2 Korɛnt 7:7 - Kálara Zyɛ̌m Edwán é mpʉ̌n

⁷ Abe njɨ é l'epyal le, lé ome. Nye a gba me nkul é nyʉl nteme ó, lé ejoʼo mpʉ nye a taare fuʼɔ bɨn ye e. Me a ka gbaŋɔ nkul é nyʉl pie tɨʼ nteme ó, é jɔʼ nye a lɛɛ bɨh gwɨma yin ɨ, le mpʉ bɨn bé a jɨ modwe, le mpʉ bɨn lé ekpɛl me é buobuo e. Lɔɔ waa ó b'a bul gba me bɨsʉhʉ é leme.

Kálar Nzyɛ̌m : Ejwán é Sáá

⁷ Abě njɨ lɨ́ epyál lé, lé omér. Nye á gbâ me nkul ɨ́ léme ntémé ó, lɨ́ elɛ́ɛ mé mpʉ nyé á nyɛɛ súʼɔɔ kwá nyɨ́n yɨ́. Me á ka bi nkul ɨ́ léme píe tɨ̂ʼ ntémé ó, ɨ́ jɔʼ nyé á lɛ́ɛ bɨ̌h bigwɨ́má mílémé mín yɨ́, le elɛ́ɛ̌ mpʉ bɨ́n á jɨ medwê ɨ́ lɔ̌b wâm, le mpʉ bɨ́n dí ekpɛl mé ɨ́ buo buo yɨ́. Lɔ́ɔ waá ó b'á bu gbâ me bisʉhʉʉ ɨ́ léme wɨ́.

2 Korɛnt 7:7 ပူးပေါင်းရင်းမြစ်များ

Yʉ̂d 1:3

Obɨɔ o kpɛl bam aa! Me a taare bee ó, sa ndɨ ekʉ jala ɛ, yé a be ó, me tila bɨn é lɔb tiʼ molu mo mpoʼ mɨmɛh, e mpʉ bɨna bé a bi ga tiʼ yaa mbi ngwar ɨ. No ó, me a ze bee ó, me ófuo ka tile bɨn ó, bɨn lwimla dɔm. Dɔm laa, lé ó, bɨna kamla ga e buʼo ga yina, yé diʼe mpʉ Zyɛm a bɛa ntɨh mɨsaŋ mɨ bʉr be ya ɛ.

2 Korɛnt 5:2

ebe, é nyʉl nwaʼ tʉŋlʉ, me eto dolo lé esime é jɔʼ yiyɛh. Sa me lé ebul gwɨm ɨ, yé ó, me kaʼ di é mpaŋ odia wam, waa ndɨ é jobo kʉ ɨ.

2 Yʉanes 1:4

Me a si laŋle joʼo mombɨa é jɔʼ me a joʼo ó, bwan bo, bé dina ó lé ekœʼ mbɨambɨa ebò e cyen é l'ocyecye tʉŋlʉ, mpʉ Zyɛm Sɔŋ a tiile bɨna ga etie e.

Jacques 5:17

Élie a be ó mʉr mpʉ bɨna ga. Nye a si jwɨʼla e nkul ó, mpie beʼ l'aka nwɨɨ, to pyal é jɔʼ mpie a bana cyɛb, aka nwɨɨ tɔɔ mɨmbu mɨlɛl e peh e.

Ebrœ̂ 2:1

Ebe no ó bɨna lé ejala le egʉa joʼlo sikʉlʉ bé a taare ntɛŋ bɨna ga ɛ, é l'efu ó, bɨna beʼ ga l'aka lɨŋa é buʼo.

1 Tesalonika 3:8

É jɔʼ yi, bɨh mu ó si kʉ tiʼe, ebe, bɨn bé ecyɛb é nkʉʼʉ é zyɛŋa win boo Da Yesʉs.

1 Tesalonika 3:6

No ó, banana, Timote lwanbe kʉ pyal bɨh wâ, lé eduho nko bɨn ndɨ ɨ, le mbɨambɨa mɨlɔɔ mpʉ bɨn ndɨ ejyɛʼ taa buʼo yin boo Krɨst, le ekpɛla ɛ. Nye elɛɛ nteme ó, bɨn bé etoŋlo bɨh bɨtoŋla bɨmpa, ndwe le elɛɛ nteme mpʉ bɨn lé egwɨm bee bɨh ɨ. Yé ó jwɨʼ gwar e gwar e mpʉ bɨh nteme lé egwɨm bee bɨn ɨ.

