1 Yʉanes 3:1 - Kálara Zyɛ̌m Edwán é mpʉ̌n

¹ Mbe ga: é mpʉʼ ó Zyɛm Sɔŋ ndɨ ebul kpɛl bɨna ga ɛ! Nyi gban bɨna ga, le elɛɛ ó, bɨna ga bé ó bwan be. Bɨna ga bé ó baa be é l'ocyecye. Bʉr o si nwa, bé apa gʉa Sɔŋ ga wina. Ebe no ó bé ndɨ agʉa bɨna ga ɛ.

Kálar Nzyɛ̌m : Ejwán é Sáá

¹ Beyɨɨ gá bím Nzyɛ̌m Sɔ́ŋ á kpɛl mɨná gá, ntaa sʉ́ŋa yɨ́! Nyɨ́ gbân mɨ́ná gâ, le elɛ́ɛ ó, mɨná gá bé ó «bwán mé Nzyɛ̌m». Mɨná gá kʉ́ bě tyeetye ó bwán bé. Bʉr ó sí yɨ̂, bɨ́ɛ, bé agʉ́a Sɔ́ŋ gá wɨ́ná Nzyɛ̌m. Sá tɨ̂ʼ ó bé dí agʉ́a mɨ́ná gá yɨ́.

1 Yʉanes 3:1 ပူးပေါင်းရင်းမြစ်များ

Yʉanes 1:12

Dam be no, bʉr o b'a nʉa nye e duu, jyɛʼɔ taa buʼo yɔɔ boo nye e, bé ó nye a dwe nkul ó, bé diʼe bwan mo Zyɛm ɨ.

Galásia 3:26

Bɨn bɨbɛh mu ó bwan mo Zyɛm, ebe, bɨn bé a si jyɛʼ taa buʼo yin boo Yesʉs-Krɨst.

2 Korɛnt 6:18

Me óbe ó Sɔŋ win; bɨn bé óbe me ó bwan, mɨsile ndwe e mɨsoho. No ó Zyɛm Nkul nyiwɛh ndɨ elɛɛ ɛ.»

Yʉanes 17:25

Sɔŋ Ocɨcyel, bʉr o ndɨ egumo e si nwaʼ ɛ, bé agʉa go. Me ome ó lé egʉa go. Bʉr ba, bé mu si gʉa mbɨmbɨa ó, go ó b'a lomo me.

Yʉanes 3:16

«Zyɛm a be ó si bul laŋle kpɛl bʉr o si nwa. Ebe no ó nye a ntɨh Etiʼe e Mwan le ó, waa nyiwɛh ójyɛʼ taa buʼo boo nye e, aka dim. Nye biʼe tiʼ molu mo mpoʼ mɨmɛh.

Mɨngwiha 21:7

Mʉr nyiwɛh óbe si ntaa, bula e l'esaa é koo e, nye óbi we nkɔb é bɨsa byaa bibyɛh. Me óbe ó Zyɛm we. Nye óbe me ó mwan.

Rôm 5:8

Yesʉs-Krɨst nyɛɛ a dwè, jala e bɨna ga ó, é jɔʼ bɨna bé a be ga lé ekʉ sa njɨ mɨsyem ɨ! No ó Zyɛm ndɨ elɛʼle bɨna ga kpɛl ye e.

Galásia 3:29

Yé be ó, bɨn bé ó baa mo Krɨst nɛʼɛ, lɛɛ ó, bɨn nteme bé ó bwa onta mo Abraham. Bɨn nteme ó ngo bi ga monkɛʼ mo Zyɛm, jala e monkɔb mɨn.

Rôm 8:32

Zyɛm nyɛɛ a baakamle e Mwan we. Nye a dwe tiʼ Mwan we ó, é ziila e bɨna ga bɨbɛh. Zyɛm pa taare dwe bɨna ga Mwan we, a dwɛʼra e bɨsa bɨfih bibyɛh! Nye óbana dwe bɨna ga bya nteme, mpʉ nye a taare dwe bɨna ga Mwan we e.

Yʉanes 16:3

Bé ódɨ sa no ó, ebe, bé a baagʉa, dam be Sɔŋ wam, dam be me.

Kolosi 3:3

ebe, bɨn bɨ dwè. Tiʼ yin mu ó é l'efo boo Krɨst. Ebe no ó bɨtiʼ bin mu zyɛŋa boo Zyɛm ɨ.

Rôm 8:21

Zyɛm ópɛʼ mɨcyea bɨsa bibyɛh byaa é dia tɨtoʼo yaa, byé l'aka be sa lé ebo e. Byé óbe ó é dia otî, jwɨʼ gwar e bwan o mobœʼa mo Zyɛm bɨbɛh. Bé óbe ó e kum é dia otî yaa.

Lʉkas 20:36

ebe, bé aŋa ka bâʼle dwè. Bé óbe ó mpʉ beengles. Bé ó bwan mo Zyɛm, ebe, bɨ bɛa pàh.

Yʉanes 11:52

Abe njɨ é l'efu e bʉr o kul gwar yaa bé ome. Nye nteme a dwè ó, é l'efu e bwan mo Zyɛm bɨbɛh! Mpʉ bɨ myɛma é mɨlal myoonkan ɨ, nye ónʉa be, ntɔʼ syɛŋ be, ó bé diʼe njɨ sa gwar.)

Yʉanes 15:21

«Sa gwar, bé ótíile bɨn ó, é lɔb wam, ebe, bé agʉa mʉr a ntɨh me e.

Rôm 8:19

Ebe, mɨcyea bɨsa bibyɛh, byé egwɨm bee dobo Zyɛm ólɛʼle bye bwan be é pono e.

1 Yʉanes 3:2

Obɨɔ o kpɛl bam aa! Banana, bɨna mu ó bwan mo Zyɛm. Yé dam be no, mbi bʉr bɨna bé ódi ga ɛ, wé apa gʉa gʉŋɔ. Sa bɨna lé egʉa ga ɛ, yé ó, é dobo Yesʉs-Krɨst óbula ze e, bɨna bé ónwɨɨla ga e nye, ebe, bɨna bé óbee ga nye mbi nye ndɨ ɨ.

1 Yʉanes 3:10

Ebe, mbɛʼ, wé enyin paʼra bwan mo Zyɛm e baa mo Njwɨɨ moleme ó, é mbi wi: mʉr nyiwɛh ndɨ asa mɨmpaŋ bɨsyɛɛla ɛ, nkʉ waa ndɨ akpɛl mɨɔ we e, nye a baabyɛl é zi nkul mo Zyɛm.

1 Yʉanes 4:17

ǃBɨna si be ga é zyɛŋa ga wina boo Zyɛm nɛʼɛ, kpɛl ga yina, yé ókumo é l'ombɨmbɨa é mɨpaʼ mimyɛh. Bɨna bé ótʉm ga monyʉl é dobo le etiʼ e mɨlɔb, ebe, ebò e cyen bɨna lé ekœʼ ga é mbi jɔʼ yiʼ ɨ, lé enwɨɨla ó e laa nye a kœʼ œ.