1 Timotɛ 5:6 - Kálara Zyɛ̌m Edwán é mpʉ̌n

⁶ Guu mbi kuho nteme, wé ekpɛl nkul bɨtiʼ. Wiha, wi bɛa dwè, dam be ó, wé dina ó kʉ.

Kálar Nzyɛ̌m : Ejwán é Sáá

⁶ Kúho dí etíʼe ɨ́ gwɨ́má bísâ wɨ́, wɨ́haá, wɨ́ boó dwe yé kɔ́m, damá be ó, wé dína ó lɨ́ ekubla.

1 Timotɛ 5:6 ပူးပေါင်းရင်းမြစ်များ

Jacques 5:5

Bɨn bé a kpɛl é si nwaʼ ó, tiʼ entwɨʼ e nkul bɨtiʼ mɨmbi mimyɛh. To kœb ó, dobo bɨn lé esaa ó, bɨn bul díle e, yé ó dobo mɨmyaʼ lé etiʼɔ ɛ!

Mɨngwiha 18:7

É mpʉ nye a lɛɛ-lɛɛ njɨ ó, nye ó é bul gumo, ó nye lɛŋ ó molu me njɨ é bɨtiʼ bɨnɨnɨ ɨ, bé kaba nye bɨntɨʼa, du bim yaa, ebe, nye a lɛɛ-lɛɛ é leme we tʉŋlʉ ó: «Me ó wâʼ si é ntiii mpʉ njwɨɨ. Me abe kuho mʉma. Me aka be e buʼ e l'efie.»

Mɨngwiha 3:1

«Tila kalara. Go à cen engles lé edwiile mbɛr Zyɛm ndɨ ɨ Sardɛs ɨ. Lɛŋɨ nye ó: Waa lé emɛr mɨsisim mo Zyɛm tambɛl ndwe e baatwitwɛn tambɛl ɨ, nye elɛɛ ó: “Me egʉa sa yiyɛh go lé esa ɛ. Bʉr bé eseʼle go, lé elɛɔ ó, go ó kublakubla, to kœb ó, gwɔɔ, go ó mpʉ muu!

Lʉkas 15:24

ebe, mwan wam nwaʼ a be ó si sil dwè. No ó, nyi bâʼle tiʼe! Nye a bɛa ó dim muh mɨmbu mɨmbu. No ó, mɨ bâʼle bee nye!” Bé ntɔʼ taare lé ebwal zɔɔ.

Lʉkas 15:32

Sa gwar, yé ejala ó, bɨna cyelɨ ga zɔɔ bɨsʉhʉ muh, ebe, ncyomo a be ndwè e, nyi pàh! Nye a si dim zi. Nye mu ó bɨna é mobo!”»

Éfɛsɔs 5:14

ebe, sa yiyɛh myɛn lé ekʉn ɨ, yé mu ó lé epan mɨmbah. Ebe no ó bé lé elɛɛ ó: «Gwɔɔ mʉr ndɨ é dwo e, jɨma. Pàha é foo. Krɨst pana go mɨmbah, gba go é myɛn tʉŋlʉ.»

Éfɛsɔs 2:1

Molu pihe, bɨn bé a be ó odwè é nko paʼ sisim, duho é motie bɨn bé a ntaa ɛ, le mɨsyem min.

Lʉkas 15:13

«Bwa molu, bé osi laa nɛʼɛ, waa ncyom ze nʉa we nkɔb mobi, ze to é lal wé a be jaabe e. É lal waa, nye a tiʼe-tiʼe ó, sa tiʼ asiŋa, sa tiʼ entwɨʼ, sil lé esam mɔn ye yiyɛh é pe.

Mataos 8:22

Yesʉs ze bɨha e nye ó: «Duʼo me. Birɨ odwè, bé dɨlɨ mɨmuu myɔɔ.»

Kolosi 2:13

Molu pihe, bɨn bé a be ó mɨmuu é nko paʼ sisim, duho é motie bɨn bé a ntaa ɛ, ndwe e mbi bɨn bé a baateʼle nkul bɨpuno win ɨ. No ó, banana, Zyɛm, nyi sa ó, bɨn e boo Krɨst tiʼa zyɛŋa. Nyi pɛʼ bɨbaa bibyɛh nye a niʼe bɨna é lɔb motie mɨmɛh bɨna bé a ntaa ga ɛ.

Éfɛsɔs 2:5

É jɔʼ bɨna bé a be ga odwè é nko paʼ sisim, duho é motie bɨna bé a ntaa ga ɛ, nye a si bana pɛ̀h bɨna ga é mofoo é jɔʼ nye a pɛ̀h Krɨst é we foo e,— bɨn bé a bi tiʼ molu mo mpoʼ mɨmɛh ó, é zi ncwɨncwɨa Zyɛm a lɛʼle bɨn ɨ.

Lʉkas 12:19

Me òlɛɛ e leme wam ó: Leme wam, go e mobi twiha. Mé ókʉ jala e go tɔɔ mɨmbu é buobuo. Gbala é jɔʼ yi. Deʼ mode. Nyʉlɨ monwoʼ. Dɨʼe soho.”

Lʉkas 7:25

A no ó? Bɨn bé a to bee yé? Zê mʉr mbœra e bɨdime mɨkan ɛ? Tɨtoʼo! Bʉr o ndɨ ebwar bɨdime mɨkan, baa lé ekpɛl jaale e bɨtiʼ bɨnɨnɨ ɨ, bé ó ndɨ edi é mɨmbɛr mɨnjwɨɨbʉr.

Lʉkas 16:19

«Yé a ze be ó, nuu mʉr e bɨsa twiha. Molu mɨmɛh, nye a bwar-bwar ó, mɨkan mɨ akaa-e-kaa ndwe e myaa é pumo-pumo e. Nye a tiʼe-tiʼe dobo lɨlɛh ó, é mopoʼ.

2 Timotɛ 3:6

Bʉr o sama yɔɔ, bé óni é mɨmbɛr mɨ bʉr myoonkan é myaaa, lé esaa ekwab bʉba ndɨ luʼo pɨʼ ɨ, le edilɔ be molʉa mɔɔ. Bʉba baa, bé a si sa syem é buobuo, bé ntɔʼ liʼ e bɨjyɛʼ é nyʉl é luu-lu-luu. Bé óbe ó molʉa, bɨgwɨma byɔɔ lé ejwɨʼ be mɨmbi mimyɛh.