1 Yʉanes 2:3 - Kálara Zyɛ̌m Edwán é mpʉ̌n

³ Yé be ó, bɨna bé edu ga motie mo Zyɛm nɛʼɛ, lɛɛ ó, syɛɛla yaa, yé óbe ó dweʼle, sa lé elɛʼle ó, bɨna bɨ gʉa ga nye.

Kálar Nzyɛ̌m : Ejwán é Sáá

³ Mɨ́ná báʼlé gá metié mé Nzyɛ̌m nó, syɛ́ɛla yaá, yé óbe ó dweʼle dí eboʼlo ó, mɨná bɨ́ gʉ́a gá nye yɨ́.

1 Yʉanes 2:3 ပူးပေါင်းရင်းမြစ်များ

Yʉanes 14:15

«ǃBɨn si kpɛl me nɛʼɛ, bɨn nteme, bé ódu mɨtiila me lé etiile bɨn ɨ.

Yʉanes 15:10

ǃBɨn si du mɨtiila me lé etiile bɨn nɛʼɛ, bɨn bé óbe ó bʉr me lé ekpɛl ɨ, ebe, mɨ du mɨtiila Sɔŋ wam a tiile me e. Me egʉa nteme ó, nye ekpɛl me.

1 Yʉanes 5:3

Mpʉ mʉr lé ejala le elɛʼle Zyɛm kpɛl ó yi: é zi edu motie me. Motie me, mé abul kɔbla lé edu,

Lʉkas 6:46

«Ebe yé bɨn lé ejebe me ó: “Da ɔɔ, Da ɛɛ!”, bɨn yɛɛ l'akpɛl sa mpʉ me lé elɛɛ bɨn ɨ?

Yʉanes 15:14

ǃBɨn si du motie me lé etiile bɨn nɛʼɛ, kʉ gʉa ó, bɨn bé óbe ó ofo bam.

1 Yʉanes 4:13

Bɨna bé egʉa ga ó, bɨna bé etiʼe ga é zyɛŋa wina boo Zyɛm, nyɛɛ é zyɛŋa ga wina. Bɨna bé egʉa no ó, ebe, nye a si ntɨh bɨna ga Sisim we.

Ebrœ̂ 5:9

Pie mɨtuu myaa ó nye a be, nye mu si kumo é l'ombɨmbɨa é mɨpaʼ mimyɛh ɛ. No ó nye a ze fuʼla Etin e tiʼ é l'efu e bʉr bɨbɛh bé ósa nye mojoʼo e.

1 Yʉanes 3:19

Bɨna bé egʉa ga ó, bɨna bé ó baa mo Mʉr ndɨ e l'ocyecye ó, é mbi wi: bɨna bé efil ga mɨleme ga mina si é mih mo Zyɛm

Yʉanes 17:3

Tiʼ molu mo mpoʼ mɨmɛh, yé ó, bé gʉŋa go, ó go ó ndɨ mpaŋ Zyɛm ndɨ ngwar e ngwar ɨ. Bé gʉŋa nteme Yesʉs, mɛm, mʉr go a lœm mulo, waa go a ntɨh kaʼ ɛ.

1 Yʉanes 5:19

Bɨna bé egʉa ga ó, bɨna ga bé ó, bwan mo Zyɛm. Bʉr o si nwaʼ nyiwɛh bɛɛ, bé ejaʼra ó e mpel mo Bɨbla-mʉr.

1 Yʉanes 3:14

Bɨna bé egʉa ga ó, bɨna bé a pàh, ntɔʼ bi tiʼ molu mo mpoʼ mɨmɛh ó, ebe kpɛl bɨna lé ekpɛl ga obuʼla ɛ. Mʉr ndɨ akpɛl bʉr ɨ, nye dina ó ndwè.

2 Korɛnt 4:6

Ebe, Zyɛm a lɛɛ ó: «Myɛn, wé pana, duho é l'edurʉ tʉŋlʉ.» Waa a lwib no e, a sa nteme ó, myɛn pana é mɨleme ga mina tʉŋlʉ. Myɛn waa ó lé esa ó, bɨna beŋɨ ga moncɛnba mo Zyɛm lé ebee Krɨst nye mʉr tɨ.

Mɨngwiha 22:14

Mocyɛʼ mo mpom, mé e bʉr o ndɨ esohlo mɨkan myɔɔ mpuban ɨ. Bé ó ndɨ e nkul eni é nkana yaa. Bé nteme, bé óbe e nkul emwaʼ mpumo lé ecyèl é lɨ tiʼ ɨ, de.

1 Yʉanes 2:13

Osɔŋ ee! Me etile bɨn ó, ebe, bɨn bé egʉa mʉr a bɛa be, duho é l'etɔɔrʉ ɨ. Mɨsoho ee! Me etile bɨn ó, ebe, bɨn bɨ ntaa Bɨbla-mʉr é nkul dɔm. Bwan bam aa! Me etile bɨn ó, ebe, bɨn bɨ gʉa Zyɛm Sɔŋ.

1 Yʉanes 3:6

Mʉr nyiwɛh ndɨ é zyɛŋa wɔɔ boo Zyɛm ɨ, nye abe e nkul eto dolo lé esa mɨsyem. Waa nyiwɛh lé eto dolo lé esa mɨsyem ɨ, nye apa bee nye, nkʉ gʉa nye.

1 Yʉanes 4:7

Obɨɔ o kpɛl bam aa! Bɨna kpɛla ga paʼra ga wina, ebe, kpɛl, yé eduho ó boo Zyɛm. Mʉr nyiwɛh ndɨ e kpɛl ɨ, nye ó ndɨ mbyɛla é zi nkul mo Zyɛm. Nye nteme, nyi gʉa Zyɛm.

1 Yʉanes 5:2

Gumo bɨna lé egʉa ga ó, bɨna bɨ kpɛl ga bwan mo Zyɛm ɨ, yé ó: é jɔʼ bɨna lé ekpɛl ga Zyɛm, le edu motie me e.

Mɨngwiha 12:17

Jɔʼ myɔɔ, wé a bee no e, wé ntɔʼ kpaa empime e mʉma waa é buobuo. No ó, wé ntɔʼ bula, to lʉo dɔm e bwan mo mʉma waa. Bwan be baa ó ndɨ edu motie mo Zyɛm, le eboʼlo é lɔb mo Yesʉs.

Mɨngwiha 14:12

Wâʼ é gumo yi, yé elɛʼle ó, yé ejala é nko paʼ mɨsaŋ mɨ bʉr ó, myé diʼe e bihbe, du motie me, le ejyɛʼ taa buʼo yɔɔ boo Yesʉs.