2 Korɛnt 11:3 - Kálara Zyɛ̌m Edwán é mpʉ̌n

³ Me ejoʼo bʉa. Me ekpɛɛ ó, bɨn bé amu jaa gomlo bɨbɛh é bebebebe zi ebe bɨkʉʉŋʉ. Bɨn bé amu dwibra e Krɨst jɔʼ gwar é dwirɨ, jwɨʼ gwar e gwar e mpʉ nyʉa a kʉa Efa, nye ntɔʼ bil é bɨkʉʉŋʉ ɨ. Bɨn bé amu jaa gwaʼ lé edwiibɨ Krɨst ntinɨ e ntinɨ.

Kálar Nzyɛ̌m : Ejwán é Sáá

³ Me lɨ́ ejóʼo bʉ́á. Mě kpɛ́ɛ́ ó, bɨ̌n ámû jaá kʉ́ŋɔɔ, ntɔ̂ʼ dwira e Krîst jɔʼ gwár ɨ́ dwirɨ̂, jwɨʼ gwár e gwár e mpʉ nyʉ́a á kʉ́a Éfa, nye ntɔ̂ʼ bil ɨ́ mikóo yɨ́. Bɨ̌n ámû jaá gwâʼ le edwě Krîst dúu ntinɨ̂ e ntinɨ̂.

2 Korɛnt 11:3 ပူးပေါင်းရင်းမြစ်များ

Kolosi 2:8

Diʼe ga ncye! Mʉr adil bɨn é l'olʉa é zi bɨkʉʉŋʉ bʉʉ bʉr bé elɛɛ-lɛɛ ó, byé ó «ocyoo o si nwa», byaa ndɨ eduho é mɨnjwɨr bɨmpam ga bina, nkʉ ntɔʼ ó, sikʉlʉ bʉr o si nwaʼ lé ekuhlo e. Mokan mɔɔ, mé aduho boo Yesʉs-Krɨst.

Galásia 1:6

Me é jehe lé ebee wáa mbi bɨn bɨ ka lɨ tumo Zyɛm koo e, nyɛɛ waa a jebe bɨn é zi ncwɨncwɨa mo Krɨst ɨ! Bɨn bɨ bana liʼe nye, cen mɨleme min é nko paʼ fih, gumo bɨn lé ejoʼo ó, yé e guu lɔɔ fih ndɨ é bul mbɨa ɛ.

Éfɛsɔs 4:14

É jɔʼ yaa ó bɨna bé ópʉʼa ga é l'oncyom é nko paʼ buʼo e. Bɨsikʉlʉ bɨfih, byé aŋa ka ncyeŋ bɨna ga, nkʉ gomlo bɨna ga é zi fih, waa baanya-bɨkʉʉŋʉ ndɨ edu ɨ. Bé egwɨm ó, bé ntaŋa bɨna ga é pɨʼ wɔɔ, le nteme ó, bɨna buʼla sikʉlʉ yɔɔ yaa.

Kolosi 2:4

Me elwib e bɨn é mbi wiʼ ó, mʉr beʼ l'akʉa bɨn é zi lwib bɨkʉʉŋʉ bʉr lé emɛʼle e.

1 Yʉanes 4:1

Obɨɔ o kpɛl bam aa! Akpahbe buʼla ga mʉr nyiwɛh bɨn lé efuuba e nye, waa lé edwe-dwe bʉr bɨsikʉlʉ ɨ. Taara boblo ga mbi mʉr waa, bɨn nkʉʼ gʉa pie tɨʼ nkʉ sisim nye ndɨ e we e, wé eduho ó boo Zyɛm, ebe, mɨmpʉmpʉl mɨ ogwiha o mɨlɔb, myé mu ó si buo é si nwaʼ nyiwɛh.

1 Timotɛ 2:14

Ntʉʼ Adam a duma é bɨkʉʉŋʉ. Mʉma ó b'a taare gʉmla é bebebebe zi, nye ntɔʼ di ntɔɔ etie.

