1 Yʉanes 2:8 - Kálara Zyɛ̌m Edwán é mpʉ̌n

⁸ Sa gwar, lé yɛɛ ó edwan le etie—yé ekʉ nyin ó, lé ó cyecye ó, é Yesʉs-Krɨst tʉŋlʉ, ndwe e bɨn bɛɛ nteme—ebe, edurʉ, lé mu ó lé esɔa; mpaŋ myɛn, wé mu ó lé epan.

Kálar Nzyɛ̌m : Ejwán é Sáá

⁸ Dǎm jóʼo nó, lé yɨ́ɛ ó edwán lé étié mé dí ecɛma bɨ́n lɨ́. Yé lɨ́ enyɨ̂n ó, lê tyeetye ó, ɨ́ Yésʉs-Krîst tʉ́ŋlʉ̌, le kwá nyɨ́n ntémé. Edúrʉ́ʉ́, lé mû ó lɨ́ esɔ́a. Njʉl, wé mû ó lɨ́ epǎn myɛ́n mpâ.

1 Yʉanes 2:8 ပူးပေါင်းရင်းမြစ်များ

Éfɛsɔs 5:8

Molu pihe, bɨn bé a be-be ó é l'edurʉ. No ó, banana, bɨn mu ó é myɛn, duho é zyɛŋa win boo Da Yesʉs. No ó, kœʼœ ga ebò e cyen ndɨ ejala e bʉr o ndɨ é myɛn ɨ.

Rôm 13:12

Pum mu ó lé ekʉ laa. Mɛn, wé mu ó lé ekunbo. Bɨna birɨ ga be bɨsyɛɛla bɨ apum. Bɨna bwara ga mokʉa mo dɔm é l'efu ó, bɨna lwimla ga e me é moho.

Yʉanes 13:34

Me mu ó lé etiile bɨn edwan e tiila: kpɛla ga paʼra win, mpʉ me a kpɛl bɨn ɨ.

Yʉanes 8:12

Pie tɨ, Yesʉs ze lɛɛ e bʉr ó: «Me ó lé epɛn myɛn é si nwa. Mʉr ódu me e, nye óbi sa lé epɛn myɛn tiʼ ɨ. Nye aŋa ka ntime é l'edurʉ.»

Yʉanes 1:9

Myɛn waa wé ome ó b'a kʉ be mpaŋ myɛn. Wé epan é si nwa, lé eze kʉn mʉr nyiwɛh.

Yʉanes 12:46

Me a ze kaʼ é si nwaʼ ó, me pɛnɨ bʉr myɛn, ó mʉr nyiwɛh lé ejyɛʼ taa buʼo ye boo me e, nkʉʼ duho é l'edurʉ, to é myɛn ɔɔ!»

1 Yʉanes 4:21

Ndwe nteme, Zyɛm a tiile bɨna ga etie ó, mʉr nyiwɛh lé ekpɛl Zyɛm ɨ, nye kpɛlɨ nteme mɨɔ we.

1 Yʉanes 4:11

Obɨɔ o kpɛl bam aa! Yé be ó Zyɛm, nyi kpɛl bɨna ga bim yaa nɛʼɛ, lɛɛ ó, bɨna bé ejala le ekpɛla ga paʼra ga wina.

2 Timotɛ 1:10

Ncwɨncwɨa waa a ka nyin é kpɛŋlɛm ó, é l'epyal mo Yesʉs-Krɨst, Tiʼbʉr ga wina. Nyi gbah efie. Nyi lɛʼle bɨna é zi Mbɨambɨa Lɔɔ nteme ó, bɨna bé ebi tiʼ molu mo mpoʼ mɨmɛh é zyɛŋa wina boo Krɨst.

2 Korɛnt 8:9

Ebe, bɨn bé egʉa mpʉ Tî ga wina Yesʉs-Krɨst a cwɨa e bɨna ga ɛ. Nye a bɛa be ó mbil bɨsa, nye ze liʼe okum e l'ogbaa we, ze dwir nye mʉr tɨʼ anteʼenteʼe, ó bɨn kaʼ liʼ e l'okum e l'ogbaa, nyɛɛ liʼ e l'enteʼe le egoblo.

Mɨlʉmlʉ 26:18

Me elomo go ó, go bɛŋɨ bʉr mih. Go dwihɨ be é l'edurʉ, cen be é myɛn; dwih be é mpel mo Satan, cen be nko bé e Zyɛm, bé ódɨ di ɨ. Me ópɛʼ bɨbaa me a niʼe é lɔb mɨsyem myɔɔ ɛ, lé edwe be dia é l'esama e bʉr o b'a jyɛʼ taa buʼo yɔɔ boo me, mɛm ntɔʼ pubo e.”

Mɨlʉmlʉ 17:30

«É jɔʼ mya, bɨmpam bin, byé a be-be ó, lé ejeʼe Zyɛm. Nye a baabul gba ebɨh laa é nkɔb. No ó, banana, nyi ka lɛɛ e bʉr bɨbɛh é bɨgumo bibyɛh ó, bé gwɨma mobebe mɔɔ le edwir mɨleme.

Lʉkas 1:79

Mɨmbah, myé ókʉn bɨna ga bʉr o b'a be-be é l'edurʉ, baa b'a be-be é ka foo e. Nye ólɛʼle bɨna ga ebò e cyen bɨna lé ejala le ekœʼ ga ɛ, bɨna ga e boo nɔɔ nkʉʼ tiʼe é motala.»

Yʉanes 12:35

Yesʉs, nye e be ó: «Njʉl, wé dina ó, lé epɛn myɛn bɨn ye tɔɔ ma jɔʼ. Kœʼœ ga é jɔʼ njʉl waa dina lé epɛn myɛn ɨ, ebe, edurʉ, lé amu jaa mara bɨn, ebe, mʉr lé eto le entime é l'edurʉ ɨ, nye agʉa nko nye lé eto e.

Mataos 4:16

Baa b'a taare be é l'edurʉ ɨ, bɨ bee bwaʼbwaʼ myɛn! Bʉr o b'a di-di é ka foo e, bé mu ó é myɛn!»

1 Pyɛr 1:21

Krɨst ó b'a sa ó, bɨn jyɛʼɛ taa buʼo yin boo Zyɛm, waa a pɛ̀h nye é foo, waa a dwiibɨ nye nteme e. Ebe no ó buʼo yin ndwe e mbɛla win lé etiibe njɨ e Zyɛm ɨ.

1 Yʉanes 3:23

Etie nye a tiile é l'efu ga lɨna ó lɨ: Bɨna jyɛʼɛ ga taa buʼo ga yina boo Mwan we Yesʉs-Krɨst le ekpɛla paʼra ga wina mpʉ nye a tɨe bɨna ga ɛ.