1 Yʉanes 1:8 - Kálara Zyɛ̌m Edwán é mpʉ̌n

⁸ Yé be ó, bɨna bé elɛɛ ga ó, bɨna bé abe lé esa ga mɨsyem nɛʼɛ, lɛɛ ó, bɨna bɨ sa ga bɨgwìh. Ocyecye, wé abe é bɨna ga tʉŋlʉ.

Kálar Nzyɛ̌m : Ejwán é Sáá

⁸ Mɨ́ná lɛ́ɛ́ gá ó, mɨná bé asâ gá misyóm nó, lɛ́ɛ́, mɨná dímlé gá ó, mɨná bʉr o tɨ̂. Otyeetye, wé abe ɨ́ mɨná gâ.

1 Yʉanes 1:8 ပူးပေါင်းရင်းမြစ်များ

Rôm 3:23

Bɨbɛh bé a be ó si sa syem. Kum mo Zyɛm mu ó si cɛra e be.

Jacques 3:2

Bɨna ga bɨbɛh, bé esa ga mobebe, mɨmbi mimyɛh. Mʉr ndɨ abe lé esa ebebe é jɔʼ nye lé elwib ɨ, nyi kumo é l'ombɨmbɨa é mɨpaʼ mimyɛh. Nye ó e nkul ebaʼle nyʉl we, nye l'aka sa tʉa e syɛɛla ebebe.

1 Yʉanes 2:4

Mʉr lé elɛɛ ó: «Me egʉa Zyɛm,» nyɛɛ yɛɛ adu motie me e, nye ó ndɨ mpʉmpʉl. Ocyecye, wé abe é nye.

1 Yʉanes 1:10

Yé be ó, bɨna bé ekɛla ga ó, bɨna bé asa ga syem nɛʼɛ, lɛɛ ó, bɨna bɨ lɛɛ ga ó, Zyɛm ó ndɨ mpʉmpʉl. Lwib ye, yé abe e ja é mɨleme ga mina.

Galásia 6:3

Ebe, yé be ó, nuu mʉr, nye enʉa nye mʉr tɨʼ mpʉ mʉr nɨnɨ, nye l'abe nye nɛʼɛ, lɛɛ ó, mʉr waa, nyi gʉmla é bebebebe zi, ntɔʼ dim.

Jacques 1:26

ǃƗ mʉr si kʉ lɛɛ ó, nye ó é l'esama e bʉr o ndɨ egʉa du mɨlɔb mo Zyɛm nɛʼɛ, nye mɛrɨ nʉm we lé elwib sa ebebe. ǃNye baamɛr nʉm we no nɛʼɛ, nye egomlo nye mʉr tɨʼ é bebebebe zi. Buʼo mo mʉr waa, yé ó mbɛh e mbɛh.

1 Timotɛ 6:5

Esyɛb laa ó ndɨ esa ó, bʉr saʼ zyee lé esa mosono paʼra wɔɔ. Bé esa-sa no ó, bé e bʉʉ bʉr o ndɨ e bɨbol mɨpɛhla, baa b'a dɛʼɔ ocyecye e. Bé eniŋe ó, bé óbi-bi bɨmɔn é jɔʼ bʉr, bé ópaʼle be é mpʉ bé lé egʉa dwaabe Zyɛm ɨ.

1 Korɛnt 3:18

Daʼ kʉa ga bɨn bʉr o tɨ. ǃƗ mʉr esama lɨn si láa ó, nye ó cɨcyoo é nko paʼ bɨsa bɨ mbi jɔʼ yiʼ nɛʼɛ, nye taara di mpʉ gʉ. Nye òka bi mpaŋ ocyoo,

2 Yʉanes 1:2

Me etile bɨn é l'efu ó, bɨna nkʉʼ di ga e l'ocyecye. Wé ódi é bɨna ga é jɔʼ yiyɛh.

1 Yʉanes 1:6

Yé be ó, bɨna bé elɛɛ ga ó, bɨna bé ó é zyɛŋa ga wina boo nɔɔ, bɨna yɛɛ lé entime ga nɛʼɛ, lɛɛ ó, bɨna bɨ lɛɛ ga mpʉl. Bɨna bé asa ga bɨsyɛɛla lé edu ocyecye e.

Jacques 1:22

Mokan Zyɛm lé elɛɛ bɨna ga ɛ, bɨn bé à du me. Ajoʼo ga njɨ e mogwal. ǃBɨn si joʼo njɨ e mogwal nɛʼɛ, lɛɛ ó, bɨn bé ekʉa ó bɨn bʉr o tɨ.

2 Timotɛ 3:13

Bɨbɨbla bɨ bʉr, ndwe e baanya-bɨkʉʉŋʉ bɛɛ, bé óto le elɨŋa é buʼo ó, to-to ó toʼ. Bé óto dolo lé egomlo bʉr é bebebebe zi. Bʉʉ bʉr, bé óto gomlo be é mɔɔ mozi mo ebebe.

3 Yʉanes 1:3

Me a si laŋle joʼo mombɨa é jɔʼ obuʼla bé a pyal ɨ. Bé a boʼlo é lʉ go ó, go ekʉ gʉa baʼle ocyecye, le ekœʼ nteme mpaŋ ebò e cyen.

2 Pyɛr 2:13

Bé óbi myɛna mo bɨsyɛɛla bɨ ebebe byɔɔ. Bé emɨɨla-mɨɨla ó, lé elɔʼba lé ebwalɔ mozɔɔ teme moho. É jɔʼ bɨn e boo nɔɔ, bé epuhba mobo e, nkʉ bɨn bé ó mpʉ nyʉl ngwar, bɛɛ ó ndɨ mobar mo nyʉl waa! Bé esahle lé ede, lé ekʉ ka du ó njɨ bɨgwɨma byɔɔ,

Yʉanes 8:44

Sɔŋ win, nye ó Njwɨɨ moleme! Ebe no ó bɨn lé ebul kpɛl sa njɨ gwɨma mo sɔŋ win ɨ. Nye a bɛa be ó njʉl bʉr, duho é l'etɔɔrʉ. Nye abe e nkul elɛɛ ocyecye lʉʉ dobo, ebe, ocyecye, wé abe é nye tʉŋlʉ. É jɔʼ nye lé elɛɛ mɨlɔɔ ɛ, nye elɛɛ ó, sa ye anta nye, ebe, nye ó mpʉmpʉl. Nye nteme, nye ó sɔŋ mɨmpʉmpʉl.

Rôm 3:10

Yé ó mpʉ yé ndɨ tila é Kalara Zyɛm ɨ. Yé ó tila ó: «Abe e mʉr ndɨ cɨcyel. Abe e mʉr ngwar.

1 Yʉanes 4:20

Yé be ó, mʉr, nye elɛɛ ó: «Me ekpɛl Zyɛm,» nyɛɛ yɛɛ lé enwim mɨɔ we nɛʼɛ, lɛɛ ó, nye ó kʉ be mpʉmpʉl, ebe, mʉr ndɨ akpɛl mɨɔ we, mʉr nye lé ebee e, nye abe e nkul ekpɛl Zyɛm, waa nye ndɨ abee e.