2 Korɛnt 7:4 - Kálara Zyɛ̌m Edwán é mpʉ̌n

⁴ Leme wam, wi loŋlo e mbɛla é lɔb win. Bɨh bé ó e nkul edoʼo e bɨn é buobuo. Nkul, nye mu ó lwɨŋla é leme wam. Bɨh dam be é mɨtuu e mɨndɛl tʉŋlʉ, bɨsʉhʉ byam, byé elaŋle!

Kálar Nzyɛ̌m : Ejwán é Sáá

⁴ Mpûʼla, nye ó me ɨ́ léme ɨ́ lɔ̌b wɨ́n. Bɨ̌h bé e nkul enkʉ́na ɨ́ buo buo ɨ́ lɔ̌b wɨ́n. Me mû ó lwɨ́ŋlá e nkul ɨ́ léme. Damá jóʼǒ mpʉ bɨ́h dídí ɨ́ bintɨ́ʼá tʉ́ŋlʉ̌ yɨ́, bisʉhʉʉ byâm, byé lɨ́ entaa sʉ́ŋa.

2 Korɛnt 7:4 ပူးပေါင်းရင်းမြစ်များ

2 Korɛnt 1:4

Nye egba bɨh nkul é monyʉl ó, é jɔʼ yiyɛh bɨh lé ebɔma e mɨtuu ɨ. Nye ó mʉr lé ecyɛb bɨh é mɨleme ó, bɨh gbaʼ bʉʉ bʉr nkul é myɔɔ mɨleme é mbi ngwar waa ɛ. É jɔʼ bé lé ebɔma e myɔɔ mɨtuu ɨ, bɨh ó ndɨ ekɛm be é zi ngula bɨh bé a taare bi boo Zyɛm ɨ.

2 Korɛnt 3:12

Ebe no ó mɨleme mih mu si loŋlo e mbɛla ɛ. Mbɛla waa, wé ó ndɨ edwe bɨh nkul ó, bɨh lwibɨ e bɨn é kpɛŋlɛm.

Jacques 1:2

Obɨɔ ga bam aa! É jɔʼ bɨn bé ebɔma e mobʉbla mɨmbi mimyɛh ɛ, bɨn bé à gʉa ó, yé ó bɨn jɔʼ bɨsʉhʉ,

Kolosi 1:24

Banana, me mu ó lé ejoʼo bɨsʉhʉ ebe mɨtuu me lé ejaʼra e mye é l'efu lɨn ɨ. Mɨtuu Yesʉs-Krɨst a bwiʼ ɨ, myé ó me lé efwahle é bɨpuno byam mi. Me ejoʼo mogumba mo tɨʼ ó, é l'efu e nyʉl mo Krɨst, ndɨ Mbɛr-Zyɛm ɨ.

Filipi 2:17

Bɨn mu ó lé esa Zyɛm syɛɛ nye lé egwɨm ɨ, duho é buʼo yin. Bɨn bé edwe nye bɨtiʼ bin tɔɔ motwina. Dam be mpʉ motié mam mu lé eswɨɨ é mɨndwɛa mɨn kʉ ɨ, me esoho. Bɨna bé esoho ga tɨ.

1 Korɛnt 1:4

Zyɛm Sɔŋ wam a si sʉ bɨn mocyɛʼ mo mpom me é zi mo Yesʉs-Krɨst. Ebe no ó me lé edwe nye ekiba é lɔb win é jɔʼ yiyɛh ɛ.

1 Tesalonika 2:19

Ozé b'a loŋlo mɨleme mih e mbɛla wiʼ ɛ? Bɨsʉhʉ bɨh lé epa kʉ soho e, byé lé eduho é l'ozé ɛ? Yáa sɔʼɔ bɨh bé ólɛʼle Tî ga wina Yesʉs, yaa bɨh bé ódoʼo e ye e? É jɔʼ nye óze e, bɨn ó ngo sa ó, nye bœrɨ me epʉʼlʉ é lʉ é jɔʼ me ócyɛb é mih me e!

1 Tesalonika 2:2

Bɨn bé egʉa nteme mpʉ bɨh bé a sia e tuu le cere é nkana Filipi, bɨh l'apa pyal bɨn ye e. É jɔʼ bɨh bé a pyal bɨn ye e, Zyɛm Sɔŋ wih a sa ó, bɨh tʉmɨ monyʉl, ó bɨh lɛŋɨ bɨn Mbɨambɨa Lɔɔ mo Krɨst teme bʉr o ndɨ esa bɨh mongan ɨ.

Filipi 1:20

Leme wam, wé ó lwɨŋla e mbɛla ó, me ákwoʼ sɔma e yʉʉ syɛɛla yam gwar. Me ebuʼla ó, me óto le ekœʼ mpaŋ ebò e cyen é hwɨm, abaawe sɔʼɔ e bʉr, mpʉ me a bɛa sa-sa ɛ, é l'efu ó, bʉr toʼ dolo lé egumlo Krɨst. Dam be ó me etiʼe, dam be nteme ó, mɨ dwè: bé óto le egumlo Krɨst ebe me.

