1 Timotɛ 5:5 - Kálara Zyɛ̌m Edwán é mpʉ̌n

⁵ No ó, kuho wé a liʼɔ é ntɛʼɛ ɛ, leme we, wé eka liʼ lé eloŋlo e mbɛla ó, njɨ ebe Zyɛm. Moho e pum, wé ó njɨ lé ejwɨʼla e Zyɛm é l'efu le nye mʉr tɨ, ó nye fuʼa we.

Kálar Nzyɛ̌m : Ejwán é Sáá

⁵ Nó ó, waá dí kúho tyeetye ɨ́ ntɛ̂ʼ wé omér wɨ́, wé lɨ́ ekʉ́ sâ sɨ́n lɨ́ ejɨʼla e Nzyɛ̌m móhó e pum, ó nye súʼaa wê. Nzyɛ̌m nye omér ó dí egbâ wé mpûʼla ɨ́ léme.

1 Timotɛ 5:5 ပူးပေါင်းရင်းမြစ်များ

1 Timotɛ 5:3

Dwaaba mɨkuho mɨ bʉba, baa ndɨ kʉ be mɨkuho myé a liʼɔ é ntɛʼɛ ɛ.

Lʉkas 2:37

njʉm we ze dwè, nyɛɛ ntɔʼ liʼ kuho. Nye a si di é l'ekuho le, to pyal é jɔʼ nye a be, nye mu e mɨmbu mowʉm mwom e mɨnâ ɛ. Nye a baabɔʼa e jahla bii mo Zyɛm. Nye a dwiibɨ Zyɛm tɨʼ ó, moho e pum. Nye a be-be ó lé eti mode e bɨjɔʼ, le ejwɨʼla e Zyɛm.

1 Pyɛr 3:5

Molu pihe, bʉba bé a be mɨsaŋ é mih mo Zyɛm ɨ, mɨleme myɔɔ, myé a be ó lwɨŋla e mbɛla é nko paʼ mo Zyɛm. Bé ntɔʼ gba mpaŋ ojaa waa é monyʉl mɔɔ tʉŋlʉ. Bé a dɨ sa ojʉm bɔɔ ó, njɨ mojoʼo.

1 Timotɛ 5:16

ǃƗ mbuʼla mʉma óbe e mɨmbyɛl ndɨ mɨkuho é mbɛr bʉr we nɛʼɛ, nye fuʼa mɨkuho myaa. Mbuʼla mʉma waa beʼ l'antwiŋ mbɛr Zyɛm e mbaʼla wɔɔ, ebe, mbɛr Zyɛm, wé ekʉ fuʼo mɨkuho ó, njɨ myaa ndɨ é ntɛʼɛ myé ome e.

1 Korɛnt 7:32

Me egwɨm ó, bɨn l'ayi syɛl ba e bɨn bʉr o tɨ, tiibe e l'ebò e cyen lɨn. Mbuʼla ndɨ zihle, waa ndɨ abe e mʉma ɛ, syɛɛ mo Tî ga wina, yé ome ó ndɨ epebre nye é leme. Nye esyɛl ba e nye mʉr tɨ, tiibe e l'ebò e cyen le ó, nye amu jaa bɔʼa e zi Tî ga wina lé ekpɛl ɨ.

Lʉkas 18:1

Yesʉs ze sa be kɨkɛna fih, kɨkɛna yaa lé elɛʼle ompʉn be ó, bé ekʉ jala le ejwɨʼla e Zyɛm é jɔʼ yiyɛh, akar tuu.

Éfɛsɔs 6:18

Jwɨʼla ga é jɔʼ yiyɛh mpʉ Mbɨambɨa Sisim lé etɨe bɨn ɨ, lé eto le edî le ejaʼ é mozi mɨmɛh. Tɨʼ nteme, diʼe ga nkehe é jɔʼ yiyɛh. Gbaʼ ga monyʉl lé esa mɨnjwɨʼla é l'efu e mɨsaŋ mɨ bʉr mo Zyɛm mimyɛh.

Lʉkas 18:7

Zê Zyɛm ódeʼ lé etiʼe mɨpɛha mɨ bʉr mye mɨlɔb myɔɔ é l'ocɨcyel ɛ? Tɨtoʼo! Bɛɛ nteme lé esa zyee lé ejwɨʼla e nye moho e pum!

