1 Yʉanes 4:8 - Kálara Zyɛ̌m Edwán é mpʉ̌n

⁸ To kœb ó, mʉr ndɨ abe e kpɛl ɨ, nyɛɛ, nye apa gʉa Zyɛm, ebe, Zyɛm, nye ó kpɛl.

Kálar Nzyɛ̌m : Ejwán é Sáá

⁸ Mʉr dí akpɛl nyá, nyé apǎ gʉ́ǎ Nzyɛ̌m, ebě, Nzyɛ̌m, nye ó kpɛ̌l.

1 Yʉanes 4:8 ပူးပေါင်းရင်းမြစ်များ

1 Yʉanes 4:16

É mbi waa ó bɨna mu lé egʉa ga leme ncwɨncwɨa Zyɛm lé elɛʼle bɨna ga ɛ. Bɨna bé ekʉ buʼla ga ó, nye ecwɨa e bɨna ga. Zyɛm, nye ó kpɛl. Mʉr lé ekpɛl bʉʉ bʉr ɨ, nye edi ó, é zyɛŋa wɔɔ boo Zyɛm; Zyɛm nteme, nye etiʼe é mʉr waa.

1 Yʉanes 4:7

Obɨɔ o kpɛl bam aa! Bɨna kpɛla ga paʼra ga wina, ebe, kpɛl, yé eduho ó boo Zyɛm. Mʉr nyiwɛh ndɨ e kpɛl ɨ, nye ó ndɨ mbyɛla é zi nkul mo Zyɛm. Nye nteme, nyi gʉa Zyɛm.

2 Korɛnt 13:11

Obɨɔ ga bam aa! Sa me óka tile bɨn é l'epihe e, yé ó nɛɛ: diʼe ga mbɨmbɨa. Dɨʼe komla ga paʼra win. Dɨʼe gba ga nkul é nyʉl mo mɨɔ nyiwɛh paʼra win. Dɨʼe toŋlo ga sa gwar. Tiʼa ga é motala. No ó Zyɛm lé eze bɨna ga e ncwɨncwɨa ndwe e motala ɛ, nye ódi e bɨn.

Éfɛsɔs 2:4

To kœb ó, Zyɛm, nye é bul jwɨʼ bɨna ga nkoo. No ó nye a ze lɛʼle bɨna ga mpʉ nye a bul kpɛl bɨna kpɛl apurapura ɛ.

1 Yʉanes 1:5

Mpaŋla Yesʉs-Krɨst a cen bɨh ó nwa. Nye ó sa bɨh lé eboʼlo bɨn ɨ. Nye ó: Zyɛm ó ndɨ myɛn. Edurʉ, lé abe ba é nye, abe ba titia.

1 Yʉanes 3:6

Mʉr nyiwɛh ndɨ é zyɛŋa wɔɔ boo Zyɛm ɨ, nye abe e nkul eto dolo lé esa mɨsyem. Waa nyiwɛh lé eto dolo lé esa mɨsyem ɨ, nye apa bee nye, nkʉ gʉa nye.

1 Yʉanes 2:9

Mʉr lé elɛɛ ó, nye ó é myɛn tʉŋlʉ, nyɛɛ yɛɛ lé enwim mɨɔ we e, nye dina ó njɨ teme edurʉ.

1 Yʉanes 2:4

Mʉr lé elɛɛ ó: «Me egʉa Zyɛm,» nyɛɛ yɛɛ adu motie me e, nye ó ndɨ mpʉmpʉl. Ocyecye, wé abe é nye.

Ebrœ̂ 12:29

ebe, Zyɛm Sɔŋ ga wina, nye ó mpʉ siʼe ndɨ é diʼa-diʼa ɛ.

1 Yʉanes 3:10

Ebe, mbɛʼ, wé enyin paʼra bwan mo Zyɛm e baa mo Njwɨɨ moleme ó, é mbi wi: mʉr nyiwɛh ndɨ asa mɨmpaŋ bɨsyɛɛla ɛ, nkʉ waa ndɨ akpɛl mɨɔ we e, nye a baabyɛl é zi nkul mo Zyɛm.