1 Yʉanes 4:7 - Kálara Zyɛ̌m Edwán é mpʉ̌n

⁷ Obɨɔ o kpɛl bam aa! Bɨna kpɛla ga paʼra ga wina, ebe, kpɛl, yé eduho ó boo Zyɛm. Mʉr nyiwɛh ndɨ e kpɛl ɨ, nye ó ndɨ mbyɛla é zi nkul mo Zyɛm. Nye nteme, nyi gʉa Zyɛm.

Kálar Nzyɛ̌m : Ejwán é Sáá

⁷ Bʉr ó kpɛ̌l bâm, mɨná kpɛ́laa gá páʼ gá nyɨ́ná, ebě, kpɛ̌l, yé lɨ́ eduho kwá mé Nzyɛ̌m. Mʉr nyɨnyɛ̂h dí e kpɛ̌l nyá, nye ó mbyɛ́lá ɨ́ nkul mé Nzyɛ̌m. Nye ntémé, nyɨ́ gʉ́ǎ Nzyɛ̌m.

1 Yʉanes 4:7 ပူးပေါင်းရင်းမြစ်များ

1 Yʉanes 4:20

Yé be ó, mʉr, nye elɛɛ ó: «Me ekpɛl Zyɛm,» nyɛɛ yɛɛ lé enwim mɨɔ we nɛʼɛ, lɛɛ ó, nye ó kʉ be mpʉmpʉl, ebe, mʉr ndɨ akpɛl mɨɔ we, mʉr nye lé ebee e, nye abe e nkul ekpɛl Zyɛm, waa nye ndɨ abee e.

1 Yʉanes 4:8

To kœb ó, mʉr ndɨ abe e kpɛl ɨ, nyɛɛ, nye apa gʉa Zyɛm, ebe, Zyɛm, nye ó kpɛl.

1 Pyɛr 1:22

Njoʼa bɨn bé a joʼo ocyecye e, wi pubo bɨn é nko paʼ mɨsyem min ndwe le elɛʼle bɨn mpʉ bɨn lé ejala le ekpɛla paʼra win ɨ. Yé ó mpaŋ kpɛl: kpɛl lé eduho é mɨmo si ɨ.

1 Yʉanes 2:10

To kœb ó, mʉr waa ndɨ ekpɛl mɨɔ we e, nye ó ndɨ é myɛn. Nye aŋa kol mɨɔ we ebɔʼ nye óbɨm é leme, laa lé ódumo nye e.

Galásia 5:22

Sa gwar, Mbɨambɨa Sisim, nye e bɨsyɛɛla nye lé esa e bɨna ga ɛ. Mpumo lé egumo é zi mo Mbɨambɨa Sisim ɨ, nye ó: kpɛl, bɨsʉhʉ, motala, bihbe, njwɨʼa-nkoo, ncwɨncwɨa, edira monkɛʼ,

2 Timotɛ 1:7

ebe, sisim Zyɛm a ntɨh bɨna bɛɛ ɛ, wé abe sisim bʉa. Wé ó sisim nkul, sisim kpɛl, sisim bihbe.

1 Yʉanes 4:12

Abe e mʉr ndɨ si pa bee Zyɛm. Yé be ó, bɨna bé ekpɛla ga paʼra ga wina nɛʼɛ, lɛɛ ó, Zyɛm, nye etiʼe é zyɛŋa ga wina boo nɔɔ. Nyi sa ó, kpɛl ye, yé kuma é l'ombɨmbɨa é mɨpaʼ mimyɛh.

1 Yʉanes 2:29

Bɨna bé egʉa ga ó, Krɨst, nye ó cɨcyel mʉr. Bɨn bé ejala le egʉa nteme ó, mʉr nyiwɛh lé esa mɨmpaŋ bɨsyɛɛla ɛ, nye ó ndɨ mbyɛla mo Zyɛm.

Yʉanes 17:3

Tiʼ molu mo mpoʼ mɨmɛh, yé ó, bé gʉŋa go, ó go ó ndɨ mpaŋ Zyɛm ndɨ ngwar e ngwar ɨ. Bé gʉŋa nteme Yesʉs, mɛm, mʉr go a lœm mulo, waa go a ntɨh kaʼ ɛ.

