1 Timotɛ 6:3 - Kálara Zyɛ̌m Edwán é mpʉ̌n

³ Tî ga wina Yesʉs-Krɨst a si kʉ dwe bɨna ga mpaŋ sikʉlʉ lé eyeʼle bɨna ga mpʉ mʉr jala le edwaabe Zyɛm ɨ. Yé be ó, mʉr fih mʉr kɛ̀l, nye amɛʼle sikʉlʉ nɨ, nkʉ du ye, bula to dwe bʉr bɨsikʉlʉ bɨfih nɛʼɛ, lɛɛ ó, nye mu ó lé enkɛɛ nyʉl.

Kálar Nzyɛ̌m : Ejwán é Sáá

³ Tî gá wɨ́ná Yésʉs-Krîst á si kʉ líʼe mɨná gá e lɛ́ʼlá mpâ mɨ́ná dí edû wɨ́, bé le olɛ̂ʼla dí edwáawǒ Nzyɛ̌m bá. Mʉ̂r bé akam mílɛ́ʼlá mínɨ̌, kǎ tó dwe yɨ́ɛ milɛ́ʼlá míswîh nó, lɛ́ɛ́, nyɨ́haá nkɛ́ɛ́ ó nyʉ̂l.

1 Timotɛ 6:3 ပူးပေါင်းရင်းမြစ်များ

1 Timotɛ 1:3

Diʼe Efɛɛz, mpʉ me a tɨe go é jɔʼ me a be, me mu kunokuno le eto Masedwan ɨ. Cyelɨ bʉr o mbɛr Zyɛm win mpene ó, bé l'anyamle bâʼle dwe guu mbi sikʉlʉ fih.

1 Timotɛ 1:10

osyɛl o bɨmala ndwe e mɨfyɛba, bʉrʉm ndɨ etɛbla paʼra wɔɔ ɛ, bʉr o ndɨ ecen bʉʉ bʉr é l'okomo e, mɨmpʉmpʉl ndwe e baa lé ebuʼo bʉʉ bʉr mɨlɔb ɨ. Zyɛm a tiile mʉʉ motie nteme ó, lé ekamle bʉr lé esa bɨsyɛɛla bibyɛh ndɨ ajala e mpaŋ sikʉlʉ bɨna lé ejwɨʼ ga ɛ.

Títos 1:9

Yé ejala ó, nye mɛrɨ sikʉlʉ bé a taare dwe nye e, é kpɨɨɨa. Lɔɔ waa, wé ó lɔɔ ebuʼla. No ó nye óbe e nkul egʉa dwe bʉʉ bʉr mpaŋ sikʉlʉ bɨna lé ejwɨʼ ga ɛ. Bʉr o ndɨ etɨ mɨlɛa ga mina ɛ, nye óbula dwe be mobe.

2 Timotɛ 4:3

Ebe, jɔʼ, yé eze, é jɔʼ bʉr, bé ópyeh mpaŋ sikʉlʉ bɨna lé ejwɨʼ ga ɛ. Bé ókʉ joʼo-joʼo ó, njɨ bɨsikʉlʉ lé etine be ó, bé toʼ le edu bɨgwɨma bɨ nyʉl bɨpuno wɔɔ. Bé ósyɛŋ esama le oyeʼle, lé ódɨ dwe be njɨ bɨsikʉlʉ byaa ɛ, bé nkʉʼ gʉa soho lé ejoʼo mye.

Rôm 16:17

No ó, obɨɔ ga bam, me ejwɨʼla e bɨn ó nɛɛ: bɨn bé à di ncye é nko paʼ bʉr o b'a tɨ mɨlɛa mih é jɔʼ bɨh bé a dwe bɨn sikʉlʉ ɨ. Bé esa mpɔʼa monkɔm lé ekol obɨɔ bɔɔ ebɔʼ bé óbɨm é mɨleme e. Cɛra ga e be!

Títos 1:1

Mɛm Pol, syɛl mosa mo Zyɛm, ndwe e lʉmlʉ mo Yesʉs-Krɨst ó lé etile go kalara nwa. Me esea syɛɛ yaa é l'efu e bʉr o Zyɛm a pɛh ɛ, ó me gbaʼ be nkul é monyʉl, ó bé jyɛʼɛ taa buʼo yɔɔ boo Zyɛm. Me elɛʼle be ocyecye ndɨ esa ó, mʉr dwaaba Zyɛm ɨ.

2 Timotɛ 1:13

Gʉa baʼle mpaŋ sikʉlʉ go a joʼo me lé edwe e. Yé diʼe go dweʼle, sa go óto le entɛŋ bʉʉ bʉr ɨ. Dɨʼe yeʼle é mbi waa, e buʼo, ndwe e kpɛl, mpʉ bɨna lé ebi ga bye é zyɛŋa wina boo Yesʉs-Krɨst ɨ.

1 Timotɛ 1:6

Yé e bʉʉ bʉr o b'a sa ebebe é lɔb bɨsa byaa ɛ, ntɔʼ gʉmla é byʉʉ bɨbebebebe mozi lé ejoʼlo baambɛhambɛha o bɨlɛba.

1 Tesalonika 4:8

No ó, baa lé elɨha motɨɨ maʼ ɛ, bé apyeh mʉr. Bé pyeh ó Zyɛm, waa lé entɨh bɨna ga Sisim we e.

Mataos 28:20

Bɨn bé à yeʼle be ó, bé duʼo motie mɨmɛh me a tiile bɨn ɨ. Mbe ga: me ódi é bɨn molu mɨmɛh, to pyal é l'esie e mbi jɔʼ yi.»

Títos 3:8

Lɔɔ nɨ, wé ó lɔɔ ebuʼla. Me ekpɛl ó, go boʼla e bʉr ó, wé ó tɨʼ cyecye. Yé ó ngo sa ó, bʉr o b'a jyɛʼ taa buʼo yɔɔ boo Zyɛm ɨ, bé dɨʼe sa mɨmpaŋ bɨsyɛɛla ɛ. Bɨsyɛɛla byaa, byé e nyɔm é nko paʼ bʉr bɨbɛh.

Mataos 22:21

Bé e nye ó: «Yé ó byaa mo Kɛɛza!» Nye e be ó: «Ebe no, dweʼ ga Kɛɛza bɨsa mo Kɛɛza; bɨn bé à dwe Zyɛm byaa mo Zyɛm.»