2 Korɛnt 11:21

Yé esa me fwon lé emɛʼle ó, ecyɛʼ bé lé elwɨɨ-lwɨɨ me e la ɛ, lé ó b'a sa ó, me l'ayi jaa bɨn mompɛh maa! Yé be ó, yé e nuu mʉr ndɨ e nkul edoʼo e yʉʉ syɛɛla e yʉʉ nɛʼɛ, mɛm nteme, me óbɛm doʼo e mbi syɛɛla ngwar e ngwar waa! (Me mu lwib naa ó mpʉ gʉ!)

2 Korɛnt 8:24

Ebe no, lɛʼla ga bʉr baa mbi bɨn lé ekpɛl bʉr ɨ. Bɨsyɛɛla byaa, byé óbe ó dweʼle, sa yé ólɛʼle bɨn ó, bɨn bé ekpɛl mɨmbɛr mɨ Zyɛm ɨ. Bé ógʉa ó, bɨlwib bɨh bé a lwib lé edoʼo e bɨn ɨ, byé a be ó ocyecye.

2 Korɛnt 2:14

Bɨna dweʼ ga Zyɛm ekiba. Yesʉs-Krɨst, nye ó lé eliʼle bɨna ga é jɔʼ yiyɛh é l'ebʉʼ e bɨsʉhʉ, lé esoho onkɔɔ we. Bɨna ga ó ndɨ edu ga nye é koo pihe é l'asisia we. Nye nteme ó lé esa ó, bɨna dweʼ ga bʉr sikʉlʉ lé esa ó, bé gʉŋa nye e. Nye esa bɨna ga no ó, é gumo yiyɛh. Bɨna ga mu ó mpʉ motwina mo ndwam lé epyɛl mbɨambɨa monumo e.

Rôm 5:3

Dam be mɨtuu e mɨndɛl bɨna lé ebɔma ga e mye e, bɨna bé ekʉ bana mɨɨla ga e mye, ebe, bɨna bé egʉa ga ó, baa lé edihbe mɨtuu ɨ, bé ójwɨʼ bihbe tɨ.

Mɨlʉmlʉ 5:41

No ó mpʉ mɨlʉmlʉ myé a duho é Bʉm Nɨnɨ ɨ, myé ntɔʼ loŋlo e bɨsʉhʉ, ebe, Zyɛm a láa ó, bé ó bʉr o jʉʼa le edihbe pyeh ebe die mo Yesʉs ɨ.

2 Korɛnt 7:14

Yé cyecye ó, me a si doʼo e bɨn é mih me. Sa gwar, me a baasɔma. Mpʉ bɨh bé a lwib-lwib e bɨn é l'ocyecye é jɔʼ yiyɛh ɛ, Tit a si bee nteme no, ebe, bɨsyɛɛla bin, byé a si lɛʼle nye ó, bɨh bé a lwib ó e l'ocyecye lé edoʼo e bɨn.

2 Korɛnt 10:8

Da Yesʉs a dwe me nkul mojwɨ̀ʼa ó, me gbaʼ bɨn nkul é monyʉl, abe é l'efu le elɨr bɨn. Me óbɛm doʼo e nkul mojwɨ̀ʼa wam waa, me l'abil fwon.

Filipi 1:14

Mpʉ me ndɨ wâʼ é mbʉʼ wiʼ ɨ, yé esa ó, bʉʉ obuʼla, bé gʉa jyɛʼ taa buʼo yɔɔ boo Da Yesʉs. Bé mu ó lé elɛɛ lɔɔ Zyɛm é hwɨm, abaawe sɔʼɔ e bʉr. Bé elɛɛ mye nteme ó, laa bim bé a taare lɛɛ-lɛɛ mye e.

Filipi 1:26

No ó é jɔʼ me óbula ze di kunokuno e bɨn ɨ, bɨn bé óbul mɨɨla ebe syɛɛla Yesʉs-Krɨst a sa me e.

2 Tesalonika 1:4

No ó, é nko paʼ wih, é jɔʼ bɨh lé epyal é myʉʉ mɨmbɛr mɨ Zyɛm ɨ, bɨh bé edoʼo e bihbe e buʼo bɨn ndɨ e bye e, ebe, é jɔʼ bé lé etíile bɨn, le esa bɨn jeele e laŋ ɨ, bɨn bé edihbe.

Filemɔŋ 1:7

Mɨɔ wam, go a si bul gba me bɨsʉhʉ é leme é jɔʼ me a bee mpʉ go lé ecwɨa e mɨsaŋ mɨ bʉr mo Zyɛm ɨ! Yé nteme, yé a si bul gba mye nkul é monyʉl.