2 Korɛnt 2:3 - Kálara Zyɛ̌m Edwán é mpʉ̌n

³ Me a tile kalara waa ó, ǃme si ze gʉʼ bɨn ye nɛʼɛ, me l'aka kpaa empime é lɔb bɨsyɛɛla bin, bʉr o jala le edwe me bɨsʉhʉ ɨ, ebe, me a be ó e buʼo é nko paʼ win bɨn bɨbɛh ó, é jɔʼ bɨn bé óbe si láa nye e, bɨna bé ójoʼo ga bɨsʉhʉ jwɨʼ gwar.

Kálar Nzyɛ̌m : Ejwán é Sáá

³ Me á cɛma mekaná maá ó, mé ónze kwá nyɨ́n nó, me l'akǎ kpaa ébúʼ ɨ́ lɔ̌b bísyɛ́ɛla bín, bɨ̌n bʉr o jálá le egbâ mé bisʉhʉʉ ɨ́ léme bá. Me á bě e búʼó ɨ́ páʼ wɨ́n, bɨ̌n óbɛ̂h ó, ɨ́ jɔʼ bɨ́n óbe, sí láa yɨ́, mɨná bé obi gá bisʉhʉʉ jwɨʼ gwár.

2 Korɛnt 2:3 ပူးပေါင်းရင်းမြစ်များ

Galásia 5:10

Da Yesʉs, nyi loŋlo leme wam e mbɛla ó, bɨn bé ópahle mpʉ me lé epahle e. Me egʉa nteme ó, mʉr lé elɨr bɨn buʼo e, Zyɛm ókab nye ntɨʼa, nye dam be wáa mbi mʉr.

2 Korɛnt 8:22

Mʉr lɛl bɨh bé ólomlo bɨn ɨ, nye ó ndɨ waa bɨh lé ebee ó, nye ó mʉr ndɨ e nyɔm ɨ, ebe, nyi ntaa mobʉbla mbɨmbɨa, lé egba nyʉl é dwiii é syɛɛ-Zyɛm é bɨjɔʼ bibyɛh. No ó, nyi ka bul gba nyʉl é jɔʼ yi, ebe, nye e buʼo é mɨpaʼ mimyɛh é mɨlɔb lé edwɛʼ bɨn ɨ.

Filemɔŋ 1:21

Me etile go kalara nwaʼ ó, mɛm lé egʉa ó, go ósa sa me lé ejɨ, laa bim me lé elɛɛ ɛ.

2 Korɛnt 7:12

Kalara waa a baatilɔ é l'efu ó, me nwahla mʉr a sa ebebe e, nkʉ ebe me kɛmɨ waa a saŋɔ ebebe e. Me a tile bɨn kalara waa ó, yé nkʉʼ gʉa nyin mpʉ bɨn lé ekpɛl bɨh é buobuo e. Bɨn bʉr o tɨ, mbe ga mpʉ bɨn ndɨ ɨ, é mih mo Zyɛm.

2 Tesalonika 3:4

Da Yesʉs, nye egba me mbɛla é leme é lɔb win, ebe, me ebuʼla ó, sa me a lɛɛ bɨn ɨ, yé ó yaa bɨn mu lé esa ɛ. Me ebuʼla nteme ó, bɨn bé óto dolo lé esa sa gwar yaa.

2 Korɛnt 12:21

Sa lé esa ó, me kpɛŋɨ ebâʼle ze gʉʼ bɨn ye e, yé ó, ebe, Zyɛm Sɔŋ wam amu jaa gba me fwon é nyʉl é mih mɨn. Bɨn bé amu jaa bee me lé ejɨ edwe é jɔʼ me óbee ó, bɨn bé agwɨma mɨsyem min ndwe le edwir mɨleme e. Me óbɛm kœb bʉr o b'a taare jwɨ̂ʼlɨ e mɨsyem ɨ, bɛɛ dina lé elama fwon lé edu njɨ bɨjyɛʼ byɔɔ, le elœʼ nyʉl é zi bɨduo, ndwe le esa bɨmala zam e l'ekomo, jwɨʼ gwar e gwar mpʉ bé a bɛa sa-sa ɛ.

2 Korɛnt 12:11

Me mu ó gʉ, ebe, si bana lwib mbi bɨlwib bɨnɨ. Bɨn ó b'a sa ó, me diʼe ye, ebe, yé a be ó si jala ó, bɨn dweʼ me duu, ebe, me abe pihe mɨmpʉmpʉl mɨlʉmlʉ lé edoʼo ó, myé ó me dolo e, dam be ó, me abe sɔʼɔ.

2 Korɛnt 7:8

Kalara me a tile bɨn ɨ, nye a si to kwɨɨ mompime mɨn. Dam be no, me agwɨma nye. Yé be ó, me a si taare gwɨma kalara waa nɛʼɛ, yé a be ó é jɔʼ me a bee mpʉ me a kwɨɨ mompime mɨn é ma jɔʼ ɛ.

2 Korɛnt 7:6

To kœb ó, Zyɛm, nye ekɛm bʉr o ndɨ e monyʉl mɨfila si ɨ. Nye a si gba bɨh nkul é monyʉl é jɔʼ Tit a pyal ɨ.

2 Korɛnt 1:15

No ó, ebe mbɛla waa, me a tiʼe é leme wam ó, me ótaare kœb bɨn. Me a kpɛl ó, bɨn nkʉʼ bee me zɔʼ ba, ntɔʼ gbaŋɔ nkul é monyʉl é bɨjɔʼ bɨba.

1 Korɛnt 4:21

Bɨn bé ekpɛl yɛɛ yé? Zê bɨn bé lé egwɨm bee mpʉ me ndɨ e nkul eze gʉʼ bɨn ye e ngaha é mbo e? Zê bɨn bé lé egwɨm bee me lé eze gʉʼ e leme ncwɨncwɨa ndwe e talatala njwɨr wam ɨ?

2 Korɛnt 1:23

Neme Zyɛm ndɨ mboʼla wam, me elɛɛ ó nɛɛ: yé be ó, me elɛɛ ó mpʉl nɛʼɛ, nye dimla tiʼ yam! Sa yé a kʉ sa ó, me l'ayi ka ze Korɛnt ɨ, yé a be ó gwɨma ebɛʼ bɨn tuu.

2 Korɛnt 2:9

É lɔb waa ó me a tile bɨn kalara waa ɛ. Yé a be ó, me bobla bɨn. Me a be ó lé ekpɛl gʉa ó, nkʉ bɨn dina ó lé esa me mojoʼo é mɨlɔb mimyɛh.

2 Korɛnt 7:16

Me mu ka bul soho ó, bɨn bɛɛ, ebe, bɨn bɨ sa ó, me tʉmɨ nyʉl é mɨlɔb mimyɛh.

2 Korɛnt 13:10

Ebe no ó me mu lé etile bɨn bɨsa bɨnɨ cye yiyɛh me l'apa ze gʉʼ bɨn ye e. Yʉʉ jɔʼ, é jɔʼ me óze gʉʼ bɨn ye e, me aŋa kœb sa yé ósa ó, me lɛʼla bɨn nkul mojwɨ̀ʼa wam ɨ. Da Yesʉs a dwe me nya ó, me gbaʼ bʉr nkul é monyʉl, abe ó, me biʼe nkul waa njɨ é l'efu le elɨr be lɨrɨ.