1 Yʉanes 3:2 - Kálara Zyɛ̌m Edwán é mpʉ̌n

² Obɨɔ o kpɛl bam aa! Banana, bɨna mu ó bwan mo Zyɛm. Yé dam be no, mbi bʉr bɨna bé ódi ga ɛ, wé apa gʉa gʉŋɔ. Sa bɨna lé egʉa ga ɛ, yé ó, é dobo Yesʉs-Krɨst óbula ze e, bɨna bé ónwɨɨla ga e nye, ebe, bɨna bé óbee ga nye mbi nye ndɨ ɨ.

Kálar Nzyɛ̌m : Ejwán é Sáá

² Bʉr ó kpɛ̌l bâm, ɨ́ báánâ, mɨná gá mû ó bwán mé Nzyɛ̌m. Yé damá be nó, mbi bʉ̂r mɨ́ná ódi gá wɨ́, wé dína ó, apǎ gʉ́ŋɔɔ. Sá mɨ́ná dí egʉ́a gá yɨ́, yê njɨ ó, jɔ̌ʼ Krîst óbáʼǎ nyɨ̂n yɨ́, mɨná bé ónwɨɨla gá e né, ebě, mɨná bé óbee gá nye ó, kwahaá mpʉ nyé dí yɨ́.

1 Yʉanes 3:2 ပူးပေါင်းရင်းမြစ်များ

Filipi 3:21

ntɔʼ dwir bɨsa monyʉl ga bina bi. Monyʉl ga mɨna, mé òka nwɨɨla e nyʉl we ndɨ e kum ɨ. Nye e buobuo nkul ndɨ esa ó, bɨsa bibyɛh, byé saʼ nye mojoʼo e.

Kolosi 3:4

Krɨst ó ndɨ edwe bɨna ga tiʼ molu mo mpoʼ mɨmɛh. É jɔʼ nye óbâʼle nyin bʉr é mih é kpɛŋlɛm ɨ, bɨn e boo nɔɔ, bé ódweŋɔ kum sama.

2 Korɛnt 3:18

No ó, egor laa, lɨ pʉʼa é mompom ga mɨna. Ebe no ó bɨna ga mu lé ekʉ bee ga moncɛnba mo Da Yesʉs é sʉlʉlʉ ɨ, moncɛnba mo tɨʼ lé ekʉ pan nteme, duho é bɨna ga. Bɨna mu ó lé edwirɔ ga é l'efu ó, bɨna nkʉʼ gʉa nwɨɨla ga e nye, ndwe le elɛʼle bʉr kum we. Da ó lé edwir bɨna ga no, nyɛɛ waa bɨna lé ejebe ga ó, Mbɨambɨa Sisim ɨ.

1 Korɛnt 13:12

No ó, banana, sa bɨna lé ebee ga ɛ, yé é mih ga mɨna ó, é dimlɨ-di-dimlɨ. Yé ó mpʉ dweʼle lé enyin é l'enyin ɨ. É jɔʼ sa ndɨ ntinɨ mu si pyal ɨ, bɨna bé óbɛɛla ga mompom. Banana, me dina lé egʉa ó ba bim. É jɔʼ yaa ó me ófuʼla gʉa sa yiyɛh é kpɛhla ɛ, du mpʉ Zyɛm lé ebɛa gʉa me é kpɛhla ɛ.

Rôm 8:29

Ebe, baa Zyɛm a bɛa gʉa ɛ, nye a bɛa tiile é leme ó, bé ódɨ kœʼ ebò e cyen mpʉ mo Mwan we. ǃBé si nʉa dweʼle tiʼ mo Mwan we nɛʼɛ, Mwan waa ófuʼla mwa modweʼe, e l'oncyom e l'okɛl é buobuo.

1 Korɛnt 15:49

Mpʉ bɨna bé a taare nwɨɨla ga e mʉr a meŋɔ e bɨbwah ɛ, jwɨʼ gwar e gwar yaa nteme ó bɨna bé ónwɨɨla ga e mʉr a duho é jobo kʉ ɨ.

Mɨngwiha 22:4

Bé óbee mpom we. Die le nteme, lé ócɨmɔ é mompom mɔɔ.

2 Pyɛr 1:4

Ebe no, bɨna mu ó si bi ga monkɛʼ ndɨ é buo dime e. É jɔʼ bɨna lé ebuʼla ga monkɛʼ me e, bɨna bé esyɛhle ga bɨbol mofulu bʉr o si nwaʼ ndɨ e bye, duho é bɨgwɨma byɔɔ ɛ. É zi waa ó bɨna lé ekœʼ ga ebò e cyen ndɨ elɛʼle njwɨr mo Zyɛm nye mʉr tɨʼ ɨ.

1 Korɛnt 2:9

Yé ó mpʉ yé ndɨ tila é Kalara Zyɛm ɨ. Yé ó tila ó: «Sa mʉr ngwar l'apa joʼo, nkʉ bee e, sa mʉr ndɨ apa jwɨʼ é leme we lʉʉ dobo e, Zyɛm a kʉmsa ye ó, ebe bʉr o ndɨ ekpɛl nye e.»

1 Yʉanes 3:1

Mbe ga: é mpʉʼ ó Zyɛm Sɔŋ ndɨ ebul kpɛl bɨna ga ɛ! Nyi gban bɨna ga, le elɛɛ ó, bɨna ga bé ó bwan be. Bɨna ga bé ó baa be é l'ocyecye. Bʉr o si nwa, bé apa gʉa Sɔŋ ga wina. Ebe no ó bé ndɨ agʉa bɨna ga ɛ.

