2 Korɛnt 5:4 - Kálara Zyɛ̌m Edwán é mpʉ̌n

⁴ É jɔʼ yi, cye yiyɛh me dina kʉ, é saʼ yiʼ tʉŋlʉ ɨ, me ebee tuu le esime, leme wam lé ekʉ gwɨm ó, mpa me mu ó si bi nyʉl wam ndɨ koma boo Zyɛm ɨ. Yé abe ó, me egwɨm foŋɔ nyʉl bɨpuno me ndɨ e nye nwa. Yé njɨ ó, me ekpɛl nyʉl lé edi njʉmdia e njʉmdia ɛ. Nye pɛʼɛ nyʉl ndɨ e nkul epuro e, lé edila nyiha.

Kálar Nzyɛ̌m : Ejwán é Sáá

⁴ Ebě, mɨná gá bɨɛ, bʉr o dína lɨ́ eswab ɨ́ bisaʼ bîʼ tʉ́ŋlʉ̌ bá, mɨná bé lɨ́ ekʉ́ jóno gâ. Yé aduho yɨ́ɛ e gwɨ́má épɛʼ nyʉ̂l bipúno nyɨ̂. Yê njɨ ó, mɨná bé lɨ́ ekpɛl éswam gá nyʉ̂l dwân. Nó ó, sá dí e nkul edwe yɨ́, twiʼ, yé ókʉ́ mine yé ɨ́ wʉlʉm.

2 Korɛnt 5:4 ပူးပေါင်းရင်းမြစ်များ

2 Korɛnt 5:2

ebe, é nyʉl nwaʼ tʉŋlʉ, me eto dolo lé esime é jɔʼ yiyɛh. Sa me lé ebul gwɨm ɨ, yé ó, me kaʼ di é mpaŋ odia wam, waa ndɨ é jobo kʉ ɨ.

2 Pyɛr 1:13

Yé ó no: me ebee ó, yé ó cɨcyel lé ejɨm bɨtoŋla bin byaa é zi mɨlɛa myam, cye yiyɛh me dina kʉ ɨ. Diŋa ó, bɨn bé ókubla,

Rôm 8:23

Sa gwar, yé abe njɨ mɨcyea bɨsɔʼɔ ndɨ é tuu é banana. Yé ó ndwe e bɨna ga bʉr o tɨ, baa Zyɛm a taare lé elɛʼle dweʼle nkul mo Sisim we e. Bɨna ga ó ndɨ é tuu waa é mɨsisim ga mina tʉŋlʉ. Bɨna bé óto dolo lé esime no, cye yiyɛh bɨna dina lé ebono jɔʼ nye ódil bɨna ga é dia bwan o mobœʼa be e. Yé óbe ó é dobo nye ósil dwih monyʉl ga mɨna é mpila ebebe e.

1 Korɛnt 15:51

Me egwɨm pɛʼle bɨn lwib odim yi: ntʉʼ bʉr bɨbɛh, bé ódwè. Sa gwar, bɨna ga bɨbɛh, bé ódwibra ga monyʉl.

2 Korɛnt 5:3

Me e gwɨma eni é mpaŋ odia waa, ebe, me egʉa ó, é jɔʼ yaa, me óbe ó mpʉ mʉr a taare be fufwah, waa a ka bœrɔ kan ɨ.