1 Yʉanes 5:9 - Kálara Zyɛ̌m Edwán é mpʉ̌n

⁹ Bɨna pa taare mɛʼle ga é jɔʼ bʉr lé eboʼlo lɔb mboʼla ngwar ɨ, a dwɛʼra e Zyɛm. Mboʼla mo Zyɛm, wé ejala le ebe ó e modile, laa waa bʉr lé esa-sa ɛ, ebe, wé ó waa Zyɛm nye mʉr tɨʼ lé eboʼlo, tiibe e Mwan we e.

Kálar Nzyɛ̌m : Ejwán é Sáá

⁹ Mɨná bé lɨ́ ekam gá ɨ́ jɔʼ bʉ̂r dí eboʼlǒ lɔ̌b yɨ́. Tó kœb ó, mboʼlá mé Nzyɛ̌m, wé ɨ́ jala le edweŋɔɔ̌ dúu, laa waá bʉ̂r dí esâ wɨ́, ebě, wé ó mboʼlá Nzyɛ̌m mʉr tɨ̂ʼ á boʼlo, dumo e Mwân wé wɨ́.

1 Yʉanes 5:9 ပူးပေါင်းရင်းမြစ်များ

Mɨlʉmlʉ 17:31

No ó nye a cyel dobo nye ótiʼe bʉr o si nwaʼ bɨbɛh mɨlɔb myɔɔ é l'ocɨcyel ɨ. Nyi bɛa pɛh nteme mʉr ótiʼe mɨlɔb myɔɔ é dobo laa ɛ. Nyi pɛ̀h mʉr waa é foo. Pɛ̀ha foo waa, wé ó dweʼle, sa lé elɛʼle bʉr bɨbɛh ó, mʉr a pɛ̀hɔ é foo e, nye ó ngo tiʼe mɨlɔb myɔɔ.»

Mataos 17:5

Mpʉ nye a be, nye dina lé elwib ɨ, dwine é nge-ngɨ-nge ze buuro be. Ompʉn, bé ka joʼo ó, nuu twii lé eduho é mɨnkur tʉŋlʉ, lé elɛɛ ó: «Nwaʼ, nye ó mwan kpɛl wam. Me ekʉ mɨɨla e nye. Joʼa ga nye.»

1 Yʉanes 5:10

Mʉr lé ejyɛʼ taa buʼo ye boo Mwan mo Zyɛm ɨ, nye ó ndɨ ejoʼo mboʼla waa é leme we tʉŋlʉ. Mʉr ndɨ abuʼla Zyɛm ɨ, nyi sa mpʉ sa lɛɛ ó, Zyɛm Sɔŋ, nye ó mpʉmpʉl, ebe, nye abuʼla mboʼla Zyɛm a boʼlo, tiibe e Mwan we e.

Ebrœ̂ 2:4

Zyɛm, nyi ze boʼlo nteme ó, mpaŋla waa, nye ó cyecye, ebe, nye a si ntɨh bɨdweʼle bɨ nkul we, e bɨsa bɨ jehe ndwe e mosima mɨmbi mɨmbi, to kumo kuma e mɨndwɛa Mbɨambɨa Sisim lé entɨh bɨna ga ɛ, du mpʉ nye lé egwɨm sa ɛ.

Mɨlʉmlʉ 5:32

Bɨh e boo Mbɨambɨa Sisim nteme ó ndɨ oboʼla o tɨ. Sisim waa ó Zyɛm lé entɨh bʉr o ndɨ esa Yesʉs mojoʼo e.»

Yʉanes 10:38

Sa gwar, ǃme si sa bɨsyɛɛla bye nɛʼɛ, dam ka be ó, bɨn bé abuʼla me, jyɛʼɛ ga taa buʼo yin boo me ebe bɨsyɛɛla byam byaa. É zi waa ó bɨn bé ófuʼla gʉa ó, Sɔŋ wam, nye etiʼe ó é me e; me ó é zyɛŋa wih boo nɔɔ ɛ.»

Yʉanes 5:39

Bɨn bé egba monyʉl lé ejwɨʼ Kalara Zyɛm é dwiii, bɨn lé ebee ó, tɨʼ ó bɨn bé óbi tiʼ molu mo mpoʼ mɨmɛh ɛ. To kœb ó, Kalara Zyɛm ngwar e ngwar waa ó ndɨ eboʼlo é lɔb wam!

Ebrœ̂ 6:18

Yé e bɨsa bɨba ndɨ abe e nkul esiilɔ ɛ: monkɛʼ mo Zyɛm, ndwe e mɨnkɛla nye a de e. Zyɛm nteme, nye abe e nkul esa mpʉl tɨ. No ó, bɨna ga bé ó bʉr o mu si fim mɨkam é l'efu ó, bɨna biʼe ga sa nye a kɛʼ, yaa ndɨ esa ó, mɨleme ga mina loŋla e mbɛla ɛ. Nye a liʼe bɨna ga e monkɛʼ maa ó, bɨna nʉŋa ga pim é buʼo.

1 Yʉanes 5:8

Mbɨambɨa Sisim, ndubo modibe, ndwe e ndubo motié. Oboʼla olɛl onɨ, bé ó twii.