Ebrœ̂ 13:9

Gʉa di ga ncye. Abir ga ó, bʉr gomla bɨn é zi fih, é zi mɨmbi bɨsikʉlʉ bé lé elɛʼle, myaa bɨn ndɨ agʉa ɛ. Ncwɨncwɨa mo Zyɛm nye ome ó ndɨ egba bʉr nkul é monyʉl. Yé é mbɨa ó, bɨn biʼe nkul tɨ. Nyɔmlʉ bab lé elɛɛ ó, mʉr, nye ejala le ede é l'efu le edwiibɨ Zyɛm e nye e, nye abe e nyɔm é nko paʼ mo bʉr o lé ede nye e.

Yʉanes 8:44

Sɔŋ win, nye ó Njwɨɨ moleme! Ebe no ó bɨn lé ebul kpɛl sa njɨ gwɨma mo sɔŋ win ɨ. Nye a bɛa be ó njʉl bʉr, duho é l'etɔɔrʉ. Nye abe e nkul elɛɛ ocyecye lʉʉ dobo, ebe, ocyecye, wé abe é nye tʉŋlʉ. É jɔʼ nye lé elɛɛ mɨlɔɔ ɛ, nye elɛɛ ó, sa ye anta nye, ebe, nye ó mpʉmpʉl. Nye nteme, nye ó sɔŋ mɨmpʉmpʉl.

Galásia 3:1

Bɨn bʉr o Galat, bé ó kʉ be bɨgʉ. Zé a pa kʉ gomlo bɨn é bebebebe buʼo yɔɔ? Me a si kʉ gʉa lɛʼle bɨn, bɨn ze bee é sʉlʉlʉ mpʉ Lœma mulo mo Zyɛm, Yesʉs, a si bomlɔ e mosen, le ebɨnɔ é klos kʉ ɨ.

2 Korɛnt 1:12

Sa bɨh lé edoʼo e ye e, yé ó yi: mɨpɛhla mɨleme mih, myé eboʼlo ó, bɨh bé ekœʼ ebò e cyen egwar é mih mo bʉr bɨbɛh, ndwe é maa mɨn, ebò e cyen ndɨ ti é mih mo Zyɛm, laa ndɨ eduho bɨh é mɨmo si ɨ. Bɨh bé a baakœʼ le lé edu ocyoo o bʉr o si nwa. Bɨh bé a kœʼ ebò e cyen laa ó, lé edu bim ncwɨncwɨa Zyɛm a lɛʼle bɨh ɨ.

1 Yʉanes 2:18

Bwan bam aa! Esie e mbi jɔʼ yi, lé mu ó kunokuno le epyal. Bɨn bé a si bɛa joʼo ó: «Mʉr dɔm mo Krɨst, nye ekʉ jala le etaare ze.» No ó, banana, bʉr o dɔm mo Krɨst, bé mu ó si buo! Ebe no ó bɨna mu lé egʉa ga ó, yi pyal é l'esie e mbi jɔʼ yiʼ ɨ.

2 Pyɛr 3:17

Ebe no, obɨɔ o kpɛl bam aa! É mpʉ bɨn lé ebɛa gʉa sa nɨ ɨ, diʼe ga ncye, lé ekpɛɛ ó, bɨn bé amu jaa gʉmla é bebebebe zi, ntɔʼ to dim lé ebaŋa ontɔɔ o motie. Bɨn bé amu jaa pʉʼa é cye molele yin.

Galásia 4:11

Me ejoʼo bʉa é lɔb win, ebe, yé amu ka nyin é l'epihe ó, syɛɛ me a sea é l'esama lɨn ɨ, yé a be ó mbɛh e mbɛh.

2 Korɛnt 2:17

No ó, bɨh bɛɛ, bé abe mpʉ obɛma o mɨlɔb mo Zyɛm. Zyɛm a lomo bɨh ó, loma. Lwib yaa, yé eduho bɨh é mɨmo si. Bɨh bé elwib mɨlɔb mye ó, é mih mo Zyɛm, é lɔb zyɛŋa wih boo Krɨst.

