2 Korɛnt 6:3 - Kálara Zyɛ̌m Edwán é mpʉ̌n

³ Bɨh bé aŋa gba bʉr mobɔʼ é zi, lé ekpɛɛ ó, mʉr amu twe. No nteme ó bɨh bé ósa syɛɛ-Zyɛm, mʉr adwe bɨh mobe tɨʼ ɨ.

Kálar Nzyɛ̌m : Ejwán é Sáá

³ Bɨ̌h bé agbâ mébɔ̌ʼ ɨ́ nzɨ̌, lɨ́ ebene ó, mʉr ámû jaá twe. Nó ntémé ó bɨ́h ngá séǎ syɛ́ɛ́, mʉr adwe bɨ́h mebě tɨ̂ʼ yɨ́.

2 Korɛnt 6:3 ပူးပေါင်းရင်းမြစ်များ

Rôm 14:13

É mpʉ yé ndɨ no e, bɨna gwaʼa ga lé edweela mobe paʼra ga wina. Bul laŋle nʉa ga tiʼa ó, mʉr ayi sa bɨsyɛɛla byé ókol nuu mbuʼla ebɔʼ nye óbɨm é leme e.

1 Korɛnt 9:12

Bʉʉ bʉr pa taare be e nkul esa syɛɛla yaa é l'esama lɨn, a dwɛʼra e bɨh bɛɛ! Bɨh ó ndɨ e nkul ngwar waa é buobuo. To kœb ó, bɨh bé a baadira nyɔm e nkul waa. Bɨh bé edihbe sa yiyɛh ó, lé ekpɛɛ ó, bɨh bé amu jaa gba bʉʉ bʉr mokɔbla é zi, bé l'aka koʼo lé ebuʼla Mbɨambɨa Lɔɔ mo Krɨst.

Mataos 17:27

No ó, bɨna bé agwɨm ga ekol be ebɔʼ bé óbɨm é mɨleme e. No ó, toʼ, to guho esyɛb é modibe maŋ. Fu efoʼ go ójʉ ɨ, go à bɛɛ nye nʉm. Go ókœb saŋ mɔn tɨ. Go à nʉa we, go òto jɛna bɨna e go bɨbɛh tœa lé efu e Mpah Zyɛm.»

1 Korɛnt 9:22

É jɔʼ me ndɨ esyɛŋa zi e bʉr l'apa nʉa pim é buʼo e, me enwɨɨla ó, mpʉ bʉr l'apa nʉa pim é buʼo e. Me esa no ó, me nkʉʼ dulo be. Me esaa enwɨɨla e mɨmbi mɨ bʉr mimyɛh é l'efu le etiʼ bʉʉ bʉr.

2 Korɛnt 8:20

Mɔn yaa, yé é buo. No ó, bɨh bé ebi ye ó, e l'ocyoo, lé ekpɛɛ ó, nuu mʉr amu jaa fœʼ bɨh, lé elɛɛ ó, bɨh bé ejeʼe ebi ebeʼe e mɔn yaa.

2 Korɛnt 1:12

Sa bɨh lé edoʼo e ye e, yé ó yi: mɨpɛhla mɨleme mih, myé eboʼlo ó, bɨh bé ekœʼ ebò e cyen egwar é mih mo bʉr bɨbɛh, ndwe é maa mɨn, ebò e cyen ndɨ ti é mih mo Zyɛm, laa ndɨ eduho bɨh é mɨmo si ɨ. Bɨh bé a baakœʼ le lé edu ocyoo o bʉr o si nwa. Bɨh bé a kœʼ ebò e cyen laa ó, lé edu bim ncwɨncwɨa Zyɛm a lɛʼle bɨh ɨ.

Mataos 18:6

«É nko paʼ bwan ndɨ ejyɛʼ taa buʼo yɔɔ boo me e, laa ó, mʉr gomla ngwar tɨʼ é zi mɨsyem, fuo tiile yɛɛ bwaʼbwaʼ ekoʼ é twii zizii wam waa, wé guhɔ é maŋ, ebe, yé a ngbaa mbɨa é paʼ mo zizii wam waa ó, wé guhɔ é l'etoʼ e maŋ, dwè, abe ó, wé gomla mwan ngwar tɨʼ é zi mɨsyem waa.

Mɨlʉmlʉ 19:27

Bɨna mu ga ó, é nkpah ebebe. ǃNye si to dolo lé esa no nɛʼɛ, yé e nkul esamle efu e syɛɛ ga lɨna. Abe njɨ no yé ome. Nye e nkul esa ó, Mbɛr mɨndwɛa mo Artemis, bwaʼbwaʼ zyɛm mʉma ga wina, wé liʼɨ é dwɛhba é mbea wɔɔ! To kœb ó, bʉr o lal Azia bɨbɛh ndwe bʉr o si nwaʼ nyiwɛh, bé ekʉ jala le edwiibɨ zyɛm ga wina Artemis wâ. Bé amu ka birɔ nye, aka láa ó, nye e modile.»