Kolosi 2:5

Yé cyecye ó, me ó é ncɛra e bɨn é nko paʼ nyʉl bɨpuno. No ó, é nko paʼ sisim, me yɛɛ ó kunokuno e bɨn. Me ó kʉ be é l'esama lɨn tʉŋlʉ, lé esoho lé ebee mpʉ bɨn dina lé ecyɛb é nkʉʼʉ ɨ. Me esoho nteme lé ebee mpʉ bɨn lé ejyɛʼ taa buʼo yin boo Krɨst ɨ.

Filipi 1:20

Leme wam, wé ó lwɨŋla e mbɛla ó, me ákwoʼ sɔma e yʉʉ syɛɛla yam gwar. Me ebuʼla ó, me óto le ekœʼ mpaŋ ebò e cyen é hwɨm, abaawe sɔʼɔ e bʉr, mpʉ me a bɛa sa-sa ɛ, é l'efu ó, bʉr toʼ dolo lé egumlo Krɨst. Dam be ó me etiʼe, dam be nteme ó, mɨ dwè: bé óto le egumlo Krɨst ebe me.

2 Korɛnt 8:16

Me edwe Zyɛm ekiba é lɔb syɛɛla ye! Nye a si cyɛb Tit é leme ó, wé diʼe nye é ntɨɨɨŋ ó, nye gulɨ bɨn. Bɨh e nɔɔ, bé ó jwɨʼ gwar é nko paʼ waa.

2 Korɛnt 2:9

É lɔb waa ó me a tile bɨn kalara waa ɛ. Yé a be ó, me bobla bɨn. Me a be ó lé ekpɛl gʉa ó, nkʉ bɨn dina ó lé esa me mojoʼo é mɨlɔb mimyɛh.

Rôm 1:12

Sa me lé elɛɛ ɛ, yé ó, bɨna beʼ ga, baʼ fuʼo ba, baʼ fuʼo ba, é buʼo. Buʼo bɨn ndɨ e ye boo Krɨst ɨ, le yaa yam, byé ó ngo gba bɨna ga nkul é monyʉl.

Mɨlʉmlʉ 11:23

É jɔʼ nye a pyal gʉʼ ɨ, nye a ka bee mpʉ Zyɛm a bul cwɨa e l'ompʉn ɨ. Nye ntɔʼ soho, ze tɨe be ó, bé diʼe twii é zyɛŋa wɔɔ boo Da Yesʉs.

Lʉkas 22:44

No ó, mpʉ nye a be lé ekʉ jʉʼra mɨtuu ɨ, nye ze gba nyʉl é mɨnjwɨʼla. Didiʼ ze pyal nye é mpom, dɨ taba si mpʉ motié.]

Mataos 26:75

Pyɛr ze toŋlo sa Yesʉs a lɛɛ e nye ó: «Zʉm kuo l'apa kwaʼle, go ókɛla bɨjɔʼ bɨlɛl ó, go agʉa me.» Nye ntɔʼ pyal kʉl, ntɔʼ tʉl e l'edwe.

Mataos 5:4

Mocyɛʼ mo mpom e bʉr o ndɨ ejɨ modwe e, ebe, Zyɛm ódila modwe mɔɔ ó e bɨsʉhʉ!

1 Korɛnt 5:2

Bɨn nteme, bé é buo elɛɛ e nyʉl. Yé a ngbaa mbɨa é nko paʼ win ó, mpa bɨn bé a si bʉ modwe é jɔʼ mʉr esama lɨn waa a sa gwìh no e. Mpa bɨn bɨ dwih nye é l'esama lɨn tʉŋlʉ, dwih dwihɨ.

2 Korɛnt 1:4

Nye egba bɨh nkul é monyʉl ó, é jɔʼ yiyɛh bɨh lé ebɔma e mɨtuu ɨ. Nye ó mʉr lé ecyɛb bɨh é mɨleme ó, bɨh gbaʼ bʉʉ bʉr nkul é myɔɔ mɨleme é mbi ngwar waa ɛ. É jɔʼ bé lé ebɔma e myɔɔ mɨtuu ɨ, bɨh ó ndɨ ekɛm be é zi ngula bɨh bé a taare bi boo Zyɛm ɨ.

2 Korɛnt 7:6

To kœb ó, Zyɛm, nye ekɛm bʉr o ndɨ e monyʉl mɨfila si ɨ. Nye a si gba bɨh nkul é monyʉl é jɔʼ Tit a pyal ɨ.

2 Korɛnt 7:8

Kalara me a tile bɨn ɨ, nye a si to kwɨɨ mompime mɨn. Dam be no, me agwɨma nye. Yé be ó, me a si taare gwɨma kalara waa nɛʼɛ, yé a be ó é jɔʼ me a bee mpʉ me a kwɨɨ mompime mɨn é ma jɔʼ ɛ.