1 Yʉanes 5:8 - Kálara Zyɛ̌m Edwán é mpʉ̌n

⁸ Mbɨambɨa Sisim, ndubo modibe, ndwe e ndubo motié. Oboʼla olɛl onɨ, bé ó twii.

Kálar Nzyɛ̌m : Ejwán é Sáá

⁸ Sísǐm mé Nzyɛ̌m, ndubó médíbé, ndu e ndubó métié. Oboʼlo olɛ̂l ónɨ̌, bé ó twíí.

1 Yʉanes 5:8 ပူးပေါင်းရင်းမြစ်များ

Yʉanes 15:26

«Mʉr ndɨ ekamle e bɨn ɨ, nye óze. Nye ó ndɨ Sisim Ocyecye, wé óduho boo Sɔŋ wam ɨ. Me ólomlo bɨn nya. Nye òduho boo Sɔŋ wam, ntɔʼ ze boʼlo lɔb wam.

1 Pyɛr 3:21

Modibe maa, mé edweʼle ó, ndubo mu lé edwe bɨn tiʼ é bananaʼ ɛ. Wé esa no ó, ebe, wé ó gwɨma bɨna lé egwɨm ga ɛ, ó Zyɛm puba bɨna ga, to pyal é mɨleme ga mina tʉŋlʉ, ó mɨpɛhla mɨ tɨʼ nkʉʼ di é pyɛɛɛ. Nye epubo bɨna ga mɨleme myaa ó, ebe pɛ̀ha foo mo Yesʉs-Krɨst. Ndubo ga wina, wé atiʼ bɨna ga ebe mobomo wé lé epɛʼ é nyʉl ɨ.

Rôm 8:16

Sisim we, wé mʉr tɨ, wé eboʼlo é mɨleme ga mina tʉŋlʉ ó, bɨna ga bé ó bwan mo Zyɛm cyecye.

Markus 14:56

Buobuo bʉr, bé a be ó lé ekʉ to le ebuʼɔ nye mɨlɔb, sa gwar, motwii mɔɔ, mé a be ó, abɔma.

2 Korɛnt 1:22

Nye nteme ó b'a ntɨh bɨna ga Mbɨambɨa Sisim. Naa yé ó, nyi gba mɨsisim ga mina luʼ, ntɔʼ ŋmɛh luʼ waa e sitam. Mojwɨʼ nye a gba é bɨna no e, mé ó dweʼle ndwe e bɛn, sa lé elɛʼle ó, nyi dwe bɨna ga tiʼ molu mo mpoʼ mɨmɛh ɛ.

Mɨlʉmlʉ 15:15

Bɨsyɛɛla bɨna lé ejoʼo ga muh bi, byé ebɔma e mokan ogwiha o mɨlɔb, bé a lɛɛ ɛ. Yé ó mpʉ yé ndɨ tila é Kalara Zyɛm ɨ. Yé ó tila ó:

Mataos 28:19

Ebe no, toʼ ga é si nwaʼ nyiwɛh. Bɨn bé à sa bɨkul bibyɛh ompʉn bam. Bɨn bé òdù be é die mo Sɔŋ e Mwan ndwe e Mbɨambɨa Sisim.

Ebrœ̂ 13:12

Yesʉs a be nteme ó no. Nye a to sia e mɨtuu ó, é nkana kʉl. Nye a sa no ó, nye nkʉʼ nʉa motié me, ze pubo kul bʉr ye e tɨ.

Ebrœ̂ 6:4

Bʉr o b'a taare kʉnɔ mɨmbah, bé a be ó lé etaare bi-bi mɨndwɛa lé eduho é jobo kʉ ɨ. É til molu yaa, Mbɨambɨa Sisim, bé e boo nɔɔ ó b'a be-be. Bé a be nteme ó, lé ejoʼo-joʼo lɔɔ Zyɛm ndɨ é bul mbɨa ɛ, joʼo monwam mo tɨ. Bɛɛ, bé a si taare dweŋɔ mbi nkul óka kabɔ pie e l'esie e mbi jɔʼ yiʼ ɨ. É jɔʼ mbi bʉr baa ka lɨŋa é buʼo e, bé abe e nkul ebâʼle gbɛlɔ, ó bé óbula gwɨma mobebe mɔɔ, le edwir mɨleme myɔɔ, ebe, bé bʉr o tɨ, bɨ kʉ gbaa ó, bé ócyèl Mwan mo Zyɛm é klos é jɔʼ mba, le esa ó, nye bul lwɨɔ é nkɛŋlɛm.

Yʉanes 19:34

Dam be no, yʉʉ zima, yé a si kar nye ekʉa é bɨmpah. Mbah motié ndwe e modibe ntɔʼ sah.

1 Yʉanes 5:9

Bɨna pa taare mɛʼle ga é jɔʼ bʉr lé eboʼlo lɔb mboʼla ngwar ɨ, a dwɛʼra e Zyɛm. Mboʼla mo Zyɛm, wé ejala le ebe ó e modile, laa waa bʉr lé esa-sa ɛ, ebe, wé ó waa Zyɛm nye mʉr tɨʼ lé eboʼlo, tiibe e Mwan we e.