2 Pyɛr 3:3

Sa efoʼ, gʉa mɛr ga sa yi: é jɔʼ esie e mbi jɔʼ yi, lé óbe kunokuno le epyal ɨ, bʉr, bé óbe lé ekœʼ ebò e cyen mpʉ bɨgwɨma byɔɔ lé etine be e. Bé óbe ó bʉr o pyeh,

2 Timotɛ 3:13

Bɨbɨbla bɨ bʉr, ndwe e baanya-bɨkʉʉŋʉ bɛɛ, bé óto le elɨŋa é buʼo ó, to-to ó toʼ. Bé óto dolo lé egomlo bʉr é bebebebe zi. Bʉʉ bʉr, bé óto gomlo be é mɔɔ mozi mo ebebe.

1 Tesalonika 3:5

Ebe no, é mpʉ me a baaka be e nkul edihbe e, yé ó me a fuo lomo Timote ó, nye ntaʼ gʉʼ bɨn ye, ó nye gʉŋa cye buʼo yin mu ɨ. Leme, wé a si kolo me é lɔb win, ó yʉʉ jɔʼ, mpʉ Satan lé eboblo bɨn ɨ, bɨn bé a si to gʉmla é yʉʉ bebebebe zi. Me a dɨ syɛl ba e bɨn, mɛm lé etoŋlo ó, syɛɛ bɨh bé a sea bɨn ye e, yi dwè ntuʼ.

Éfɛsɔs 6:24

Mocyɛʼ mo mpom mo Zyɛm, mé swɨŋɨ é mʉr nyiwɛh lé ekpɛl Tî ga wina Yesʉs-Krɨst kpɛl apurapura ɛ.

Galásia 2:4

Bʉʉ bʉr o nkɔm waa, bé a be ó okristen o bɨkʉʉŋʉ. Bé a niŋle monyʉl é mbɛr Zyɛm ga wina é nyololo ó, lé ejɨ bee nkʉ bɨna ga mu ó é dia otî é zyɛŋa ga wina boo Yesʉs-Krɨst. Bé a bà jwɨʼ ó, bé óbɛm bâʼle liŋ bɨna molʉa.

2 Korɛnt 4:2

Bɨh bé a nʉa tiʼa ó, bɨh bé aŋa sa bɨsyɛɛla bɨ fwon ndwe e byaa mofo, nkʉ sea e pɨʼ bɨkʉʉŋʉ. Lɔɔ Zyɛm bɨh bé a timlɔ, waa bɨh lé eyeʼle e, bɨh bé asiila sɔʼɔ tɨ. Bɨh bé ekʉ ka dwe ó njɨ mpaŋ sikʉlʉ ndɨ cyecye e. É mbi waa ó bɨh lé esa ó, mʉr nyiwɛh beŋɨ bɨh e mɨpɛhla mɨ leme ndɨ é pyɛɛɛ ɛ. Bɨh bé esa no ó, é mih mo Zyɛm.

Mataos 24:24

ebe, mɨmpʉmpʉl mɨlœma mɨ mulo mo Zyɛm, myé e mɨmpʉmpʉl mɨ ogwiha o mɨlɔb, myé óbuo. Bé ósa bɨbwaʼbwaʼ bɨdweʼle bɨ nkul wɔɔ ndwe e bɨsa bɨ jehe lé esaa egomlo mɨpɛha mɨ bʉr mye é bebebebe zi, ǃbé ókoʼo wa.

Yʉ̂d 1:4

Bʉʉ bʉr, bɨ ni é l'esama lɨn é myaaa, bɨn l'agʉa! Okalara lé edwe be mobe, le ekab be bɨntɨʼa byɔɔ ɛ, bɨ bɛa tilɔ. Bɛɛ, bé adwaabe Zyɛm. Bé edwe bɨn sikʉlʉ lé egomlo bʉr mo Zyɛm Sɔŋ ga wina é bebebebe zi, lé elɛɛ ó ncwɨncwɨa we, wé e nyɔm ó, bʉr saʼ bɨmala zam e l'ekomo. Bé nteme, bé ekɛla ó, Njwɨʼa ga wina Yesʉs-Krɨst, nye abe Tî ga wina boo nɔɔ.

