2 Korɛnt 2:1 - Kálara Zyɛ̌m Edwán é mpʉ̌n

¹ Tɨʼ ó me a tiʼe é leme wam ó, me aŋa bâʼle ze gʉʼ bɨn ye e l'empime.

Kálar Nzyɛ̌m : Ejwán é Sáá

¹ Nó ó mé á tíʼe ɨ́ lémé wâm ó, me ákǎ báʼǎ tô kwá nyɨ́n. Me ámû jaá báʼǎ tó kwɨ́ɨ mébúʼ mɨ́n.

2 Korɛnt 2:1 ပူးပေါင်းရင်းမြစ်များ

2 Korɛnt 1:23

Neme Zyɛm ndɨ mboʼla wam, me elɛɛ ó nɛɛ: yé be ó, me elɛɛ ó mpʉl nɛʼɛ, nye dimla tiʼ yam! Sa yé a kʉ sa ó, me l'ayi ka ze Korɛnt ɨ, yé a be ó gwɨma ebɛʼ bɨn tuu.

2 Korɛnt 13:10

Ebe no ó me mu lé etile bɨn bɨsa bɨnɨ cye yiyɛh me l'apa ze gʉʼ bɨn ye e. Yʉʉ jɔʼ, é jɔʼ me óze gʉʼ bɨn ye e, me aŋa kœb sa yé ósa ó, me lɛʼla bɨn nkul mojwɨ̀ʼa wam ɨ. Da Yesʉs a dwe me nya ó, me gbaʼ bʉr nkul é monyʉl, abe ó, me biʼe nkul waa njɨ é l'efu le elɨr be lɨrɨ.

2 Korɛnt 2:4

Yé ó no! Me a tile bɨn ó, leme wam, wé osi loŋlo e l'empime, nyʉl wam, nye osi bul laŋle cyɛʼ, le myɛɛle é mih. Me a baatile ó, bɨn liʼɨ é gœʼra-gœʼra e mocyɛʼ mo nyʉl. Me a kʉ tile ó, njɨ me lɛʼla bɨn kpɛl apurapura me ndɨ e ye é l'efu lɨn ɨ.

1 Korɛnt 4:21

Bɨn bé ekpɛl yɛɛ yé? Zê bɨn bé lé egwɨm bee mpʉ me ndɨ e nkul eze gʉʼ bɨn ye e ngaha é mbo e? Zê bɨn bé lé egwɨm bee me lé eze gʉʼ e leme ncwɨncwɨa ndwe e talatala njwɨr wam ɨ?

Títos 3:12

Me ólomlo go Artemas, nkʉ Tisikos. Jɨh tɨʼ nuu mʉr ngwar tɨʼ ópyal go ye, saŋa zi eze kœb me é nkana Nikopolis, ebe, mɨ tiʼe é leme wam ó, me lɛŋ kolo ó tɨ.

1 Korɛnt 5:3

É nko paʼ wam, dam be ó, me ó jaabe é nko paʼ nyʉl, bɨna ga bé ó é nere-nere é nko paʼ sisim. No ó, mɨ bɛa tiʼe lɔb mʉr waa. Yé ó mpʉ sa lɛɛ ó, me ó é mbɛr Zyɛm win tʉŋlʉ!

1 Korɛnt 2:2

Ebe, me a nʉa tiʼa é leme wam ó, me ókʉ ka lɛɛ e bɨn ó njɨ sa lé etiibe e Yesʉs-Krɨst ɨ, mʉr bé a bomlo e mosen, bɨnɔ é klos kʉ ɨ.

Mɨlʉmlʉ 15:2

No ó Pol bé e Barnabas, bé a be ó lé ebul gœa e be, le esaŋɔ mosono. Bé ka ze twe twii ó, Pol bé e Barnabas ndwe e bʉʉ bʉr o Antios, bé toʼ Yerʉsalɛm, lé ebâʼle to timle lɔb waa, bé e mɨlʉmlʉ mo Yesʉs, ndwe e l'ocyɛb be efoʼ o Mbɛr-Zyɛm.

Mɨlʉmlʉ 11:29

Ompʉn, bé bʉr o tɨ, bé a nʉa tiʼa ó, bé ótoŋlo obuʼla bé a di é Yʉda ɛ, mʉr nyiwɛh é sama yɔɔ lé egul be lé edu bim nye a be e ye e.

Mɨlʉmlʉ 15:37

Barnabas nyɛɛ a be e gwɨma ó, bé toʼ é cyen yaa e Yʉanes, waa ndɨ e lʉʉ die ó, Markus ɨ.