1 Yʉanes 3:3 - Kálara Zyɛ̌m Edwán é mpʉ̌n

³ Yé be ó, mʉr fih mʉr kɛ̀l, leme we, wé ó lwɨŋla e mbɛla waa nɛʼɛ, lɛɛ ó, mʉr waa, nye ekʉ puba, ó nye beʼ saŋ mʉr. Ebe no ó nye ónʉa dweʼle tiʼ mo Yesʉs, Mʉr ndɨ ti ɨ.

Kálar Nzyɛ̌m : Ejwán é Sáá

³ Nyé ógbâ nyʉ́ʉ́ mʉ̂r mpûʼla nyaá ɨ́ léme nó, mʉr waá ópubo nyé mʉr tɨ̂, ó nye díʼee mʉr dí tí nyá. Sá tɨ̂ʼ ó nyé óbě mpʉ mé Yésʉs, mʉr dí tí nyá yɨ́.

1 Yʉanes 3:3 ပူးပေါင်းရင်းမြစ်များ

2 Korɛnt 7:1

Ebe no, obɨɔ o kpɛl bam aa! É mpʉ bɨna ga bé a bi ga monkɛʼ monɨ ɨ, bɨna puba bɨna ga bʉr o tɨ, lé epɛʼ sa ndɨ elœʼ monyʉl ga mɨna ndwe e mɨsisim ga mina é mih mo Zyɛm ɨ. Bɨna kœʼœ ga ebò e cyen bɨna ndɨ é pememe, laa ndɨ ejala e bʉr o ndɨ edwaabe Zyɛm ɨ.

1 Yʉanes 2:6

Mʉr lé elɛɛ ó, nye ó é zyɛŋa wɔɔ boo Zyɛm ɨ, nye ejala le ekœʼ ebò e cyen mo Yesʉs.

2 Pyɛr 3:14

Ebe no, obɨɔ o kpɛl bam aa! É mpʉ bɨna mu lé eka bono ga moho waa ɛ, nye ókœb bɨn nyá ɛ? Gbaʼ ga monyʉl lé edi abe e l'ebar, nkʉ ebebe bé a ngbaa nwahle bɨn e la ɛ. Diʼe ga é motala é jɔʼ nye óbula ɛ.

Mataos 5:48

Ebe no, kuma ga é l'ombɨmbɨa é mɨpaʼ mimyɛh, mpʉ Sɔŋ win ndɨ é jobo kʉ ɨ, ndɨ é l'ombɨmbɨa é mɨpaʼ mimyɛh ɛ.»

Ebrœ̂ 12:14

Gbaʼ ga monyʉl lé egba motala paʼra win boo bʉr bɨbɛh. Baʼla ga bɨn bʉr o tɨʼ ti. ǃƗ mʉr si lɨŋa é paʼ ebò e cyen le nɛʼɛ, nye ákwoʼ bee Da.

Ebrœ̂ 7:26

Nye ó mbi njwɨɨ opara wé a kʉ jala e bɨna ga ɛ. Nye ó mʉr ndɨ ti, waa ndɨ akunbo e mpɨŋ ɨ. Sa ndɨ elœʼ mʉr é mih mo Zyɛm ɨ, yé akunbo e nye. Bé e l'osyɛl o mɨsyem, bé ó e bwaʼbwaʼ mbɛʼ. Nye nteme, nye ó mbɨna kʉ, laa jobo e l'ejyoo le ebantɛn.

Kolosi 1:5

Sa nɨ yiyɛh ó, ebe sa bɨn ndɨ ebɛla, yaa ndɨ koma é lal mo Zyɛm ɨ. Bɨn bé ó e mbɛla waa é mɨleme, duho é jɔʼ bɨn bé a taare joʼo Mbɨambɨa Lɔɔ ndɨ lɔɔ cyecye ndɨ eduho boo Zyɛm ɨ.

Mɨlʉmlʉ 15:9

Nye agba mbɛʼ paʼra ga wina boo nɔɔ. Nye a be ó si pubo mɨleme myɔɔ ebe taa buʼo bé a jyɛʼ boo Krɨst ɨ.

Títos 3:7

Nye a dwe bɨna tiʼ molu mo mpoʼ mɨmɛh ó, bɨna pʉʼa ga é nkar, sɔba é feerɨ ebe ncwɨncwɨa we. Bɨna ga mu ó baa nye a kɛʼ tiʼ molu mo mpoʼ mɨmɛh ɛ. Nkɛʼ waa ó lé esa ó, mɨleme ga mina, myé loŋla e mbɛla.

