2 Korɛnt 7:9 - Kálara Zyɛ̌m Edwán é mpʉ̌n

⁹ No ó, me esoho kalara waa é banana. Nkʉ me esoho nye, yé abe, ebe, nye ó b'a liʼe bɨn é gœʼra-gœʼra e mocyɛʼ mo nyʉl. Me ebul soho nye ó, ebe, é jɔʼ bɨn bé a liʼ é gœʼra-gœʼra no e, me a si dib bɨn zi egwɨma mobebe mɨn, le edwir mɨleme. Bɨn bé a si joʼo mompime, ntɔʼ sa mpʉ Zyɛm lé ekpɛl ɨ. Ebe no ó bɨn bé a baadimle sɔʼɔ ebe syɛɛla yih ɨ,

Kálar Nzyɛ̌m : Ejwán é Sáá

⁹ Nó ó, me lɨ́ esoho mékaná maá ɨ́ báánâ. Mé asoho mé ebe mé á sâ ó, bɨ̌n jóʼaa mebúʼ, bɨ̌n ntɔ̂ʼ jʉba ɨ́ lɔ̌b bísyɛ́ɛla bín. Mě soho ó, ebě, ɨ́ jɔʼ bɨ́n á jóʼo mebúʼ maá, ntɔ̂ʼ jʉba yɨ́, mé á si dib bɨ̌n nzɨ̌ edwira míléme. Tó kœb ó, syɛ́ɛla yaá, yé á duho bɨ̌n ó kwá mé Nzyɛ̌m. Nó yaá ó bɨ́n á be adímle sɔ̂ʼ ɨ́ lɔ̌b syɛ́ɛla yɨ́h e yʉ́ʉ́ yɨ́.

2 Korɛnt 7:9 ပူးပေါင်းရင်းမြစ်များ

Lʉkas 15:7

Me elɛɛ bɨn ó, jwɨʼ gwar yaa nteme ó bé óbul soho é jobo kʉ é jɔʼ syɛl mɨsyem ngwar óbe si gwɨma mobebe me, le edwir leme e. Bé óbul soho é lɔb we, laa mpʉ bé ngbaa soho é lɔb “ocɨcyel o bʉr” mowʉm bu e bu ndɨ amɛʼle ó, bé lé ejala le egwɨma mobebe mɔɔ, le edwir mɨleme e.»

Mɨlʉmlʉ 20:21

Me a si boʼlo boo oYʉden, ndwe e bʉr o bɨkul bɨfih ó, bé gwɨma mobebe mɔɔ le edwir mɨleme, lé esa Zyɛm mojoʼo. Bé jyɛʼɛ taa buʼo yɔɔ boo Tî ga wina Yesʉs.

2 Korɛnt 1:12

Sa bɨh lé edoʼo e ye e, yé ó yi: mɨpɛhla mɨleme mih, myé eboʼlo ó, bɨh bé ekœʼ ebò e cyen egwar é mih mo bʉr bɨbɛh, ndwe é maa mɨn, ebò e cyen ndɨ ti é mih mo Zyɛm, laa ndɨ eduho bɨh é mɨmo si ɨ. Bɨh bé a baakœʼ le lé edu ocyoo o bʉr o si nwa. Bɨh bé a kœʼ ebò e cyen laa ó, lé edu bim ncwɨncwɨa Zyɛm a lɛʼle bɨh ɨ.

Lʉkas 15:10

Me elɛɛ bɨn ó, jwɨʼ gwar yaa nteme ó bé lé esoho é mih beengles mo Zyɛm é jɔʼ syɛl mɨsyem ngwar ndɨ si gwɨma mobebe me, le edwir leme e.»

Lʉkas 15:32

Sa gwar, yé ejala ó, bɨna cyelɨ ga zɔɔ bɨsʉhʉ muh, ebe, ncyomo a be ndwè e, nyi pàh! Nye a si dim zi. Nye mu ó bɨna é mobo!”»

Mataos 3:8

Ebe no, guma ga mɨmpaŋ mɨ mpumo lé ejala e bʉr mu si gwɨma mobebe mɔɔ, dwir mɨleme e.

2 Korɛnt 7:8

Kalara me a tile bɨn ɨ, nye a si to kwɨɨ mompime mɨn. Dam be no, me agwɨma nye. Yé be ó, me a si taare gwɨma kalara waa nɛʼɛ, yé a be ó é jɔʼ me a bee mpʉ me a kwɨɨ mompime mɨn é ma jɔʼ ɛ.