2 Korɛnt 4:3 - Kálara Zyɛ̌m Edwán é mpʉ̌n

³ Yé ka be é bananaʼ ó, Mbɨambɨa Lɔɔ bɨh bé lé elɛɛ ɛ, wé enyin é dimlɨ-di-dimlɨ nɛʼɛ, bʉr mu si pɔhba ɛ, bé ome ó lé ebee we é mbi waa ɛ.

Kálar Nzyɛ̌m : Ejwán é Sáá

³ Yé ká be ɨ́ báánâʼ ó, Mbɨambɨa Lɔ́ɔ bɨ́h dí etúno wɨ́, wé ɨ́ dímlɨ́ di dímlɨ́ nó, bʉr o mû sí dîm bá bé omér ó dí ebee wé nó.

2 Korɛnt 4:3 ပူးပေါင်းရင်းမြစ်များ

2 Korɛnt 3:14

To kœb ó, taare é dobo laa, ze pyal é muh é dobo lɨ, ecyeble lɔɔ, lɨ lihba egʉʼla. Pɨʼ wɔɔ, nye ó mbuura e l'egor laa é jɔʼ bé lé eláa Njʉ̌m Sàa Kalara Zyɛm ɨ. Egor laa, lé ekʉ pʉʼa mʉr é mpom ó, njɨ é jɔʼ mʉr waa ndɨ é zyɛŋa wɔɔ boo Krɨst ɨ.

1 Korɛnt 1:18

É jɔʼ bɨh ndɨ ebɔma e bʉr o ndɨ egʉmla é bebebebe zi ɨ, é jɔʼ bɨh ndɨ etuno be lɔɔ efie mo Yesʉs é klos kʉ ɨ, mbea wɔɔ, wé ó tuno waa, wé ó lɔɔ ogʉ. No ó, mbɛa ga wina, bɨna ga bʉr o mu lé ebi tiʼ molu mo mpoʼ mɨmɛh ɛ, wé ó anɨnɨn nkul mo Zyɛm.

Mataos 11:25

É jɔʼ yaa ó Yesʉs a ze lɛɛ ó: «Da, me edwiibɨ go, gwɔɔ Njwɨɨ kʉ e si, ebe, go a be ó si lɛʼle bʉr o ndɨ mpʉ bwɔɔncyom ɨ, bɨsa go a fol mɨcɨcyoo e l'ogwɨa o si nwaʼ ɛ.

2 Korɛnt 4:4

Bʉr o ndɨ abuʼla ɛ, bé abe e pɨʼ ndɨ ó, bé joʼa lɔɔ wih, ntɔʼ buʼla we, ebe, Njwɨɨ mbi jɔʼ yiʼ a si dimle be pɨʼ. Nye esa no ó, nye kamla be lé ebee mɨmbah lé epan, duho é moncɛnba mo Krɨst ɨ. Nye ebene ó, bé amu bee moncɛnba maa é zi Mbɨambɨa Lɔɔ mo Yesʉs, bé ntɔʼ gʉa ó, Yesʉs ó ndɨ bana kʉ be gulo mo Zyɛm.

Rôm 2:16

Sa me lé elwib lɔb we wâʼ ɛ, yé ónyin é pono é dobo le etiʼ e mɨlɔb. Mɨlɔb myé ótiʼ ó, é zi mo Yesʉs-Krɨst. Bɨsa ndɨ bʉr baa é mɨmo si ɨ, nye óka lɛʼle bibyɛh é kpɛŋlɛm. Mbɨambɨa Lɔɔ me lé elɛɛ ɛ, wé ó no.

1 Timotɛ 1:11

Sikʉlʉ yaa, yé ó yaa lé eduho é Mbɨambɨa Lɔɔ ndɨ e kum ɨ. Zyɛm bɨna lé eseʼle e, a timle me lɔɔ waa ó, me baʼla we.

1 Tesalonika 1:5

ebe, é jɔʼ bɨh bé a lɛɛ bɨn Mbɨambɨa Lɔɔ ɛ, bɨn bé a baanʉa lɔɔ waa e l'epɨh. Yé ó, ebe, é jɔʼ gwar yaa, Zyɛm a si lɛʼle bɨn nkul nɨnɨ we tɨ. Sisim we, wé a si fulo nteme é bɨn. Bɨn bé a ka gʉa é jɔʼ yaa ó, lɔɔ waa, wé a kʉ be ó cyecye. Bɨn bé egʉa nteme mpʉ bɨna bé a be-be ga ɛ. Bɨh bé a tiʼe-tiʼe no ó, é l'efu le edi bɨn e nyɔm.

2 Korɛnt 2:12

No ó, é jɔʼ me a to le etuno Mbɨambɨa Lɔɔ mo Krɨst, to kumo ɨ Troas ɨ, me a to kœb gʉʼ ó, Da a si dib me zi, ó me tuna we é hwɨm.

1 Korɛnt 2:6

É jɔʼ bɨh lé eyeʼle bʉr o ndɨ e pɨʼ otamabʉr ɨ, bɨh bé edwe be sikʉlʉ ocyoo. Me dam lɛɛ no, sikʉlʉ yaa, yé abe yɛɛ yaa ndɨ lwɨŋla e l'ocyoo o bʉr o mbi jɔʼ yiʼ ɨ. Yé abe sikʉlʉ mɨnjwɨɨbʉr mɨ mbi jɔʼ yi lé edwe bʉr ɨ. To kœb ó, mɨnjwɨɨbʉr myaa, myé mu ó kunokuno le egbahɔ.