2 Korɛnt 7:8 - Kálara Zyɛ̌m Edwán é mpʉ̌n

⁸ Kalara me a tile bɨn ɨ, nye a si to kwɨɨ mompime mɨn. Dam be no, me agwɨma nye. Yé be ó, me a si taare gwɨma kalara waa nɛʼɛ, yé a be ó é jɔʼ me a bee mpʉ me a kwɨɨ mompime mɨn é ma jɔʼ ɛ.

Kálar Nzyɛ̌m : Ejwán é Sáá

⁸ Damá be ó, mekaná mé á cɛma bɨ̌n má, mé á si to kwɨ́ɨ mebúʼ mɨ́n, mé ajʉbǎ sɔ̂ʼ tɨ̂. Yé bé, me á si nyɛɛ jʉba, dumo e mekaná maá nó, yé á be ó, ɨ́ jɔʼ mé á bee mpʉ mé á to kwɨ́ɨ mebúʼ mɨ́n ɨ́ mâ jɔʼ yɨ́.

2 Korɛnt 7:8 ပူးပေါင်းရင်းမြစ်များ

Mɨngwiha 3:19

Mʉr nyiwɛh me lé ekpɛl ɨ, me edwe nye mobe ndwe le eturo nye lʉ. Ebe no, gbaʼ ga monyʉl é l'efu ó, bɨn gwɨma mobebe mɨn, le edwir mɨleme.

2 Korɛnt 7:11

Dwɛʼa ga sɔʼɔ njɨ mpʉ Zyɛm a dwir bɨn é mɨleme e. Empime lɨn, lé a be ó si sa ó: Mɨleme, myé diʼe bɨn é ntɨɨɨŋ ó, bɨn saʼ embɨa. Bɨn saŋa zi ndɨ ó, me tɨʼe bɨbaa bɨ ebebe me a niʼe bɨn ɨ. Bɨn joʼa kalara waa e tuu. Bɨn joʼa bʉa. Bɨn biʼe mɨmpaŋ bɨgwɨma. Bɨn beʼ e zyee é mɨleme. Bɨn kuna mʉr a saŋɔ ebebe e. Bɨsa biʼ bibyɛh, byé ó bɨdweʼle, bɨsa lé elɛʼle ó, bɨn bé ó bʉr o ndɨ agʉa lɔb ɨ.

2 Korɛnt 7:6

To kœb ó, Zyɛm, nye ekɛm bʉr o ndɨ e monyʉl mɨfila si ɨ. Nye a si gba bɨh nkul é monyʉl é jɔʼ Tit a pyal ɨ.

Yʉanes 21:17

Pie tɨ, nye ze bâʼle dî e nye é jɔʼ lɛl ó: «Simɔn, mwan mo Yʉanes, zê go lé ekpɛl me ɛ?» Pyɛr ntɔʼ liʼ é gœʼra-gœʼra e mocyɛʼ mo nyʉl, ebe, Yesʉs a si bâʼle dî e nye é jɔʼ lɛl ó: «Simɔn, mwan mo Yʉanes, zê go lé ekpɛl me ɛ?» Nye e nye ó: «Da, go egʉa sa yiyɛh! Go ekʉ gʉa nteme ó, me ekpɛl go!» Yesʉs, nye e nye ó: «Kobla daa e bɨntœme lam.

Yʉanes 16:6

Dam be no, bɨn bɨ joʼo mompime ebe lwib me lwib e bɨn ɨ.

2 Korɛnt 7:7

Abe njɨ é l'epyal le, lé ome. Nye a gba me nkul é nyʉl nteme ó, lé ejoʼo mpʉ nye a taare fuʼɔ bɨn ye e. Me a ka gbaŋɔ nkul é nyʉl pie tɨʼ nteme ó, é jɔʼ nye a lɛɛ bɨh gwɨma yin ɨ, le mpʉ bɨn bé a jɨ modwe, le mpʉ bɨn lé ekpɛl me é buobuo e. Lɔɔ waa ó b'a bul gba me bɨsʉhʉ é leme.

2 Korɛnt 7:9

No ó, me esoho kalara waa é banana. Nkʉ me esoho nye, yé abe, ebe, nye ó b'a liʼe bɨn é gœʼra-gœʼra e mocyɛʼ mo nyʉl. Me ebul soho nye ó, ebe, é jɔʼ bɨn bé a liʼ é gœʼra-gœʼra no e, me a si dib bɨn zi egwɨma mobebe mɨn, le edwir mɨleme. Bɨn bé a si joʼo mompime, ntɔʼ sa mpʉ Zyɛm lé ekpɛl ɨ. Ebe no ó bɨn bé a baadimle sɔʼɔ ebe syɛɛla yih ɨ,

2 Korɛnt 7:12

Kalara waa a baatilɔ é l'efu ó, me nwahla mʉr a sa ebebe e, nkʉ ebe me kɛmɨ waa a saŋɔ ebebe e. Me a tile bɨn kalara waa ó, yé nkʉʼ gʉa nyin mpʉ bɨn lé ekpɛl bɨh é buobuo e. Bɨn bʉr o tɨ, mbe ga mpʉ bɨn ndɨ ɨ, é mih mo Zyɛm.