1 Yʉanes 1:3 - Kálara Zyɛ̌m Edwán é mpʉ̌n

³ Sa bɨh bé a bee e mih mɨh, joʼo e mogwal mɨh ɨ, yé ó bɨh lé etuno bɨn nteme, é mbi ndɨ ó, bɨna nkʉʼ di ga é zyɛŋa-mɨleme. Zyɛŋa bɨna bé ósyɛŋa ga ɛ, nye óbe ó é zyɛŋa ga wina boo Zyɛm Sɔŋ bé e Mwan we Yesʉs-Krɨst.

Kálar Nzyɛ̌m : Ejwán é Sáá

³ Sá bɨ́h á bee e míh mɨ́h, jóʼo e megwǎl mɨ́h yɨ́, yé ó bɨ́h dí etúno bɨ́n ntémé yɨ́, mbi dí ó, mɨná nkʉ̂ di gá ɨ́ mpúhlá, mɨná gá óbɛ̂h. Mpúhlá mɨ́ná ngá pûhla gá nyɨ́, óbe ó e Nzyɛ̌m Sɔ́ŋ, bé e Mwân wé, Yésʉs-Krîst.

1 Yʉanes 1:3 ပူးပေါင်းရင်းမြစ်များ

1 Korɛnt 1:9

Zyɛm, nye ó mʉr ebuʼla. Nye ó b'a jebe bɨn ó, bɨn diʼe é zyɛŋa win boo Mwan we, Tî ga wina Yesʉs-Krɨst.

Yʉanes 17:3

Tiʼ molu mo mpoʼ mɨmɛh, yé ó, bé gʉŋa go, ó go ó ndɨ mpaŋ Zyɛm ndɨ ngwar e ngwar ɨ. Bé gʉŋa nteme Yesʉs, mɛm, mʉr go a lœm mulo, waa go a ntɨh kaʼ ɛ.

Mɨlʉmlʉ 4:20

É paʼ wih, yé abe e sa ndɨ e nkul esa ó, bɨh kara elɛɛ sa bɨh bé a bee le ejoʼo e.»

Yʉanes 17:21

Da, me ejwɨʼla e go ó, bɨbɛh, bé diʼe sa gwar. Bé diʼe é zyɛŋa wina, mpʉ go ndɨ ɨ me, mɛm ɨ go e. No ó bʉr bɨbɛh, bé óka buʼla ó, go ó b'a lomo me e.

Filipi 2:1

Yé be ó, bɨn bɨ gbaŋɔ nkul é monyʉl, duho é zyɛŋa win boo Yesʉs-Krɨst nɛʼɛ, yé be ó, kpɛl ye, yi lɨl bɨn wa, yé be ó, bɨn mu ó é zyɛŋa win boo Mbɨambɨa Sisim cyecye wa, yé be ó, bɨn bé ó e njwɨʼa-nkoo paʼra win wa,

1 Yʉanes 1:7

Yé be ó, bɨna bé ekœʼ ga mbɨambɨa ebò e cyen é myɛn tʉŋlʉ, du mpʉ Zyɛm nye mʉr tɨʼ ndɨ é myɛn nɛʼɛ, lɛɛ ó, bɨna bé óbe ga é mpaŋ zyɛŋa-mɨleme é jɔʼ yaa. Motié mo Mwan we Yesʉs, mé ópubo bɨna ga, pɛʼ mɨsyem mimyɛh.

1 Yʉanes 1:1

Lɔɔ bɨh lé elɛɛ bɨn ɨ, wé etiibe ó, e Lwib, waa mu lé edwe bɨn tiʼ molu mo mpoʼ mɨmɛh ɛ. Nye a bɛa ó be, duho é l'etɔɔrʉ. Bɨh bé a si joʼo twii we, bee nteme nye e mih mɨh. Nye ó mʉr bɨh bé a siŋle, waa mobo mɨh, mé a bobo e

Ebrœ̂ 3:14

Sa ndɨ tɨʼ ɨ, yé ó: ǃbɨna bé ódi ga e buʼo efoʼ, apɨŋla é buʼo, to pyal é l'efie nɛʼɛ, bɨna bé ódi ga bʉr o ndɨ e nkɔb é Krɨst ɨ.

Filipi 3:10

Sa me lé egwɨm ɨ, yé ó, me gʉŋa Krɨst é kpɛhla. Me egwɨm nteme ó, Zyɛm sea é me, mpʉ nye a sea e nkul é jɔʼ nye a pɛ̀h Yesʉs-Krɨst é foo e. Me biʼe mɨtuu mɨmpwar Krɨst a bi ɨ, efie lam nkʉʼ nwɨɨla nteme e laa le.

