1 Yʉanes 4:4 - Kálara Zyɛ̌m Edwán é mpʉ̌n

⁴ Bɨn bɛɛ bwan bam, bɨn bé ó baa mo Zyɛm. Bɨn bɨ ntaa bʉr o dɔm mo Krɨst onɨ, ebe, Sisim bɨn ndɨ e we e, wé ó, é lele nkul, laa waa ndɨ é bʉr o si nwaʼ ɛ.

Kálar Nzyɛ̌m : Ejwán é Sáá

⁴ Bɨ̌n bɨɛ bwán bâm, bɨ̌n dumo ó e Nzyɛ̌m. Bɨ̌n bɨ́ ntaa óntɨ̂m le obɨn mé Krîst baá, ebě, Sísǐm bɨ́n dí e wé wɨ́, wé ɨ́ lele nkûl, laa waá dí ɨ́ bʉr ó sí yɨ̂ʼ wɨ́.

1 Yʉanes 4:4 ပူးပေါင်းရင်းမြစ်များ

Rôm 8:31

Yé be no nɛʼɛ, bɨna kaʼ lɛɛ ga é yé? ǃƗ Zyɛm be é nkɔm ga wina nɛʼɛ, wáa mʉr ócyɛb bɨna ga é nkɔm nkɔm-nkɛɛ e?

1 Yʉanes 5:4

ebe, mʉr nyiwɛh ndɨ mbyɛla é zi nkul mo Zyɛm ɨ, nye entaa ebebe e si nwaʼ é nkul. Nkul nye ndɨ e nye, waa lé esa ó, nye bula e l'esaa é koo e, nye ó buʼo ga yina.

Rôm 8:37

Dam be mobebe mɨmɛh ndɨ epyal bɨna ga monɨ, bɨna ga bé ó bɨnkɔɔ dumo e Krɨst, mʉr lé ekpɛl bɨna ga ɛ.

1 Yʉanes 4:16

É mbi waa ó bɨna mu lé egʉa ga leme ncwɨncwɨa Zyɛm lé elɛʼle bɨna ga ɛ. Bɨna bé ekʉ buʼla ga ó, nye ecwɨa e bɨna ga. Zyɛm, nye ó kpɛl. Mʉr lé ekpɛl bʉʉ bʉr ɨ, nye edi ó, é zyɛŋa wɔɔ boo Zyɛm; Zyɛm nteme, nye etiʼe é mʉr waa.

1 Korɛnt 2:12

Bɨna ga bɛɛ, bé a baabœɔ ga bɨbla sisim ndɨ ejwɨʼ si nwaʼ ɛ. Bɨna bé a ntɨhɔ ga ó, Sisim lé eduho boo Zyɛm ɨ. Ebe no ó bɨna bé ógʉa ga motʉm mɨmɛh Zyɛm a ntɨh bɨna ga ɛ.

1 Yʉanes 5:19

Bɨna bé egʉa ga ó, bɨna ga bé ó, bwan mo Zyɛm. Bʉr o si nwaʼ nyiwɛh bɛɛ, bé ejaʼra ó e mpel mo Bɨbla-mʉr.

1 Yʉanes 4:13

Bɨna bé egʉa ga ó, bɨna bé etiʼe ga é zyɛŋa wina boo Zyɛm, nyɛɛ é zyɛŋa ga wina. Bɨna bé egʉa no ó, ebe, nye a si ntɨh bɨna ga Sisim we.

Éfɛsɔs 6:10

Sa me lé eka tile bɨn é l'epihe e, yé ó: lela ga nkul é zyɛŋa win boo Da Yesʉs tʉŋlʉ, é mpwaʼ nkul we.

Éfɛsɔs 3:17

Me ejwɨʼla nteme e nye ó, Krɨst komla odia we é mɨleme min tʉŋlʉ, ebe buʼo yin. Me ejwɨʼla nteme e nye ó, bɨn cyɛba é nkʉʼʉ ebe leme ncwɨncwɨa win.

Mɨngwiha 12:11

Obɨɔ ga bɨna nteme, bɨ ntaa nye é dɔm, bula e l'esaa é koo, ebe motié mo Ma Ntœme, ndwe e mboʼla bé a boʼlo, tiibe e Yesʉs ɨ. Bim bé a kpɛl bɨtiʼ byɔɔ ɛ, bé a baaliʼa lé ebir bye, ntɔʼ jʉŋɔ, ebe mboʼla waa.

1 Yʉanes 3:24

Mʉr lé edu motie mo Zyɛm ɨ, nye edi ó, é zyɛŋa wɔɔ boo Zyɛm; Zyɛm nteme é zyɛŋa wɔɔ boo mʉr waa. Bɨna bé egʉa ga ó, Zyɛm, nye é zyɛŋa ga wina boo nɔɔ ó, ebe, nye a si ntɨh bɨna ga Sisim we.

Yʉanes 12:31

Bananaʼ mu ó jɔʼ bʉr o ndɨ egumo e si nwaʼ ɛ, muno ze dweŋɔ mobe e! Banana, Njwɨɨ mbi jɔʼ yiʼ muno ze foŋɔ!

