2 Korɛnt 1:4 - Kálara Zyɛ̌m Edwán é mpʉ̌n

⁴ Nye egba bɨh nkul é monyʉl ó, é jɔʼ yiyɛh bɨh lé ebɔma e mɨtuu ɨ. Nye ó mʉr lé ecyɛb bɨh é mɨleme ó, bɨh gbaʼ bʉʉ bʉr nkul é myɔɔ mɨleme é mbi ngwar waa ɛ. É jɔʼ bé lé ebɔma e myɔɔ mɨtuu ɨ, bɨh ó ndɨ ekɛm be é zi ngula bɨh bé a taare bi boo Zyɛm ɨ.

Kálar Nzyɛ̌m : Ejwán é Sáá

⁴ Nyě gbá bɨ́h nkul ɨ́ miléme ó, ɨ́ jɔʼ bɨ́h dí esia e mitúú yɨ́. Nye ó mʉr dí etyɛ̂b bɨ́h ɨ́ miléme, ó bɨ̌h gbâʼ bʉ́ʉ́ bʉ̂r nkul ɨ́ myɔ́ɔ́ míléme mbi ngwár waá nyá. Ɨ́ jɔʼ bé dí esia e myɔ́ɔ́ mítúú yɨ́, bɨ̌h ó dí ekɛm bé e nzɨ̌ menkɔ̌m bɨ́h bɨɛ bé á nyɛɛ sáŋɔɔ, mé á duho kwá mé Nzyɛ̌m má.

2 Korɛnt 1:4 ပူးပေါင်းရင်းမြစ်များ

1 Tesalonika 5:11

No ó, gbaʼ bʉr nkul é monyʉl é zi motɨɨ monɨ. Dɨʼe gba ga nkul é nyʉl mo mɨɔ nyiwɛh paʼra win, ó nye biʼe nkul waa, mpʉ bɨn lé ebɛa sa-sa ɛ.

Ebrœ̂ 12:12

É mpʉ yé ndɨ no e, ebe yé bɨn lé efil mobo mɨn si ɛ? Bɨn bé à dihbe elɨl moboo mɨn mu mɨnjyɛma ɛ.

Yʉanes 14:18

«Me ákwoʼ liʼe bɨn bwɔɔnul. Me óbula ze kœb bɨn

Yʉanes 14:16

Me ódî Sɔŋ wam ó, nye ntɨhɨ bɨn nuu mʉr ókamle e bɨn mpʉ mo me e. Nye óze di e bɨn é jɔʼ yiyɛh.

Yʉanes 14:26

Mʉr ndɨ ekamle e bɨn ɨ, nye ó Mbɨambɨa Sisim. Sɔŋ wam ólomlo bɨn wa ó, é die lam. Nye óyeʼle bɨn sa yiyɛh, lé ejɨm bɨn bɨtoŋla é lɔb sa yiyɛh me a lɛɛ-lɛɛ bɨn ɨ.

1 Tesalonika 4:18

Ebe no, gbaʼ ga bɨn bʉr o tɨʼ nkul é monyʉl, lé elɛɛla mɨlɔb mɨnɨ paʼra win.

2 Korɛnt 7:13

Ebe no ó bɨn bé a gba bɨh nkul é monyʉl ɨ. Bɨh dam soho ebe nkul bɨh ndɨ e nye é mɨleme e, sa yé a bul laŋle gba bɨh bɨsʉhʉ é mɨleme e, yé a be ó bɨsʉhʉ mo Tit, ebe, leme we, wé a be ó si loŋlo e bɨsʉhʉ ebe bɨn bɨbɛh.

Filipi 1:14

Mpʉ me ndɨ wâʼ é mbʉʼ wiʼ ɨ, yé esa ó, bʉʉ obuʼla, bé gʉa jyɛʼ taa buʼo yɔɔ boo Da Yesʉs. Bé mu ó lé elɛɛ lɔɔ Zyɛm é hwɨm, abaawe sɔʼɔ e bʉr. Bé elɛɛ mye nteme ó, laa bim bé a taare lɛɛ-lɛɛ mye e.

2 Korɛnt 7:4

Leme wam, wi loŋlo e mbɛla é lɔb win. Bɨh bé ó e nkul edoʼo e bɨn é buobuo. Nkul, nye mu ó lwɨŋla é leme wam. Bɨh dam be é mɨtuu e mɨndɛl tʉŋlʉ, bɨsʉhʉ byam, byé elaŋle!