1 Timotɛ 5:3 - Kálara Zyɛ̌m Edwán é mpʉ̌n

³ Dwaaba mɨkuho mɨ bʉba, baa ndɨ kʉ be mɨkuho myé a liʼɔ é ntɛʼɛ ɛ.

Kálar Nzyɛ̌m : Ejwán é Sáá

³ Jwááwáá míkúhó mí bʉ́bá mi dí myaá mimpâ mí.

1 Timotɛ 5:3 ပူးပေါင်းရင်းမြစ်များ

Mɨlʉmlʉ 6:1

É molu maa, mpʉ ompʉn mo Yesʉs, bé a be, bé mu si bul buo e, oYʉden bé a be lé edu egʉa esa ndwe e motum mo bʉr o Grɛs ɨ, bé ze taare lé etooro oYʉden bé a be lé edu njɨ egʉa esa ndwe e motum mo bʉr o b'Ebrœ œ. Bé a lɛɛ-lɛɛ ó, bɨha, bé a be ó lé elɨha-lɨha mɨkuho myɔɔ é nkɔb mode.

1 Pyɛr 2:17

Dwaaba ga bʉr bɨbɛh. Kpɛlɨ ga obuʼla o Mbɛr-Zyɛm. Dwaaba ga Zyɛm. Dwaaba ga mʉr lal ga wina kɛɛza.

1 Pyɛr 3:7

Bɨn bɛɛ ojʉm, jyeʼla ga bʉba bɨn ndwe le edwe be duu, ebe, bɨn bé egʉa mpʉ bé ndɨ é cyɛʼ ɛ. Bé ejala le ebi tiʼ molu mo mpoʼ mɨmɛh mpʉ bɨn bɛɛ. ǃBɨn si be, asa no nɛʼɛ, yé ógba bɨn mokɔbla é mɨnjwɨʼla.

Jacques 1:27

Mpaŋ buʼo ndɨ é ncyɛh-ncyɛh é mih mo Zyɛm Sɔŋ ɨ, yé ó, mʉr toʼ le egul bwɔɔnul ndwe e mɨkuho mɨ bʉba, bʉr o ndɨ é mɨtuu ɨ, sa nteme okan é mbi nyɛɛ lé etiʼe e, ebe, bɨsa bɨ jobo yi, byé amu jaa go nye é nyʉl mpʉ mobar.

1 Tesalonika 2:6

Bɨh bé a baabe lé esaa ó, nuu mʉr seʼla bɨh. Bɨh bé agwɨm moseʼla mɨn, nkʉ maa mo bʉʉ bʉr.

Mɨlʉmlʉ 9:39

No Pyɛr a mʉa si, bé e boo nɔɔ ze to. É jɔʼ bé a pyal ɨ, bé ze to e nye é tiʼe mbɛr waa. Mɨkuho mɨ bʉba mimyɛh, myé a be ó lé ejɨŋɔ modwe. Bé ntɔʼ bʉmra Pyɛr é nka, le elɛʼle nye bɨdur le mɨlen mɨ okʉr Dɔrkas a bœr be é jɔʼ nye a baapa dime mih ɨ.

Lʉkas 7:12

É jɔʼ nye a be, nye mu kunokuno e l'eniŋlɨ e nkana ɛ, nye ntɔʼ bee bʉr lé enkɛɛ muu é zimɨ, lé eto dɨlɔ. Yé a be ó muu etiʼe e mwan mo guu kuho mʉma. Buobuo bʉr o nkana yaa nteme, bé a be ó lé eto mbaa mofoo nko muu wé a be lé etoŋɔ e we e.

Lʉkas 2:37

njʉm we ze dwè, nyɛɛ ntɔʼ liʼ kuho. Nye a si di é l'ekuho le, to pyal é jɔʼ nye a be, nye mu e mɨmbu mowʉm mwom e mɨnâ ɛ. Nye a baabɔʼa e jahla bii mo Zyɛm. Nye a dwiibɨ Zyɛm tɨʼ ó, moho e pum. Nye a be-be ó lé eti mode e bɨjɔʼ, le ejwɨʼla e Zyɛm.

Mataos 23:13

«A vwaʼ e bɨn, oyeʼle o motie e l'oFarizyɛŋ! Bɨn baanya-bɨkʉʉŋʉ ba, bɨn bé ela bʉr zi lé eto gumo jwɨ̀ʼa mo Da ndɨ ɨ. Bɨn bʉr o tɨ, bɨn bé ajyɛl é zi waa. Bɨn bé adwe nteme bʉr o lé esaa ecwɨɨ tɨʼ ɨ, zi. [

Mataos 15:6

É mbea win, waa si sa no e, nye abe e nkul eka gul sɔŋ e nyɔŋ e tɨ. No yé ó: é jɔʼ bɨn ndɨ adwaabe osɔŋ e l'onyɔŋ bɨn ɨ, bɨn bé egbɛɛ lɔɔ Zyɛm é l'efu le edu mɨnjwɨr bɨmpam bin byé a ntɛŋ bɨn ɨ!

1 Timotɛ 5:2

Tɨe nteme otamabʉba mpʉ sa cɨŋɔ ó, bé ó onyɔŋ bo. Tɨe mosehe nteme mpʉ okɛl bo, lé ekœʼ e be ebò e cyen ndɨ é pememe é mih mo Zyɛm ɨ.

Yʉanes 1:47

É jɔʼ Yesʉs a bee Natanaɛl lé eze nko nye a be e, nye ó: «Go bana kʉ be cyecye mʉr Ɨzraɛl, abe e bɨkʉʉŋʉ!»

Mɨlʉmlʉ 9:41

Pyɛr ntɔʼ mɛr nye é mbo, gbɛl nye si. Nye ze jebe mɨsaŋ mɨ bʉr mo Zyɛm ndwe e mɨkuho mɨ bʉba, ze lɛʼle be nya, nye osi pàh.