1 Yʉanes 4:2 - Kálara Zyɛ̌m Edwán é mpʉ̌n

² Bɨn bé ódweʼe Mbɨambɨa Sisim ó, é mbi wi: Waa nyiwɛh lé elɛɛ ó: «Yesʉs-Krɨst a ze é si nwaʼ ó e nyʉl mʉr» ɨ, mʉr waa, nye ó waa mo Zyɛm.

Kálar Nzyɛ̌m : Ejwán é Sáá

² Bɨ̌n bé ódwidweʼě Sísǐm mé Nzyɛ̌m ó, mbi wɨ̂: waá nyɨnyɛ̂h dí elɛ́ɛ ó: «Yésʉs-Krîst á nze ɨ́ sí yɨ̂ʼ ó e nyʉ̂l mʉr mpâ» nyá duho ó kwá mé Nzyɛ̌m.

1 Yʉanes 4:2 ပူးပေါင်းရင်းမြစ်များ

1 Korɛnt 12:3

No ó, me mu ó lé eze tɨe bɨn é nko paʼ waa: mʉr ndɨ elwib é zi Sisim mo Zyɛm ɨ, nye abe e nkul elɛɛ ó: «Yesʉs, nye e bɨkɔ́ɔlʉ!» Ndwe nteme, ǃɨ Mbɨambɨa Sisim be l'abe é mʉr tʉŋlʉ nɛʼɛ, kʉ gʉa ó, mʉr waa, nye abe e nkul elɛɛ ó: «Yesʉs ó ndɨ Tî!»

Yʉanes 1:14

Lwib a be ó si byɛl mʉr. Nye a si tiʼe paʼra ga wina. Bɨh bɨ bee moncɛnba me, moncɛnba mo Etiʼe e Mwan mo Zyɛm. Nye a duho boo Sɔŋ we ó, nye mu bɛa be lwɨŋla e ncwɨncwɨa e l'ocyecye mo Zyɛm.

1 Timotɛ 3:16

Yé ejala ó, buʼo yina, yaa ndɨ é lwib odim ɨ, yé é laŋle bwaʼ. Yé ó: «Nye a ze nyin é si nwaʼ ó e nyʉl bɨpuno. Mbɨambɨa Sisim ze lɛʼle bɨna ga nya, bɨna gʉŋa ga ó, nye abe e mobe. Beengles, bé a si siŋle nye. Bʉr o bɨkul bɨfih, bé a si joʼo lɔɔ lé etiibe e nye e. Bʉr o si nwa, bé a si jyɛʼ taa buʼo yɔɔ boo nye. Nye a si to é jobo kʉ, é fum nye a dweŋɔ kum ɨ.»

1 Yʉanes 5:1

Mʉr nyiwɛh lé ebuʼla ó, Yesʉs, nye ó Lœma mulo mo Zyɛm ɨ, nye ó ndɨ mbyɛla é zi nkul mo Zyɛm. Waa nyiwɛh lé ekpɛl mʉr a bya mwan ɨ, nye ekpɛl nteme, mwan mʉr waa a bya ɛ.

1 Yʉanes 4:3

To kœb ó, waa ndɨ akpɛl mɛʼle ó, Yesʉs a ze é si nwaʼ ó e nyʉl mʉr ɨ, nyiha, nye abe e Sisim lé eduho boo Zyɛm ɨ. Sisim nye ndɨ e we e, wé ó kʉ be waa mo mʉr dɔm mo Krɨst. Bɨn bé a be ó si cenɔ mpaŋla ó, nye ejala le etaare ze. No ó, banana, nye mu ó si pyal é si nwa.

1 Yʉanes 2:23

Mʉr ndɨ ekɛla ó, Yesʉs, nye abe Mwan mo Zyɛm ɨ, bé e Zyɛm Sɔŋ, bé abe nkɔm mpwar. To kœb ó, waa lé elɛɛ ó, Yesʉs, nye ó Mwan mo Zyɛm ɨ, nyiha bé e Zyɛm Sɔŋ, ndwe e Mwan mo Zyɛm, bé ó nkɔm mpwar.

1 Yʉanes 1:2

—ebe, Etin e tiʼ laa, lé a si kʉ nyin é si nwa. Bɨh bɨ bee nye, bɨh ntɔʼ taare lé eboʼlo mboʼla lé etiibe e mʉr waa ɛ. Ebe no ó bɨh lé eze gʉʼ bɨn ye e tuno lé etiibe e mʉr ndɨ edwe bɨna ga tiʼ molu mo mpoʼ mɨmɛh ɛ. Bé e Zyɛm Sɔŋ ó b'a be. Nyi ze nyin é si nwa.

1 Yʉanes 4:15

Yé be ó, mʉr, nyi lɛɛ ó: «Yesʉs, nye ó Mwan mo Zyɛm» nɛʼɛ, lɛɛ ó, Zyɛm, nye etiʼe é mʉr waa; mʉr waa, nye nteme ódi é zyɛŋa wɔɔ boo Zyɛm.

2 Yʉanes 1:7

Ebe, baanya-bɨkʉʉŋʉ, bé mu ó si buo é si nwaʼ nyiwɛh. Bé akpɛl mɛʼle ó, Yesʉs-Krɨst a ze é si nwaʼ ó e nyʉl bɨpuno. Mʉr lé esoŋlo ó, buʼo ga yina, yé abe cyecye e, nye ó ndɨ anya-bɨkʉʉŋʉ le mʉr dɔm mo Krɨst.