Títos 1:10

Bɨn ye, yé é buobuo bʉr o ndɨ epyeh Zyɛm ɨ. Bé é bul bwaʼ ó, njɨ mɨlɔɔ, bé nteme baanya-bɨkʉʉŋʉ. Bʉr baa, bé é kʉ bul buo ó, é nkɔm bʉr o ndɨ egwɨm yɨm bʉʉ bʉr ó, bé saʼ mpʉn ɨ.

1 Timotɛ 1:3

Diʼe Efɛɛz, mpʉ me a tɨe go é jɔʼ me a be, me mu kunokuno le eto Masedwan ɨ. Cyelɨ bʉr o mbɛr Zyɛm win mpene ó, bé l'anyamle bâʼle dwe guu mbi sikʉlʉ fih.

Kolosi 2:18

É mpʉ bɨn ndɨ afil monyʉl si e beengles, nkʉ dwiibɨ be e, ǃɨ mʉr si dwe bɨn mobe mo mpene tɨʼ nɛʼɛ, anʉa ga lwib ye, gba é nkɔb. ǃBé si bee bɨsa mpʉ bé lé enyin-nyin é lima nɛʼɛ, bɨsa byaa ó bé lé enʉa, gba é nkɔb. Mɨmbi mɨ bʉr myaa, myé ó lwɨŋla e nkɛa nyʉl. Bé enkɛɛ-nkɛɛ monyʉl mɔɔ ó, mbɛh, ebe, mɨpɛhla myɔɔ, myé ekʉ ka duho ó njɨ é nkul ebebe lɔɔ tʉŋlʉ.

2 Korɛnt 11:29

Yé be ó, nuu mʉr, nye é cyɛʼ nɛʼɛ, yé edwe me ecyɛʼ e nyʉl. Yé be ó, nuu mʉr, nyi kol mbuʼla ebɔʼ nye lé ebɨm é leme nɛʼɛ, yé egba me ediʼa e leme.

Rôm 12:8

Yé be ó, nye a nol go ó, bɨntɔɔ é l'efu le egba bʉr nkul é monyʉl nɛʼɛ, gbaʼ be nkul waa. Yé be ó, nye a nol go ó, bɨntɔɔ bɨ ekab baanteʼenteʼe mobi nɛʼɛ, kabɨ be ma é ntuʼ-ntu-ntuʼ. Yé be ó, nye a nol go ó, bɨntɔɔ bɨ ejwɨʼ bʉr nɛʼɛ, gbaʼ nyʉl lé ekœʼ e be mbɨmbɨa. Yé be ó, nye a nol go ó, bɨntɔɔ bɨ elɛʼle bʉr nkʉnkoo nɛʼɛ, lɛʼla be nkʉnkoo yo e bɨsʉhʉ.

Mɨngwiha 20:2

Nye a si to mɛr kʉʼrʉ myɔɔ ndɨ e die Njwɨɨ moleme, nkʉ Satan ɨ. Engles waa ntɔʼ naʼ nye mobo é nyʉl, kaʼ nye e kʉkob. Nye ódi kɛʼa e kʉkob ó, tɔɔ tɔɔyin mɨmbu.

2 Korɛnt 11:20

Bɨn bé ebana dihbe mʉr lé edil bɨn é l'okomo e. Bɨn bé edihbe nteme, mʉr lé ede bɨpuno bin ɨ, le waa lé esà bɨn ɨ. Bɨn bé edihbe molɛɛ-nyʉl, le mʉr lé ejaa bɨn mompɛh ɛ.

Éfɛsɔs 4:22

Bɨn bé a yeʼlɔ ó, bɨn bé ejala le ebir mɨnjʉ̌m motum mɨn, sa lé eduho é l'ebò e cyen bɨn bé a kœʼ œ. Bɨgwɨma bɨ nyʉl bɨpuno byaa, byé egomlo bʉr é bebebebe zi.

Mɨngwiha 12:15

Kʉʼrʉ myɔɔ ze pyɛl buobuo modibe é nʉm we, yé mu mpʉ mpaŋ sʉm dibe. Nye a sa no ó, mpɨɨ waa duʼo mʉma waa nko nye a dɨ piili ɨ. ǃƗ mpɨɨ si kœb nye nɛʼɛ, nye ójʉ nye.