1 Timotɛ 5:7 - Kálara Zyɛ̌m Edwán é mpʉ̌n

⁷ Lɛŋɨ be nteme ó, bé duʼo mɨlɔb mɨnɨ mimyɛh, é mbi ndɨ ó, bʉr, bé aŋa be e nkul etɛɛ be é yʉʉ sɔʼɔ.

Kálar Nzyɛ̌m : Ejwán é Sáá

⁷ Lɛ́yɨ́ɨ́ myé ntémé milɔ̌b mîʼ mímyɛ̂h. Myé díʼee bʉr o dí, abe e nkul edweŋɔɔ mébě bá.

1 Timotɛ 5:7 ပူးပေါင်းရင်းမြစ်များ

1 Timotɛ 4:11

Lɛŋɨ bʉr ó, bé duʼo mɨlɔb mɨnɨ. Go à dwe be sikʉlʉ tɨ.

Títos 2:15

No ó go lé ejala le elwib e bʉr, le etɨe be e. Dweʼ bʉr mobe e nkul mojwɨ̀ʼa go ndɨ e nye e. Mʉr beʼ l'apyeh go.

Títos 1:13

Mboʼla waa, wé ó kʉ be cyecye! No nteme ó me ndɨ elɛɛ e go ó, dweʼ be mobe. Bé óbɛm baʼle mpaŋ sikʉlʉ bɨna lé ejwɨʼ ga é lɔb buʼo ga yina ɛ.

2 Timotɛ 4:1

Me entɛŋ go mɨnkɛla é mih mo Zyɛm bé e Yesʉs-Krɨst waa óze tiʼe mɨkubla le odwè mɨlɔb ó, go lɛŋɨ Mbɨambɨa Lɔɔ. Nye óbula ze, ntɔʼ cyel jwɨ̀ʼa ye. Leme, wé diʼe go é ntɨɨɨŋ ó, go lɛɛ ó njɨ lɔɔ waa é bɨjɔʼ lé ejala ɛ, ndwe e byaa ndɨ ajala e we e. Láŋa bʉr bɨbaa é lɔb mobebe mɔɔ. Bâma e bʉr. Gbaʼ be nkul é monyʉl. Saʼ no e bihbe, ndwe e sikʉlʉ mpa.

1 Timotɛ 6:17

Cyelɨ obil o bɨsa é mbi jɔʼ yiʼ mpene ó, bé l'ankɛɛ monyʉl. Mɨleme myɔɔ, myé l'ayi loŋlo e mbɛla é lɔb okum e l'ogbaa, sa ndɨ elaa mpʉ ngul mpaa ɛ. Bé jyɛʼɛ taa buʼo yɔɔ njɨ boo Zyɛm, waa lé epa dwe bɨna ga bɨsa byaa é ntuʼ-ntu-ntuʼ, lé egba bɨna ga bɨsʉhʉ é mɨleme e.

1 Timotɛ 1:3

Diʼe Efɛɛz, mpʉ me a tɨe go é jɔʼ me a be, me mu kunokuno le eto Masedwan ɨ. Cyelɨ bʉr o mbɛr Zyɛm win mpene ó, bé l'anyamle bâʼle dwe guu mbi sikʉlʉ fih.

Filipi 2:15

Ebe no ó bɨn bé óbe e mɨleme é sɔɔɔ ɛ. Ebò e cyen lɨn, lé óbe ó, alɨŋa ba. Bɨn bé óbe ó bwan mo Zyɛm, abe e sa ebebe bé a ngbaa nwahle bɨn e tɨ. Bɨn bé óbul pan mpʉ baatwitwɛn ndɨ é jobo kʉ, teme ozyɛhozyɛh o bʉr o b'a lɨŋa, jyɛl ɨ diʼ ɨ.