1 Pyɛr 5:1

Ebe no, mɛm, Pyɛr, me ejwɨʼla e bɨn, ocyɛb be efoʼ o Mbɛr-Zyɛm bɨbɛh, mɛm mʉr ndɨ nteme cyɛb efoʼ e, bâʼle be nteme mboʼla a bee é jɔʼ Krɨst a sia e mɨtuu ɨ. Me nteme, me ó mboʼla óbi nkɔb é moncɛnba muno ze nyin é kpɛŋlɛm ɨ.

Ebrœ̂ 3:1

Ebe no, obɨɔ ga bam, mɨsaŋ mɨ bʉr mo Zyɛm, baa mu si jebɔ, njɨblɨ wɔɔ lé eduho é jobo kʉ ɨ, toŋla ga mpʉ Yesʉs ndɨ ɨ: nye ó mwa mɨlʉmlʉ mo Zyɛm, ndwe e njwɨɨ opara ga wina, waa bɨna ndɨ ekʉ mɛʼle ga ɛ.

Kolosi 1:13

Zyɛm, nyi syɛb bɨna ga e boo nɔɔ é mpel mo Satan, ntɛŋ bɨna ga é jwɨ̀ʼa mo Mwan kpɛl we.

Mɨlʉmlʉ 20:27

ebe, me a baaliʼa lé egwih bɨn sa yiyɛh Zyɛm a tiʼe é leme we e.

1 Yʉanes 1:5

Mpaŋla Yesʉs-Krɨst a cen bɨh ó nwa. Nye ó sa bɨh lé eboʼlo bɨn ɨ. Nye ó: Zyɛm ó ndɨ myɛn. Edurʉ, lé abe ba é nye, abe ba titia.

Ebrœ̂ 2:12

É yʉʉ jɔʼ, nye a lɛɛ, cwɨɨ é zi ogwiha o mɨlɔb ó: «Me elɛʼle obɨɔ bam e l'okɛl bam die lo. Me ócyɛb teme bʉr go a syɛŋ ɨ, me ódwiibɨ go é zi bɨjɛɛ.»

1 Timotɛ 6:2

No ó, molʉa ndɨ egumo e l'obuʼla ɛ, bé ajala le epyeh omasa bɔɔ ebe mboʼla bé lé ekʉ boʼlo ó, bé ó obuʼla ɛ. Mʉr, nye ejala le esea syɛɛ elʉa ye mbɨmbɨa. Nye toŋla ó: «Mʉr lé edira nyɔm e syɛɛ yam ɨ, nye ó ndɨ mbuʼla me lé ebul kpɛl ɨ.» Bɨsa biʼ ó go lé ejala le eyeʼle ndwe le etɨe bʉr ɨ.

Filipi 1:7

Yé ejala nteme ó, me pahla lɔb win é mbi waa, ebe, me ecwɨa e bɨn é buobuo. Zyɛm a si cwɨa e bɨna ga bɨbɛh jwɨʼ gwar. Me dam be é mbɛr mɨmbʉʼ tʉŋlʉ mpʉ me mu ɨ, me dam be é dia otî lé eboʼlo Mbɨambɨa Lɔɔ ndɨ eduho boo Zyɛm ɨ, mocyɛʼ mo mpom mo Zyɛm, mé eswɨɨ é bɨna ga é mbi ngwar.

Éfɛsɔs 3:6

Lwib odim yaa ó yi: Mbɨambɨa Lɔɔ bɨna lé etuno ga ɛ, wé esa ó, bɨn, bʉr o ndɨ abe oYʉden ɨ, biʼe nteme mopoʼ boo Zyɛm, jala e nkɔb win, jwɨʼ gwar e gwar mpʉ oYʉden, bé óbi me e. Bɨn e boo nɔɔ mu ó bɨfum bɨ nyʉl ngwar. Bɨn e boo nɔɔ nteme mu ó bʉr bé óliʼ lé ebee mpʉ Zyɛm ósil dira monkɛʼ me e. Nye ódira monkɛʼ maa ó, é zi Yesʉs-Krɨst, duho é Mbɨambɨa Lɔɔ bɨna lé etuno ga ɛ.

