1 Timotɛ 6:1 - Kálara Zyɛ̌m Edwán é mpʉ̌n

¹ Molʉa, mé ejala le enʉa omasa bɔɔ mpʉ bʉr bé lé ejala le edwaabe e. No ó bʉr nkʉʼ di, apyeh Zyɛm, nkʉ fœʼ bʉr o lé edu sikʉlʉ bɨna lé eyeʼle ga bʉr ɨ.

Kálar Nzyɛ̌m : Ejwán é Sáá

¹ Bʉr bɨ́bɛ̂h o dí bitúʼǎ bá, bé ɨ́ jala le eláa ójwɨ́ɨ́ bɔ́ɔ́ ó, bé ó ɨ́ sɔ́má bʉ̂r o jálá le edwáawɔɔ bá. Nó ó bʉ̂r ngá di, aswêʼ díé mé Nzyɛ̌m, nkʉ̂ lɛ́ʼlá mɨ́ná dí edwe bʉ̂r wɨ́ yɨ́.

1 Timotɛ 6:1 ပူးပေါင်းရင်းမြစ်များ

Títos 2:5

Mé gʉa pahle mɨlɔb. Mé diʼe é pememe. Mé sea é mɨmbɛr myɔɔ, lé ecwɨa e bʉr. Mé saʼ ojʉm bɔɔ mojoʼo. Ebe no ó bʉr, bé óbe, l'afœʼ lɔɔ Zyɛm ɨ.

Rôm 2:24

Yé ó mpʉ yé ndɨ tila é Kalara Zyɛm ɨ. Yé ó tila ó: «Bʉr o ndɨ abe oYʉden ɨ, bé epyeh die mo Zyɛm ó, ebe bɨn.»

1 Pyɛr 3:16

Saʼ ga no e njwɨr é tala tala, lé edwaabe bʉr o lé edî no e. Mɨpɛhla mɨleme min, myé diʼe njɨ myaa ndɨ é pyɛɛɛ ɛ. ǃƗ bʉr ka fœʼ bɨn, bɨn yɛɛ lé ekœʼ mbɨambɨa ebò e cyen é Krɨst nɛʼɛ, bé ófuʼla ka bil fwon ebe movoʼ bé a fœʼ bɨn ɨ.

1 Pyɛr 2:12

Kœʼœ ga mbɨambɨa ebò e cyen teme bʉr o ndɨ abuʼla ɛ. Bé dam fœʼ bɨn, bé óbana ka bee mɨmpaŋ bɨsyɛɛla bɨn lé esa-sa ɛ, ntɔʼ láa bɨn bɨbaa bɨ embɨa tɨʼ é dobo Zyɛm óbâʼle ze bee bɨna ga e boo nɔɔ ɛ.

Galásia 5:1

Krɨst a dwih bɨna ga é dia olʉa ó, bɨna diʼe ga é dia otî. Ebe no, cyɛba ga é nkʉʼʉ. Amɛʼle ga ó, nuu mʉr dwihɨ bɨn é dia otî, ntɔʼ dil bɨn é dia olʉa.

Mɨlʉmlʉ 15:10

A, ebe yé bɨn ka boblo Zyɛm é bananaʼ ɛ? Bɨn bé ejɨ gba ompʉn baa mbeʼ é dile dile é koo, abe ó, bɨmpam ga bina, nkʉ bɨna ga bʉr o tɨ, bé a si pa taare koʼo we lé enkɛɛ.

Mɨlʉmlʉ 10:22

Bé ntɔʼ bɨha ó: «Bɨh ze ó, é lʉmlʉ mo njwɨɨ nter bɨzima wih, die le Kɔrnɛl. Nye ó cɨcyel mʉr lé edwaabe Zyɛm ɨ. Nye é bul jwɨ̂ʼlɨ e bɨsyɛɛla bɨ ncwɨncwɨa nye lé elɛʼle oYʉden bɨbɛh ɛ. Nuu engles mo Zyɛm tɨe nye ó, nye baŋla go, go toʼ, to pyal nye ye, ó nye joʼla sa go ólɛɛ nye e.»

Mɨlʉmlʉ 10:7

É jɔʼ engles a laa ɛ, Kɔrnɛl ntɔʼ jebe bʉʉ osyɛl o mosa be, oba, ndwe e yʉʉ zima é l'esama e bɨzima byé a sea-sea e nye e. Zima yaa nteme, yé a be ó lé edwaabe Zyɛm.

Lʉkas 17:1

No ó Yesʉs a lɛɛ e l'ompʉn be ó: «Yé óbe é jɔʼ yiyɛh ó e mozi bʉr, bé ódɨ jyɛl tɨʼ, ó bé saʼ mɨsyem ɨ. Sa gwar, a vwaʼ e mʉr ógomlo bʉʉ bʉr é zi waa ɛ!

Mataos 11:30

ebe, jwɨ̀ʼa yam, yé anyan. Mbeʼ wam, wé adile.»

1 Timotɛ 5:14

Ebe no ó me lé etɨe mɨkuho mɨ bʉba dina mompɨh ó, myé toʼ é moba ɛ. Myé nkʉʼ bya bwan, le ebaʼle mɨmbɛr mɨ bʉr myɔɔ. Mʉr lé esa bɨna mongan ɨ, nye amu jaa kœb ó, mɨkuho myaa, myé edib nye zi ó, bʉr o dɔm bɨna, bé fœʼœ bɨna ga tɨ.

1 Korɛnt 10:32

Kœʼœ ga mpaŋ ebò e cyen é mbi ndɨ ó, bɨn l'ayi ka sa syɛɛla ndɨ ekol oYʉden ebɔʼ lé ódumo be e. Syɛhla ga nteme syɛɛla ndɨ ekol bʉr o bɨkul bɨfih ebɔʼ lé ódumo be e. Akol bʉr o Mbɛr-Zyɛm ebɔʼ lé ódumo be e.

Mataos 11:9

A, bɨn bé a to bee yé ɛ? Zê ngwiha mɨlɔb ɛ? Me elɛɛ bɨn cyecye ó nɛɛ: nye elaa ngwiha mɨlɔb,