyɛŋa win boo Yesʉs-Krɨst ó, dumo e Zyɛm. Nye ó b'a sa nteme ó, bɨn biʼe ocyoo mo Yesʉs. Bɨn mu ó ocɨcyel o bʉr é mih me, dumo e Krɨst. Krɨst nteme ó b'a pubo bɨna ga. Nye ó b'a dwih bɨna ga é mpila ebebe é pololo.

Rôm 1:17

Mbɨambɨa Lɔɔ waa, wé elɛʼle mpʉ bʉr lé ebi mokebe é mih mo Zyɛm ɨ. Mokebe maa, mé edweŋɔ ó, njɨ ebe taa buʼo mʉr lé ejyɛʼ boo Krɨst ɨ, taare é l'etɔɔrʉ, to pyal é l'efehle. Yé ó mpʉ yé ndɨ tila é Kalara Zyɛm ɨ. Yé ó tila ó: «Mʉr ndɨ e tiʼ molu mo mpoʼ mɨmɛh ɛ, nye ó njɨ waa a bi mokebe é mih mo Zyɛm ebe taa buʼo nye a jyɛʼ boo nye e.»

Yʉanes 20:21

Nye ntɔʼ bâʼle lɛɛ e be ó: «Motala, mé swɨŋɨ é bɨn. Mpʉ Sɔŋ wam a lomo me e, mɛm nteme, mɨ lomo bɨn.»

Yʉanes 1:42

No ó Andreas a ze to e Simɔn gumo Yesʉs a be e. Yesʉs ze dwɛʼ Simɔn é tʉʉʉŋ. Nye e nye ó: «Go ó Simɔn, mwan mo Yʉanes. Go óka jebɔ ó, Sefas» —no yé ó Pyɛr.

Lʉkas 11:49

Ebe no ó Zyɛm lé elɛɛ é l'ocyoo we ó: “Me ólomlo be ogwiha o mɨlɔb ndwe e mɨlʉmlʉ myam. Baʼ bʉr, bɨn bé ójʉ jʉʼo. Bʉʉ, bé ótíile.”

Mataos 4:18

Yesʉs a be ó lé ekœʼ é nkpah maŋ mo Galɨle. Nye ntɔʼ ze bee bʉr oba, Simɔn a jebɔ ó, Pyɛr ɨ, bé e ncyom we Andreas. Bé a be ó lé ela okʉa é modibe maŋ, ebe, bé a be ó olɛa be okʉa.

Filipi 1:1

Mɛm Pol, bɨh e Timote, osyɛl o mosa mo Yesʉs-Krɨst ó lé etile bɨn. Bɨh bé etile mɨsaŋ mɨ bʉr mimyɛh ndɨ é zyɛŋa wɔɔ boo Yesʉs-Krɨst, baa lé edi nkana Filipi ɨ. Bɨh bé etile nteme ó, obɔʼlʉ o mbɛr Zyɛm win tʉŋlʉ, bé e boo odiakɔn.

Jacques 1:1

Jacques, syɛl mosa mo Zyɛm bé e Da Yesʉs-Krɨst ó lé etile bɨn kalara nwa. Me esoho bɨn, bʉr o moveh ewʉm e moba mo Zyɛm, mu si myɛʼa, jala si nwaʼ nyiwɛh ɛ.

Yʉ̂d 1:1

Mɛm, Yʉd, syɛl mosa mo Yesʉs-Krɨst, ndɨ nteme mɨɔ mo Jacques ɨ, ó lé etile bɨn kalara nwa. Me etile ó, bʉr Zyɛm Sɔŋ a jebe ndwe le ekpɛl, baa ndɨ ebaʼlɔ é zyɛŋa wɔɔ boo Yesʉs-Krɨst ɨ.