1 Korɛnt 1:30

Bɨn bé ó é zyɛŋa win boo Yesʉs-Krɨst ó, dumo e Zyɛm. Nye ó b'a sa nteme ó, bɨn biʼe ocyoo mo Yesʉs. Bɨn mu ó ocɨcyel o bʉr é mih me, dumo e Krɨst. Krɨst nteme ó b'a pubo bɨna ga. Nye ó b'a dwih bɨna ga é mpila ebebe é pololo.

1 Tesalonika 1:10

Bé elɛɛ-lɛɛ nteme ó, bɨn mu ó lé ebono Mwan mo Zyɛm óduho é lal mo Zyɛm, waa nye a pɛ̀h é foo e. No, yé ó Yesʉs, waa ndɨ esyɛb bɨna ga é mɨtuu mɨ epihe é jɔʼ Zyɛm ókpaa empime e bʉʉ bʉr ɨ.

1 Korɛnt 15:1

Obɨɔ ga bam aa! Me mu ó lé eze jɨm bɨtoŋla bin é nko paʼ Mbɨambɨa Lɔɔ me a tuno bɨn, waa bɨn bé a joʼo e. Wé nteme, wé ó waa ndɨ bɨn cɨma é mɨleme e.

Rôm 15:27

Bé bʉr o tɨ, bé a si joʼo bɨsʉhʉ lé esa no. Syɛɛla yaa, yé óbe nteme ó, mpʉ mpɔla bé a ka mɛʼle le ejɛna ɛ. OYʉden onɨ ó b'a taare gul bʉr o ndɨ abe oYʉden ɨ, é l'efu ó, bé sʉŋɔ mocyɛʼ mo mpom mo Zyɛm. No ó, banana, yé ejala ó, bʉr o ndɨ abe oYʉden baa ɛ, bé fuʼa be, lé edwe be bɨsa mu lé esa be sɔɔlʉ ɨ.

Mɨlʉmlʉ 13:41

“Bʉr o mpyoo ba! Beŋɨ ga! Jeha ga! Dimɨ ga cyecye! Me ósa yʉʉ syɛɛla é mya win wi, sa bɨn bé óbee e mih mɨn ɨ. Sa gwar, yé óbe ó syɛɛla bɨn bé óbe, abe e nkul ebuʼla ɛ, dam be ó, bé etaŋle bɨn ya.”»

Mɨlʉmlʉ 13:32

Bɨh bʉr o tɨʼ mu ó lé elɛɛ bɨn Mbɨambɨa Lɔɔ. Wé ó nɛɛ: sa Zyɛm a kɛʼ bɨmpam ga bina ɛ,

Mɨlʉmlʉ 2:42

Bé a be ó lé ekʉ gba monyʉl é jɔʼ yiyɛh lé eto joʼlo sikʉlʉ mɨlʉmlʉ myé a dwe-dwe be e. Bé a di-di nteme ó, é zyɛŋa-mɨleme tʉŋlʉ, le ede-de nteme gumo gwar, le ejwɨʼla-jwɨʼla e Zyɛm.

Yʉanes 17:25

Sɔŋ Ocɨcyel, bʉr o ndɨ egumo e si nwaʼ ɛ, bé agʉa go. Me ome ó lé egʉa go. Bʉr ba, bé mu si gʉa mbɨmbɨa ó, go ó b'a lomo me.

Yʉanes 17:11

«Me aka be kaʼ é si nwa. Bɛɛ ó dina é nye. Me mu ó lé eze nko go ndɨ ɨ. Sɔŋ wam, go ó ndɨ ti. Baʼla bʉr baa é nkul die lo go a dwe me e. Saʼ ó, bé diʼe sa gwar mpʉ bɨna e go ndɨ sa gwar ɨ.

Yʉanes 19:35

(Mʉr lé eboʼlo bɨsyɛɛla bɨnɨ ɨ, nye ó ndɨ mʉr a sil bye lé ekʉ bee e. Sa nye lé eboʼlo e, yé ó bana kʉ be cyecye. Nye nteme, nye egʉa ó, nye elɛɛ ó ocyecye, ó bɨn buʼla.)

2 Pyɛr 1:16

Bɨh ó b'a sa ó, bɨn gʉŋa mpʉ Tî ga wina Yesʉs-Krɨst a nyin e buobuo nkul ɨ. Yé a baabe ebe pɨʼ bɨh bé a nʉa, duho é bɨkɨkɛna bɨ mpʉl ɨ. Sa yé a sa ó, bɨh lɛʼla bɨn no e, yé a be ó bɨh bé a si bee mpwaʼ we e mih mɨh.