Yʉanes 17:23

Mɛm ɨ be; gwɔɔ ɨ me: no ó bé ódi njɨ sa gwar é mɨpaʼ mimyɛh ɛ. No nteme ó bʉr bɨbɛh, bé ógʉa é kpɛhla ó, go ó b'a lomo me e. Bé ógʉa nteme ó, go ekpɛl be mpʉ go lé ekpɛl me e.

1 Yʉanes 4:6

No ó, bɨna ga bɛɛ, bé ó baa mo Zyɛm. Mʉr lé egʉa Zyɛm ɨ, nye ó ndɨ esa bɨna ga mojoʼo. Mʉr ndɨ abe waa mo Zyɛm ɨ, nyɛɛ, nye ákwoʼ joʼo bɨna ga. É mbi waa ó bɨna ndɨ e nkul egʉa ga mbɛʼ paʼra Sisim Ocyecye bé e sisim mpʉl ɨ.

2 Korɛnt 6:16

Zê opara ndɨ esea é l'Odia mo Zyɛm tʉŋlʉ ɨ, bé e baa lé eto é mpah bé ndɨ edwiibɨ bɨbaŋabaŋa bɨdweʼle e, bé ó e nkul emɛʼle mɨlɔb é mbi ngwar ɛ? Ebe, monyʉl ga mɨna, mé ó bana kʉ be Odia mo Zyɛm ndɨ kublakubla ɛ! Zyɛm nye mʉr tɨʼ a lɛɛ ó: «Me ódi é sama yɔɔ, lé ekœʼ e be. Me óbe ó Zyɛm wɔɔ. Bɛɛ, bé óbe ó bʉr bam.»

1 Yʉanes 2:13

Osɔŋ ee! Me etile bɨn ó, ebe, bɨn bé egʉa mʉr a bɛa be, duho é l'etɔɔrʉ ɨ. Mɨsoho ee! Me etile bɨn ó, ebe, bɨn bɨ ntaa Bɨbla-mʉr é nkul dɔm. Bwan bam aa! Me etile bɨn ó, ebe, bɨn bɨ gʉa Zyɛm Sɔŋ.

1 Korɛnt 6:13

Bé elɛɛ-lɛɛ nteme ó: «Mode, mé tɨʼ ó, é l'efu e mo; mo wɛɛ é l'efu e mode.» Yé ó no! Sa gwar, Zyɛm ólɨr bibyɛh. Nyʉl mʉr, nye abe é l'efu ó, mʉr nkʉʼ bul sa bɨmala e mɨfyɛba e tɨ. Nye tɨʼ ó, é l'efu le esea Tî ga wina syɛɛ e tɨ. Tî ga wina, nye tɨʼ ó, é l'efu e monyʉl ga mɨna.

Éfɛsɔs 2:2

Bɨn bé a taare kœʼ ó, njɨ ebò e cyen le ebebe laa, jwɨʼ gwar e gwar e bʉr o mbi jɔʼ yiʼ bɨbɛh. Bɨn bé a tiʼe no ó, lé edu motɨɨ mo njwɨɨ mbi jɔʼ yi, waa ndɨ cyela é dia taʼa ye paʼra jobo e l'ejyoo le ebantɛn ɨ. Sisim waa ó lé ecyɛb bʉr é mɨleme é banana, baa lé esa Zyɛm ebɨh ɨ...

Yʉanes 16:11

Nye ólɛʼle be mpʉ Zyɛm lé edwe bʉr mobe e, ebe, nyi bɛa dwe Njwɨɨ mbi jɔʼ yiʼ mobe.

2 Korɛnt 4:4

Bʉr o ndɨ abuʼla ɛ, bé abe e pɨʼ ndɨ ó, bé joʼa lɔɔ wih, ntɔʼ buʼla we, ebe, Njwɨɨ mbi jɔʼ yiʼ a si dimle be pɨʼ. Nye esa no ó, nye kamla be lé ebee mɨmbah lé epan, duho é moncɛnba mo Krɨst ɨ. Nye ebene ó, bé amu bee moncɛnba maa é zi Mbɨambɨa Lɔɔ mo Yesʉs, bé ntɔʼ gʉa ó, Yesʉs ó ndɨ bana kʉ be gulo mo Zyɛm.

Yʉanes 14:30

Me aŋa ka bâʼle bul lwib e bɨn, ebe, “njwɨɨ mbi jɔʼ yi”, nye mu ó lé eze. Nye abe e nkul ejwɨɨ yɛɛ e mɛm.

1 Yʉanes 2:1

Bwa o bwan bam, me etile bɨn bɨsa bɨnɨ ó, bɨn gwaʼa lé eka sa syem. Sa gwar, yé si ka pyal yɛɛ ó, nuu mʉr, nyi sa syem nɛʼɛ, nye gʉŋa ó, nye e mʉr ndɨ ekamle e nye e: Yesʉs-Krɨst, ndɨ cɨcyel mʉr ɨ! Nye ekɛm nye ó, é mih mo Zyɛm Sɔŋ.

1 Yʉanes 3:20

é bɨjɔʼ myé lé edwe bɨna ga mobe e. Mɨleme ga mina, myé ebana fila, ebe, Zyɛm, nye ó é bul bwaʼ, laa mɨleme ga mina. Nye egʉa nteme sa yiyɛh.