2 Korɛnt 4:6

Ebe, Zyɛm a lɛɛ ó: «Myɛn, wé pana, duho é l'edurʉ tʉŋlʉ.» Waa a lwib no e, a sa nteme ó, myɛn pana é mɨleme ga mina tʉŋlʉ. Myɛn waa ó lé esa ó, bɨna beŋɨ ga moncɛnba mo Zyɛm lé ebee Krɨst nye mʉr tɨ.

Galásia 4:9

Dam be no, banana, bɨn bɨ gʉa mpaŋ Zyɛm. (Me be lé ejɨ lɛɛ ó, Zyɛm, nyi gʉa bɨn!) Ebe yé bɨn lé eka bâʼle du sikʉlʉ bʉr o si nwaʼ lé ekuhlo, yaa ndɨ abe e nkul ɨ? Ebe yé bɨn lé ebâʼle kpɛl di molʉa mɔɔ ɛ?

Yʉanes 13:34

Me mu ó lé etiile bɨn edwan e tiila: kpɛla ga paʼra win, mpʉ me a kpɛl bɨn ɨ.

1 Korɛnt 8:3

Mʉr ndɨ ekpɛl Zyɛm ɨ, nye ó ndɨ waa Zyɛm lé egʉa ɛ.

1 Yʉanes 2:3

Yé be ó, bɨna bé edu ga motie mo Zyɛm nɛʼɛ, lɛɛ ó, syɛɛla yaa, yé óbe ó dweʼle, sa lé elɛʼle ó, bɨna bɨ gʉa ga nye.

1 Yʉanes 2:4

Mʉr lé elɛɛ ó: «Me egʉa Zyɛm,» nyɛɛ yɛɛ adu motie me e, nye ó ndɨ mpʉmpʉl. Ocyecye, wé abe é nye.

1 Yʉanes 2:7

Obɨɔ o kpɛl bam aa! Ntʉʼ edwan le etie me lé etiile bɨn lɨ. Yé ó njʉ̌m etie bɨn bé a bɛa bi, taare é jɔʼ bɨn bé a buʼla Mbɨambɨa Lɔɔ ɛ. Njʉ̌m etie waa, wé ó lwib bɨn bé a bɛa joʼo e.

1 Yʉanes 3:9

Mʉr nyiwɛh ndɨ mbyɛla é zi nkul mo Zyɛm ɨ, nye abe e nkul eto dolo lé esa mɨsyem, ebe, tiʼ lé eduho boo Zyɛm ɨ, yé ó é nye tʉŋlʉ. Nye abe e nkul eto dolo lé esa mɨsyem, ebe, nye a byɛl ó, é zi nkul mo Zyɛm.

1 Yʉanes 4:11

Obɨɔ o kpɛl bam aa! Yé be ó Zyɛm, nyi kpɛl bɨna ga bim yaa nɛʼɛ, lɛɛ ó, bɨna bé ejala le ekpɛla ga paʼra ga wina.

1 Yʉanes 4:16

É mbi waa ó bɨna mu lé egʉa ga leme ncwɨncwɨa Zyɛm lé elɛʼle bɨna ga ɛ. Bɨna bé ekʉ buʼla ga ó, nye ecwɨa e bɨna ga. Zyɛm, nye ó kpɛl. Mʉr lé ekpɛl bʉʉ bʉr ɨ, nye edi ó, é zyɛŋa wɔɔ boo Zyɛm; Zyɛm nteme, nye etiʼe é mʉr waa.

1 Yʉanes 5:1

Mʉr nyiwɛh lé ebuʼla ó, Yesʉs, nye ó Lœma mulo mo Zyɛm ɨ, nye ó ndɨ mbyɛla é zi nkul mo Zyɛm. Waa nyiwɛh lé ekpɛl mʉr a bya mwan ɨ, nye ekpɛl nteme, mwan mʉr waa a bya ɛ.

2 Yʉanes 1:5

No ó, Mbɨambɨa mbɛa mʉma wi, mé etiile bɨn etie lɨ—ntʉʼ edwan le etie me lé etiile bɨn ɨ; yé ó njʉ̌m etie bɨn bé a bɛa bi, duho é l'etɔɔrʉ ɨ—, bɨna kpɛla ga paʼra ga wina!