1 Korɛnt 7:34

Nye mu ó lé edu bɨcwɨa bɨba é jɔʼ gwar. Nkʉ zihle mʉma, nkʉ esehe ndɨ e l'etie ó, lé óba ɛ, nye ekʉ du ó, njɨ mɨlɔb mo Tî ga wina é l'efu ó, nye diʼe saŋ mʉr we, taare é nyʉl we, to kumo é sisim. Mbɛa mʉma wɛɛ pebre-pebre sɔʼɔ ó, njɨ bɨsa bɨ jobo yi, ó wé nkʉʼ sa bɨsyɛɛla njʉm lé egwɨm ɨ.

Rôm 1:12

Sa me lé elɛɛ ɛ, yé ó, bɨna beʼ ga, baʼ fuʼo ba, baʼ fuʼo ba, é buʼo. Buʼo bɨn ndɨ e ye boo Krɨst ɨ, le yaa yam, byé ó ngo gba bɨna ga nkul é monyʉl.

Rôm 1:5

Zyɛm a si lɛʼle me ncwɨncwɨa we le ecyel me é dia lʉmlʉ we ó, dumo e nye é l'efu ó, byʉʉ bɨkul bibyɛh, byé jyɛʼɛ taa buʼo yɔɔ boo nye, le esa nye mojoʼo. Nye a sa me syɛɛla yaa ó, é l'efu le edwe die e Mwan we kum.

Mɨlʉmlʉ 26:7

Tamamʉr, moveh ewʉm e moba mo kul ga yina, mé ejoʼo dweh ebee mpʉ Zyɛm ódira nkɛʼ waa ɛ. Bé edwiibɨ Zyɛm ó, moho e pum. OYʉden, bé ekʉ ka pur me ó njɨ ebe mbɛla ndɨ me lwɨŋla é leme e.

Mɨlʉmlʉ 6:1

É molu maa, mpʉ ompʉn mo Yesʉs, bé a be, bé mu si bul buo e, oYʉden bé a be lé edu egʉa esa ndwe e motum mo bʉr o Grɛs ɨ, bé ze taare lé etooro oYʉden bé a be lé edu njɨ egʉa esa ndwe e motum mo bʉr o b'Ebrœ œ. Bé a lɛɛ-lɛɛ ó, bɨha, bé a be ó lé elɨha-lɨha mɨkuho myɔɔ é nkɔb mode.

Mɨlʉmlʉ 9:39

No Pyɛr a mʉa si, bé e boo nɔɔ ze to. É jɔʼ bé a pyal ɨ, bé ze to e nye é tiʼe mbɛr waa. Mɨkuho mɨ bʉba mimyɛh, myé a be ó lé ejɨŋɔ modwe. Bé ntɔʼ bʉmra Pyɛr é nka, le elɛʼle nye bɨdur le mɨlen mɨ okʉr Dɔrkas a bœr be é jɔʼ nye a baapa dime mih ɨ.

Mɨlʉmlʉ 9:41

Pyɛr ntɔʼ mɛr nye é mbo, gbɛl nye si. Nye ze jebe mɨsaŋ mɨ bʉr mo Zyɛm ndwe e mɨkuho mɨ bʉba, ze lɛʼle be nya, nye osi pàh.

Filipi 4:6

Asyɛl ga ba e bɨn bʉr o tɨ, tiibe e yʉʉ sɔʼɔ. Jwɨʼla ga e Zyɛm é bɨjɔʼ bibyɛh, é bɨsa bibyɛh bɨn lé ejaʼ ɛ. Dweʼ ga nye ekiba é jɔʼ yiyɛh é lɔb bɨsa nye lé edwe bɨn ɨ.

1 Timotɛ 2:1

Ebe no, sa efoʼ me lé ejwɨʼla e go e, yé ó, go saʼ mɨnjwɨʼla é l'efu e bʉr bɨbɛh. Go jaʼa Zyɛm sa yiyɛh é l'efu e bʉr ofih, le ndwɛa ekiba nteme.

2 Timotɛ 1:3

Me edwe Zyɛm ekiba é jɔʼ yiyɛh. Me esa zyee lé esa mɨnjwɨʼla é l'efu lo, moho e pum. Me esea syɛɛ ye ó e mɨpɛhla mɨ leme ndɨ é pyɛɛɛ ɛ, jwɨʼ gwar mpʉ bɨmpam byam, byé a dɨ sea nye ya ɛ.