1 Yʉanes 2:2 - Kálara Zyɛ̌m Edwán é mpʉ̌n

² Ebe, Yesʉs-Krɨst, nye ó mʉr a dwè, jala e mɨsyem ga mina, efie le laa, lé ó ngo leʼe empime mo Zyɛm. Abe njɨ mɨsyem ga mina, myé ome. Nye a dwè ó, jala e bʉr o si nwaʼ nyiwɛh!

Kálar Nzyɛ̌m : Ejwán é Sáá

² Ebě, Yésʉs-Krîst, nye ó mʉr á búra e misyóm gá míná lɨ́ esú lé éleʼě Nzyɛ̌m ɨ́ nkpaa nyé nyá. Abě njɨ myaá gá míná, myé omér. Nye á dwe twiʼ ó, lɨ́ esú é bʉ̂r ó sí yɨ́yɛ̂h.

1 Yʉanes 2:2 ပူးပေါင်းရင်းမြစ်များ

1 Yʉanes 4:14

Bɨna bɨ bee ga sa bɨna lé eto le eboʼlo ga ɛ. Mboʼla ga wina, wé ó wi: Zyɛm Sɔŋ a ntɨh Mwan we ó, nye beʼ Tiʼbʉr é l'efu e si nwaʼ nyiwɛh.

1 Pyɛr 3:18

Ebe, Krɨst nye mʉr tɨʼ a si dwè jɔʼ gwar é bɨjɔʼ bibyɛh, é lɔb mɨsyem min. Cɨcyel mʉr waa a bana jala ó e l'ozyɛhozyɛh o bʉr, lé esaa ó, nye pyala e bɨna ga é mih mo Zyɛm. Nye a si jʉŋɔ é nko paʼ nyʉl we, nye ze tiʼe pie tɨʼ ebe nkul mo Mbɨambɨa Sisim.

1 Yʉanes 4:10

Mpaŋ kpɛl, yé abe yaa bɨna lé elɛʼle ga Zyɛm ɨ. Mpaŋ kpɛl, yé ó yaa Zyɛm nyɛɛ a lɛʼle bɨna ga ɛ, ebe, nye a si ntɨh bɨna ga Mwan we. Nye ó mʉr a dwè, jala e mɨsyem ga mina, lé eleʼe empime mo Zyɛm ɨ.

Yʉanes 1:29

É mɛn tɨ, Yʉanes ka bee ó, Yesʉs lé eze boo nye! Yʉanes ze lɛɛ ó: «Mbe ga: Ma Ntœme mo Zyɛm lé edwih mɨsyem mɨ bʉr bɨbɛh nwa ɛɛ!

1 Pyɛr 2:24

Krɨst nye mʉr tɨʼ a si nkɛɛ mɨsyem ga mina é nyʉl we, ntɔʼ dwè é klos. Nye a sa no ó, bɨna dwèʼ ga é nko paʼ mo Syem, bɨna nkʉʼ kœʼ ga ebò e cyen ndɨ cɨcyel ɨ. Bɨna bé a be ga ó mɨsyoblʉ. Bɨna ntɔʼ ka tiʼe ga ebe mopɨɨ me,

Yʉanes 4:42

Bé e mʉma nɨ ó: «Banana, bɨh bé aka buʼla njɨ ebe lɔɔ go. Bɨh bʉr o tɨʼ, bɨ joʼo lwib ye, le ekʉ gʉa ó, é si nwaʼ nyiwɛh, nye ó ndɨ Tiʼbʉr é l'efu e si nwaʼ nyiwɛh.»

1 Yʉanes 1:7

Yé be ó, bɨna bé ekœʼ ga mbɨambɨa ebò e cyen é myɛn tʉŋlʉ, du mpʉ Zyɛm nye mʉr tɨʼ ndɨ é myɛn nɛʼɛ, lɛɛ ó, bɨna bé óbe ga é mpaŋ zyɛŋa-mɨleme é jɔʼ yaa. Motié mo Mwan we Yesʉs, mé ópubo bɨna ga, pɛʼ mɨsyem mimyɛh.

Yʉanes 12:32

No ó, é wam paʼ, é jɔʼ me ópɛʼɔ é si nwa, bɨnɔ kʉ ɨ, me ódulo bʉr bɨbɛh nko me óbe e.»

1 Yʉanes 5:19

Bɨna bé egʉa ga ó, bɨna ga bé ó, bwan mo Zyɛm. Bʉr o si nwaʼ nyiwɛh bɛɛ, bé ejaʼra ó e mpel mo Bɨbla-mʉr.

Ebrœ̂ 2:17

Ebe, yé a jala ó, nye diʼe kʉ be mpʉ jyɛɛ ye é mɨpaʼ mimyɛh. Nye a nwɨɨla e bɨna ga é l'efu ó, nye nkʉʼ lɛʼle bɨna ga ncwɨncwɨa, le edi njwɨɨ opara ndɨ mʉr ebuʼla ɛ. Nye ó lé ejala le esea é mɨlɔb mimyɛh ndɨ edwɛʼ Zyɛm ɨ. Nye ó mʉr a dwè, jala e mɨsyem ga mina ɛ. Efie le, lé ó b'a leʼe empime mo Zyɛm.

1 Yʉanes 3:5

Bɨn bé egʉa: Yesʉs-Krɨst a ze é si nwaʼ ó, nye nkʉʼ ze pɛʼ mɨsyem tɨ. Bɨn bé egʉa nteme ó, abe e guu syem ndɨ é nye.

Lʉkas 14:22

Pie tɨ, syɛl mosa wé ntɔʼ bâʼle lɛɛ e nye ó: “Da, mɨ sa mpʉ go lɛɛ ó, me saʼ ɛ. Sa gwar, byʉʉ bɨdia, byé dina ó otɨtoʼo.”