2 Korɛnt 7:2 - Kálara Zyɛ̌m Edwán é mpʉ̌n

² Saŋa ga zi ó, bɨn kpɛlɨ bɨh. Bɨh bé a baasa nuu mʉr ebebe. Bɨh bé a baagomlo nuu mʉr é bebebebe zi. Bɨh bé a baakpah nuu mʉr sɔʼɔ é zi bɨkʉʉŋʉ.

Kálar Nzyɛ̌m : Ejwán é Sáá

² Sáŋáá gá nzɨ̌ ó, bɨ̌n kpɛ́lɨɨ bɨ̌h. Bɨ̌h bé á bé abyaʼ nyʉ́ʉ́ mʉ̂r. Bɨ̌h bé á bé alɛ̂ʼle nyʉ́ʉ́ mʉ̂r njwɨr ɨ́ bébe bébe. Bɨ̌h bé á bé adíbe mʉ̂r sɔ̂ʼ.

2 Korɛnt 7:2 ပူးပေါင်းရင်းမြစ်များ

2 Korɛnt 11:9

No ó é jɔʼ me a be bɨn ye, me ndɨ é sɔɔlʉ ɨ, me a baafil nuu mʉr mbeʼ modile wam é nyʉl, ebe, obuʼla bé a duho Masedwan ɨ, bé a si ze me e ngula, lé edwe me sa yiyɛh yé a sa me sɔɔlʉ ɨ. No ó, é mozi mɨmɛh, me a si baʼle me mʉr tɨ, agba bɨn tuu é nyʉl. Me óto dolo lé ebaʼle me mʉr tɨʼ no.

Mɨlʉmlʉ 20:33

«Me a baagwɨm nkʉ mɔn, nkʉ gol, nkʉ mɨkan mɨ mʉr.

2 Yʉanes 1:10

Ebe no, yé be ó nuu mʉr, nye efuuba ze gʉʼ bɨn ye, adwe bʉr bɨsikʉlʉ bɨmpwar ga bina nɛʼɛ, aniŋle ga nye ɨ modwii mɨn, nkʉ soho nye soha,

Rôm 16:18

Mɨmbi mɨ bʉr myaa, ntʉʼ Tî ga wina Krɨst, bé lé esea. Bé ekʉ ka sea syɛɛ ó njɨ é l'efu e mɨmo myɔɔ! Bé edimle bʉr l'apa gʉa ebɛʼ paʼra embɨa e l'ebebe e, lé ekʉa be é zi lwib mopɨʼ ndwe e moseʼla.

Mataos 10:40

«Mʉr bɨlan e bɨn mbɨmbɨa ɛ, nye ebɨlan e me. Waa lé ebɨlan e me e, bɨlan ó e mʉr a ntɨh me e.

Mataos 10:14

ǃƗ mʉr si be, amɛʼle bɨlan e bɨn é guu mbɛr, nkʉ é yʉʉ nkana, le amɛʼle joʼo lwib yin nɛʼɛ, é jɔʼ bɨn mu lé eduho é mbɛr waa nkʉ é nkana yaa ɛ, bɨn bé à tɨ koho dih.

Filemɔŋ 1:17

Ebe no, yé be ó, go emɛʼle ó, bɨna bé ó e mpaʼra nɛʼɛ, dɨʼe bɨlan e nye mpʉ go ngbaa bɨlan e me mʉr tɨʼ ɨ.

Filemɔŋ 1:12

Mɨ lomo nye gʉʼ go ye. Yé ó mpʉ me ndɨ e nkul entɨh go bumo leme yam ɨ!

1 Tesalonika 2:10

Bɨh bé a be paʼra win, obuʼla ó, e mɨleme é sɔɔɔ é mih mo Zyɛm, mpʉ bɨn boo Zyɛm nye mʉr tɨʼ ndɨ e nkul eboʼlo e. Bɨh bé a be nteme ó ocɨcyel o bʉr. Ebò e cyen lɨh, alɨŋa ba.

Kolosi 4:10

Aristarkus, mʉr nwan yam ndɨ é mbʉʼ wâʼ ɛ, nye esoho bɨn. Markus, mɨɔ mo Barnabas, nye esoho bɨn nteme—bɨn mu ó si bɛa bi kalara me a tile, tiibe e nye e. ǃNye si ze gʉʼ bɨn ye nɛʼɛ, bɨn bé à gʉa bɨlan e nye.

Filipi 2:29

Ebe no, é jɔʼ nye ópyal é l'esama lɨn ɨ, bɨn bé à nʉa nye e bɨsʉhʉ bibyɛh ebe nye ndɨ mɨɔ ga wina, waa ndɨ é zyɛŋa ga wina boo Da Yesʉs ɨ. Dwaaba ga mbi bʉr o ndɨ mpʉ mo nye e,

2 Korɛnt 11:16

Me ebâʼle lɛɛ ó, mʉr beʼ l'aláa ó, me ó gʉ. ǃBɨn ka lɛɛ ó, «Yaaa! Nye ó gʉ!» nɛʼɛ, dihba ga me mpʉ bɨn ndɨ ebɛa dihbe bɨgʉ ɨ. Ebe no ó bɨn bé ódwe me jɔʼ é l'efu ó, me doʼa e mɛm mʉr tɨʼ ɨ!

2 Korɛnt 4:2

Bɨh bé a nʉa tiʼa ó, bɨh bé aŋa sa bɨsyɛɛla bɨ fwon ndwe e byaa mofo, nkʉ sea e pɨʼ bɨkʉʉŋʉ. Lɔɔ Zyɛm bɨh bé a timlɔ, waa bɨh lé eyeʼle e, bɨh bé asiila sɔʼɔ tɨ. Bɨh bé ekʉ ka dwe ó njɨ mpaŋ sikʉlʉ ndɨ cyecye e. É mbi waa ó bɨh lé esa ó, mʉr nyiwɛh beŋɨ bɨh e mɨpɛhla mɨ leme ndɨ é pyɛɛɛ ɛ. Bɨh bé esa no ó, é mih mo Zyɛm.

2 Korɛnt 1:12

Sa bɨh lé edoʼo e ye e, yé ó yi: mɨpɛhla mɨleme mih, myé eboʼlo ó, bɨh bé ekœʼ ebò e cyen egwar é mih mo bʉr bɨbɛh, ndwe é maa mɨn, ebò e cyen ndɨ ti é mih mo Zyɛm, laa ndɨ eduho bɨh é mɨmo si ɨ. Bɨh bé a baakœʼ le lé edu ocyoo o bʉr o si nwa. Bɨh bé a kœʼ ebò e cyen laa ó, lé edu bim ncwɨncwɨa Zyɛm a lɛʼle bɨh ɨ.

Lʉkas 10:8

«ǃBɨn si ni é nkana fih nkana kɛ̀l, kœb ó, bé egʉa bɨlan e bɨn nɛʼɛ, bɨn bé à de mɨmbi mode mɨmɛh mé ódweŋɔ bɨn tɨʼ ɨ.