1 Yʉanes 5:3 - Kálara Zyɛ̌m Edwán é mpʉ̌n

³ Mpʉ mʉr lé ejala le elɛʼle Zyɛm kpɛl ó yi: é zi edu motie me. Motie me, mé abul kɔbla lé edu,

Kálar Nzyɛ̌m : Ejwán é Sáá

³ Mpʉ mʉ̂r jálá le elɛ̂ʼlě Nzyɛ̌m kpɛ̌l yɨ́ ó yɨ̂: ebaʼle métié mé. Metié mé, mé abuú dile yɨ́ɛ lɨ́ ebaʼle,

1 Yʉanes 5:3 ပူးပေါင်းရင်းမြစ်များ

Yʉanes 14:15

«ǃBɨn si kpɛl me nɛʼɛ, bɨn nteme, bé ódu mɨtiila me lé etiile bɨn ɨ.

Yʉanes 15:10

ǃBɨn si du mɨtiila me lé etiile bɨn nɛʼɛ, bɨn bé óbe ó bʉr me lé ekpɛl ɨ, ebe, mɨ du mɨtiila Sɔŋ wam a tiile me e. Me egʉa nteme ó, nye ekpɛl me.

2 Yʉanes 1:6

Mpʉ bɨna lé ejala le elɛʼle kpɛl ó yi: lé ekœʼ mbɨambɨa ebò e cyen, lé edu motie me. No ó, etie laa, lé ó laa bɨn bé a joʼo, duho é l'etɔɔrʉ ɨ. Zyɛm a tiile bɨn la é l'efu ó, bɨn kœʼœ ebò e cyen laa.

1 Yʉanes 2:3

Yé be ó, bɨna bé edu ga motie mo Zyɛm nɛʼɛ, lɛɛ ó, syɛɛla yaa, yé óbe ó dweʼle, sa lé elɛʼle ó, bɨna bɨ gʉa ga nye.

Rôm 7:22

Gwɨma, yé eduho me é mo si ó, me duʼo motie mo Zyɛm.

Yʉanes 15:14

ǃBɨn si du motie me lé etiile bɨn nɛʼɛ, kʉ gʉa ó, bɨn bé óbe ó ofo bam.

Ebrœ̂ 8:10

Ebe no ó Da lé elɛɛ ó: “Pie molu maa, mpʉn me óde e bwa b'Ɨzraɛl ɨ, nye óbe ó, é mbi wi: Me ógba motie mam é mɨpɛhla myɔɔ. Motie maa, mé óbe nteme ó mɨtila é mɨleme myɔɔ. Me óbe ó Zyɛm wɔɔ; bɛɛ, bé óbe ó baa bam.

Rôm 7:12

To kœb ó, motie, mé ó sa ndɨ ti ɨ. Mɨtiila mo Zyɛm, myé ó sa ndɨ ti ɨ. Myé nteme, myé ó cɨcyel le mbɨmbɨa.

Mataos 23:4

Bé ekaʼ mɨmbeʼ modile, gbaŋɔ bʉr mya é mobɛʼ é ziʼrɨ. Sa gwar, bé bʉr o tɨ, bé agwɨm nkɛɛ mye, dam be e dine gwar.