Galásia 4:6

Ebe, bɨn mu ó bwan Zyɛm a ntɨh Sisim mo Mwan we e. Wi ze ni é mɨleme ga mina. Wé ó lé etine-tine bɨna ga ó, bɨna jeba ga Zyɛm, «Abba! Da!»

Rôm 8:18

Mbea wam, wé ó, mɨtuu bɨna lé ebɔma ga e mye é bananaʼ ɛ, myé ó sa ndɨ kʉ be mbɛh ɛ. Sa ndɨ é bwaʼ lɔb, laa mɨtuu myaa ɛ, yé ó kum Zyɛm ólɛʼle bɨna ga ɛ.

Galásia 3:26

Bɨn bɨbɛh mu ó bwan mo Zyɛm, ebe, bɨn bé a si jyɛʼ taa buʼo yin boo Yesʉs-Krɨst.

Yʉanes 17:24

«Da, go a be ó si dwe me ba. Me ekpɛl ó, bé diʼe gumo me ódi ɨ. Bé óbee me é dia moncɛnba mam, dia go a bɛa dwe me ebe kpɛl yo, taare é jɔʼ kʉ e si, byé a baapa cyeŋɔ ɛ.

Mataos 5:8

Mocyɛʼ mo mpom e bʉr o ndɨ e mɨleme é sɔɔɔ ɛ, ebe, bé ó ngo bee Zyɛm!

1 Yʉanes 2:28

No ó, bwa o bwan bam, diʼe ga é zyɛŋa win boo Krɨst, é mbi ndɨ ó, é dobo nye óbula ze e, bɨna bé ótʉm ga monyʉl ndwe le ecyɛb ga é mih me é nkʉʼʉ. Bɨna bé aŋa bil fwon.

Ebrœ̂ 9:28

Jwɨʼ gwar e gwar yaa nteme e Krɨst. Nye a kʉ ka dwè ó njɨ é jɔʼ gwar é l'efu ó, nye jala e mɨsyem mɨ bʉr é buobuo. É dobo nye óbula ze e, nye aŋa bâʼle dwih bʉr é mpila ebebe lɔɔ. Zea nye óze e, wé óbe ó, lé edwe bʉr o ndɨ ebono nye e, tiʼ molu mo mpoʼ mɨmɛh.

2 Korɛnt 4:17

ebe, bwa o mɨtuu mɨ apyɛbpyɛb bɨh lé ebee é bananaʼ ɛ, myé elaa mpʉ ngul mpaa. Mɨtuu myaa, myé ó sa lé esa ó, bɨh biʼe buobuo kum ódi njʉmdia e njʉmdia ɛ.

1 Yʉanes 5:1

Mʉr nyiwɛh lé ebuʼla ó, Yesʉs, nye ó Lœma mulo mo Zyɛm ɨ, nye ó ndɨ mbyɛla é zi nkul mo Zyɛm. Waa nyiwɛh lé ekpɛl mʉr a bya mwan ɨ, nye ekpɛl nteme, mwan mʉr waa a bya ɛ.

Lʉkas 17:30

Yé óbe nteme ó, jwɨʼ gwar e gwar yaa é dobo Mwan mo Mʉr óbâʼle nyin ɨ.

Lʉkas 20:36

ebe, bé aŋa ka bâʼle dwè. Bé óbe ó mpʉ beengles. Bé ó bwan mo Zyɛm, ebe, bɨ bɛa pàh.

Yʉanes 1:12

Dam be no, bʉr o b'a nʉa nye e duu, jyɛʼɔ taa buʼo yɔɔ boo nye e, bé ó nye a dwe nkul ó, bé diʼe bwan mo Zyɛm ɨ.

Yʉanes 11:52

Abe njɨ é l'efu e bʉr o kul gwar yaa bé ome. Nye nteme a dwè ó, é l'efu e bwan mo Zyɛm bɨbɛh! Mpʉ bɨ myɛma é mɨlal myoonkan ɨ, nye ónʉa be, ntɔʼ syɛŋ be, ó bé diʼe njɨ sa gwar.)

Rôm 8:16

Sisim we, wé mʉr tɨ, wé eboʼlo é mɨleme ga mina tʉŋlʉ ó, bɨna ga bé ó bwan mo Zyɛm cyecye.

Rôm 8:19

Ebe, mɨcyea bɨsa bibyɛh, byé egwɨm bee dobo Zyɛm ólɛʼle bye bwan be é pono e.

1 Yʉanes 2:7

Obɨɔ o kpɛl bam aa! Ntʉʼ edwan le etie me lé etiile bɨn lɨ. Yé ó njʉ̌m etie bɨn bé a bɛa bi, taare é jɔʼ bɨn bé a buʼla Mbɨambɨa Lɔɔ ɛ. Njʉ̌m etie waa, wé ó lwib bɨn bé a bɛa joʼo e.

1 Yʉanes 3:10

Ebe, mbɛʼ, wé enyin paʼra bwan mo Zyɛm e baa mo Njwɨɨ moleme ó, é mbi wi: mʉr nyiwɛh ndɨ asa mɨmpaŋ bɨsyɛɛla ɛ, nkʉ waa ndɨ akpɛl mɨɔ we e, nye a baabyɛl é zi nkul mo Zyɛm.

1 Yʉanes 3:21

Obɨɔ o kpɛl bam aa! Yé be ó, mɨleme ga mina, myé ó, é puuu, abe lé edwe bɨna ga bʉr o tɨʼ mobe nɛʼɛ, lɛɛ ó, bɨna bé ódɨ tʉm monyʉl, ntɔʼ pyal é mih mo Zyɛm.

Mɨngwiha 2:28

Me ódwe nye nteme atwitwɛn lé epan é molama mo mɛn ɨ.