1 Yʉanes 3:9 - Kálara Zyɛ̌m Edwán é mpʉ̌n

⁹ Mʉr nyiwɛh ndɨ mbyɛla é zi nkul mo Zyɛm ɨ, nye abe e nkul eto dolo lé esa mɨsyem, ebe, tiʼ lé eduho boo Zyɛm ɨ, yé ó é nye tʉŋlʉ. Nye abe e nkul eto dolo lé esa mɨsyem, ebe, nye a byɛl ó, é zi nkul mo Zyɛm.

Kálar Nzyɛ̌m : Ejwán é Sáá

⁹ Mʉr nyɨnyɛ̂h mû sí byɛ̂l ɨ́ nkul mé Nzyɛ̌m nyá, nyé atô dóló le esâ syóm, ebě, twiʼ dí eduho kwá mé Nzyɛ̌m yɨ́, yé ó ɨ́ nye tʉ́ŋlʉ̌. Nyé abe e nkul etô dóló le esâ syóm, ebě, nye á byɛ̂l ó ɨ́ nzɨ̌ twiʼ mé Nzyɛ̌m.

1 Yʉanes 3:9 ပူးပေါင်းရင်းမြစ်များ

1 Yʉanes 5:18

Bɨna bé egʉa ga ó, mʉr nyiwɛh mu mbyɛla é zi nkul mo Zyɛm ɨ, nye ákwoʼ ka to dolo lé esa syem. Mwan Zyɛm Sɔŋ a bya ɛ, nye ekamle e mbi mʉr waa. Ebe no, abe e sa gwar Bɨbla-mʉr ndɨ e nkul esa nye.

1 Pyɛr 1:23

No ó, bɨn mu ó si bâʼle byɛl. Bɨn bé a baabyɛl ebe mpœʼ ndɨ e nkul ebo e. Mpœʼ yé a sa ó, bɨn byɛlɨ ɨ, yé ó mpœʼ ndɨ abe e nkul ebo e. Mpœʼ yaa, yé ó lwib mo Zyɛm. Yé ekubla bɨn é mɨleme. Abe e yʉʉ jɔʼ yé ópʉʼa tɨ.

Yʉanes 1:13

Bé a baabyɛl bwan mo Zyɛm é zi bɨpuno, nkʉ é gwɨma bɨpuno byɔɔ, nkʉ ebe gwɨma mo mʉrʉm. Bé a byɛl ó byɛlɨ no, ebe gwɨma mo Zyɛm.

1 Yʉanes 2:29

Bɨna bé egʉa ga ó, Krɨst, nye ó cɨcyel mʉr. Bɨn bé ejala le egʉa nteme ó, mʉr nyiwɛh lé esa mɨmpaŋ bɨsyɛɛla ɛ, nye ó ndɨ mbyɛla mo Zyɛm.

1 Yʉanes 5:1

Mʉr nyiwɛh lé ebuʼla ó, Yesʉs, nye ó Lœma mulo mo Zyɛm ɨ, nye ó ndɨ mbyɛla é zi nkul mo Zyɛm. Waa nyiwɛh lé ekpɛl mʉr a bya mwan ɨ, nye ekpɛl nteme, mwan mʉr waa a bya ɛ.

1 Yʉanes 5:4

ebe, mʉr nyiwɛh ndɨ mbyɛla é zi nkul mo Zyɛm ɨ, nye entaa ebebe e si nwaʼ é nkul. Nkul nye ndɨ e nye, waa lé esa ó, nye bula e l'esaa é koo e, nye ó buʼo ga yina.

Yʉanes 3:3

Yesʉs, nye e nye ó: «Me elɛɛ go cyecye ó nɛɛ: ǃɨ mʉr si be, abâʼle byɛl nɛʼɛ, nye abe e nkul ebee Jwɨ̀ʼa mo Zyɛm.»

Galásia 5:17

ebe, nyʉl bɨpuno ga wina, nye ekʉ ka gwɨm ó njɨ bɨsyɛɛla Mbɨambɨa Sisim lé ebene e. Mbɨambɨa Sisim nyɛɛ lé egwɨm ó njɨ byaa nyʉl bɨpuno ga wina lé ebene e. Bɨgwɨma mo Zyɛm le byaa nyʉl bɨpuno ga wina, byé elwimla paʼra wɔɔ. Ebe no ó bɨn ndɨ abe e nkul esa mɨmpaŋ bɨsyɛɛla mɨleme min lé egwɨm ó, bɨn saʼ ɛ.

1 Yʉanes 4:7

Obɨɔ o kpɛl bam aa! Bɨna kpɛla ga paʼra ga wina, ebe, kpɛl, yé eduho ó boo Zyɛm. Mʉr nyiwɛh ndɨ e kpɛl ɨ, nye ó ndɨ mbyɛla é zi nkul mo Zyɛm. Nye nteme, nyi gʉa Zyɛm.

Mataos 7:18

Mpaŋ lɨ, yé águmo bɨbla mpumo. Bɨbla lɨ, yé águmo mɨmpaŋ mɨ mpumo.

Rôm 6:2

Hɨʼɨ, yé abe ba no! Bɨna bɨ dwè ga é nko paʼ mo Syem. Ebe no, abe e sa yé ósa ó, bɨna toʼ ga dolo le esa mɨsyem.

Mɨlʉmlʉ 4:20

É paʼ wih, yé abe e sa ndɨ e nkul esa ó, bɨh kara elɛɛ sa bɨh bé a bee le ejoʼo e.»

Títos 1:2

É mbi waa ó bé ódi e mbɛla ó, bé óbi tiʼ molu mo mpoʼ mɨmɛh, yaa yé a bɛa kɛʼɔ be, kʉ e si l'apa cyeŋɔ ɛ. Zyɛm ó b'a kɛʼ be tiʼ yaa, nyɛɛ waa ndɨ abe lé elɛɛ mpʉl ɨ.

1 Yʉanes 3:6

Mʉr nyiwɛh ndɨ é zyɛŋa wɔɔ boo Zyɛm ɨ, nye abe e nkul eto dolo lé esa mɨsyem. Waa nyiwɛh lé eto dolo lé esa mɨsyem ɨ, nye apa bee nye, nkʉ gʉa nye.

3 Yʉanes 1:11

Mɨɔ kpɛl wam, abaŋa sa ndɨ é bebe e, njɨ yaa ndɨ é mbɨa ɛ. Mʉr lé esa bɨsyɛɛla bɨ ncwɨncwɨa ɛ, nye ó waa mo Zyɛm. Syɛl ebebe nyɛɛ, nye apa bee Zyɛm.