2 Korɛnt 10:2 - Kálara Zyɛ̌m Edwán é mpʉ̌n

² Me ejwɨʼla e bɨn ó, ǃme si ze gʉʼ bɨn ye nɛʼɛ, bɨn beʼ l'asa ó, me lɛʼla bɨn mpʉ me ndɨ e nkul lwib é kpɛŋlɛm, abaawe sɔʼɔ e mʉr ɨ. Me elɛʼle monyan maa ó e bʉr o ndɨ elɛɛ ó, me ekœʼ ebò e cyen lé ebaŋa bʉr o si nwaʼ ɛ.

Kálar Nzyɛ̌m : Ejwán é Sáá

² Mě jɨʼlá e bɨ̌n ó, mé ónze gʉ̂ʼ nó, bɨ̌n sá asâ ó, me lɛ̂ʼlaa bɨ̌n lémé ébɨ̌h wâm. Me ólɛ̂ʼle ébɨ̌h laá ó, bʉr o dí elɛ́ɛ ó, mě dúdú ó, kʉ̌ tyen bʉ̂r ó sí yɨ̂ʼ bá. Me ólɛ̂ʼle bɨ́ɛ mpʉ mé dí e nkul elwib ɨ́ kpɛŋlɛm, abáawo mʉ̂r yɨ́.

2 Korɛnt 10:2 ပူးပေါင်းရင်းမြစ်များ

2 Korɛnt 13:10

Ebe no ó me mu lé etile bɨn bɨsa bɨnɨ cye yiyɛh me l'apa ze gʉʼ bɨn ye e. Yʉʉ jɔʼ, é jɔʼ me óze gʉʼ bɨn ye e, me aŋa kœb sa yé ósa ó, me lɛʼla bɨn nkul mojwɨ̀ʼa wam ɨ. Da Yesʉs a dwe me nya ó, me gbaʼ bʉr nkul é monyʉl, abe ó, me biʼe nkul waa njɨ é l'efu le elɨr be lɨrɨ.

2 Korɛnt 13:2

Me a si taare bal bɨn é cyen mba é jɔʼ bɨna bé a be ga ɛ. Me ebâʼle bal bɨn é jɔʼ bɨna ga dina é ncɛra ó: ǃme si bâʼle ze nɛʼɛ, me aŋa kamle e mʉr ngwar é sama bʉr o dina lé esa syem mpʉ bé a bɛa sa mɨsyem é molu pihe e. Me aŋa kamle e baa dina lé esa syem ɨ.

Rôm 8:5

Baa lé edu njɨ bɨgwɨma bɨ nyʉl bɨpuno e, sa ndɨ epebre be é mɨleme e, yé é jɔʼ yiyɛh ó njɨ bɨgwɨma bɨ nyʉl bɨpuno wɔɔ. Baa lé edu motɨɨ mo Mbɨambɨa Sisim ɨ, sa lé epebre be é mɨleme e, yé ó sa Sisim waa lé ekpɛl ɨ.

Rôm 8:1

Banana, bʉr o ndɨ é zyɛŋa wɔɔ boo Yesʉs-Krɨst ɨ, Zyɛm, nye aka láa be bɨbaa bɨ ebebe byɔɔ, nkʉ kab be bɨntɨʼa ndɨ ejala e le e.

Rôm 8:4

Nye a jaʼra e bɨntɨʼa é nyʉl we ó, nye nkʉʼ du ocɨcyel o motie mɨmɛh Zyɛm a tiile bʉr ɨ. Bɨna bé ebi ga mopoʼ mo syɛɛla ye yaa ó, é jɔʼ bɨna lé ekœʼ ga ebò e cyen Mbɨambɨa Sisim lé etɨe bɨna ga ɛ, aka be lé edu bɨgwɨma bɨ nyʉl bɨpuno ga wina.

2 Korɛnt 1:17

É jɔʼ me a tiʼe é leme wam ó, me óze gʉʼ bɨn ye no e, zê bɨjwɨʼ byaa, lé esa ocabcab ɛ? Zê me a bà bɨjwɨʼ ó, mpʉ bʉr o si nwaʼ lé esa ɛ? Zê me a lɛɛ ó «Eee!» ndwe e «Hɨʼɨ!» é jɔʼ gwar ɛ?

2 Korɛnt 11:21

Yé esa me fwon lé emɛʼle ó, ecyɛʼ bé lé elwɨɨ-lwɨɨ me e la ɛ, lé ó b'a sa ó, me l'ayi jaa bɨn mompɛh maa! Yé be ó, yé e nuu mʉr ndɨ e nkul edoʼo e yʉʉ syɛɛla e yʉʉ nɛʼɛ, mɛm nteme, me óbɛm doʼo e mbi syɛɛla ngwar e ngwar waa! (Me mu lwib naa ó mpʉ gʉ!)