2 Pyɛr 1:4

Ebe no, bɨna mu ó si bi ga monkɛʼ ndɨ é buo dime e. É jɔʼ bɨna lé ebuʼla ga monkɛʼ me e, bɨna bé esyɛhle ga bɨbol mofulu bʉr o si nwaʼ ndɨ e bye, duho é bɨgwɨma byɔɔ ɛ. É zi waa ó bɨna lé ekœʼ ga ebò e cyen ndɨ elɛʼle njwɨr mo Zyɛm nye mʉr tɨʼ ɨ.

Lʉkas 6:36

Jwɨʼɨ ga bʉr nkoo mpʉ Sɔŋ win ndɨ e njwɨʼa-nkoo e.»

1 Yʉanes 4:17

ǃBɨna si be ga é zyɛŋa ga wina boo Zyɛm nɛʼɛ, kpɛl ga yina, yé ókumo é l'ombɨmbɨa é mɨpaʼ mimyɛh. Bɨna bé ótʉm ga monyʉl é dobo le etiʼ e mɨlɔb, ebe, ebò e cyen bɨna lé ekœʼ ga é mbi jɔʼ yiʼ ɨ, lé enwɨɨla ó e laa nye a kœʼ œ.

Ebrœ̂ 6:18

Yé e bɨsa bɨba ndɨ abe e nkul esiilɔ ɛ: monkɛʼ mo Zyɛm, ndwe e mɨnkɛla nye a de e. Zyɛm nteme, nye abe e nkul esa mpʉl tɨ. No ó, bɨna ga bé ó bʉr o mu si fim mɨkam é l'efu ó, bɨna biʼe ga sa nye a kɛʼ, yaa ndɨ esa ó, mɨleme ga mina loŋla e mbɛla ɛ. Nye a liʼe bɨna ga e monkɛʼ maa ó, bɨna nʉŋa ga pim é buʼo.

2 Tesalonika 2:16

Tî ga wina Yesʉs-Krɨst nye mʉr tɨʼ bé e Zyɛm Sɔŋ ga wina, waa a lɛʼle bɨna ga kpɛl, waa lé egba bɨna ga nkul é monyʉl, waa ndɨ asie-sie, waa lé elɛʼle bɨna ga ncwɨncwɨa, le egba bɨna ga mbɛla é mɨleme e, nye gbaʼ bɨn nkul é monyʉl.

Rôm 15:12

Ngwiha mɨlɔb Ezayi a lɛɛ nteme ó: «Nuu mʉr mpoŋbʉr mo Yese óbyɛl mpʉ ntoʼdu, ntɔʼ jwɨ̀ʼ bʉr o ndɨ abe oYʉden ɨ. Mɨleme myɔɔ, myé óloŋlo e mbɛla ó, ebe, bé ebono nye.»

Yʉanes 17:19

Me etimle go tiʼ yam yiyɛh ó, bé nkʉʼ be mɨsaŋ mɨ bʉr bo, é l'ocyecye tʉŋlʉ.

Jacques 4:8

Dihla ga kunokuno e Zyɛm, nye nteme óze gʉʼ bɨn ye kunokuno. Jwɨ̀ŋɨ ga mobo mɨn, bɨn osyɛl o mɨsyem. Puba ga mɨleme min, bɨn bʉr o ndɨ kʉ kwɨh ɨ.

1 Pyɛr 1:3

Bɨna gumla ga Zyɛm Sɔŋ mo Tî ga wina Yesʉs-Krɨst. Nyi bul jwɨʼ bɨna ga nkoo, ntɔʼ dwe bɨna ga nkul ebyɛl jɔʼ mba é l'efu ó, mɨleme ga mina, myé diʼe lwɨŋla e mbɛla. Mbɛla waa, wé ekubla é mɨleme ga mina. Wé eduho ó, é nkul pɛ̀ha nye a pɛ̀h Yesʉs-Krɨst é foo e.

1 Pyɛr 1:15

Zyɛm, waa a jebe bɨn ɨ, nye ó ndɨ ti. Ebe no ó bɨn lé ejala le edi mɨsaŋ mɨ bʉr be, baa ndɨ elɛʼle no é nko paʼ ebò e cyen lɨlɛh bé lé ekœʼ œ.