1 Timotɛ 4:8 - Kálara Zyɛ̌m Edwán é mpʉ̌n

⁸ Ebe, pɨʼa nyʉl wɛɛ, wé ó e ma nyɔm é guu paʼ. Edwaabe Zyɛm lɛɛ, lé e nyɔm é nko paʼ bɨsa bibyɛh, ebe, mʉr lé edwaabe Zyɛm ɨ, Zyɛm ódira monkɛʼ nye a liʼe mʉr waa e ma ɛ, é nko paʼ tiʼ yaa banana, to pyal é tiʼ yé óbe pie e l'esie e mbi jɔʼ yi.

Kálar Nzyɛ̌m : Ejwán é Sáá

⁸ Ebě, pɨ́ʼá nyʉ̂l wɨ́ɛ, wê mʉr tɨ̂, wé ó e mâ nyɔm. Edwáawǒ Nzyɛ̌m lɨ́ɛ, lé e nyɔm ɨ́ páʼ bísá bíbyɛ̂h, ebě, mʉr dí edwáawǒ Nzyɛ̌m nyá, nyɨ́ bi ménkɛ̌ʼ ɨ́ páʼ twiʼ, yaá báánâ, ti e yaá ngá tô dóló njʉ̌m dǐ e njʉ̌m dǐ yɨ́.

1 Timotɛ 4:8 ပူးပေါင်းရင်းမြစ်များ

Mataos 6:33

Sa efoʼ, kʉ bul saa ga eni é jwɨ̀ʼa ye, ndwe le ekœʼ ebò e cyen é l'ocɨcyel. Bɨsa bibyɛh bɨn lé ejɨ bɨnɨ, Zyɛm óloŋlo bɨn bya.

1 Timotɛ 6:6

To kœb ó, edwaabe Zyɛm lɛɛ, lé e buobuo nyɔm ó, nkʉ mʉr lé edwaabe Zyɛm ɨ, nye edwɛʼ njɨ mobi nye lé ebi-bi ɨ.

1 Yʉanes 2:25

No ó, Zyɛm Sɔŋ nye mʉr tɨʼ a be ó si kɛʼ bɨna ga tiʼ molu mo mpoʼ mɨmɛh.

Markus 10:30

ódi, abâʼle bi bye zɔʼ nter é mbi jɔʼ yi. Nye óbula bi mɨmbɛr e bɨpeme. Nye ókœb obɨɔ ndwe e l'okɛl, e l'onyɔŋ, ka kɛl bwan. Nye ótíilɔ nteme. No ó, pie e l'esie e mbi jɔʼ yi, mʉr waa óbi nteme tiʼ molu mo mpoʼ mɨmɛh.

Ebrœ̂ 13:9

Gʉa di ga ncye. Abir ga ó, bʉr gomla bɨn é zi fih, é zi mɨmbi bɨsikʉlʉ bé lé elɛʼle, myaa bɨn ndɨ agʉa ɛ. Ncwɨncwɨa mo Zyɛm nye ome ó ndɨ egba bʉr nkul é monyʉl. Yé é mbɨa ó, bɨn biʼe nkul tɨ. Nyɔmlʉ bab lé elɛɛ ó, mʉr, nye ejala le ede é l'efu le edwiibɨ Zyɛm e nye e, nye abe e nyɔm é nko paʼ mo bʉr o lé ede nye e.

Mɨngwiha 3:21

Mʉr óbe si ntaa, bula e l'esaa é koo e, me ódwe nye nkul ó, bɨh e nɔɔ baʼra lé edi é dia taʼa yam, ebe, mɛm nteme, me a si ntaa, bula e lam esaa é koo, me ntɔʼ nʉa dia kunokuno e Sɔŋ wam é dia taʼa ye.

Títos 3:8

Lɔɔ nɨ, wé ó lɔɔ ebuʼla. Me ekpɛl ó, go boʼla e bʉr ó, wé ó tɨʼ cyecye. Yé ó ngo sa ó, bʉr o b'a jyɛʼ taa buʼo yɔɔ boo Zyɛm ɨ, bé dɨʼe sa mɨmpaŋ bɨsyɛɛla ɛ. Bɨsyɛɛla byaa, byé e nyɔm é nko paʼ bʉr bɨbɛh.

Mɨngwiha 3:12

Baa bé óbe si ntaa, bula e l'esaa é koo e, me óliŋ be modwii é l'Odia mo Zyɛm, ndɨ Sɔŋ wam ɨ. Bé ócyɛb é nkʉʼʉ. Abe e sa yé ópyɛl be tɨ. Me ótile die mo Zyɛm Sɔŋ wam é monyʉl mɔɔ. Me ótile nteme die e nkana mo Zyɛm Sɔŋ wam, yaa ndɨ edwan e Yerʉsalɛm ɨ. Zyɛm óntɨh nkana yaa kaʼ si, duho é jobo kʉ é ntiii. Me ótile nteme edwan e die lam é monyʉl mo bʉr baa.

1 Korɛnt 8:8

Bɨna bɛɛ, bé ekʉ gʉa ga ó, ntʉʼ sa ede, yé ócen mʉr kunokuno e Zyɛm. ǃBɨna si be ga ade tir nɛʼɛ, bɨna bé adimle ga sɔʼɔ. Bɨna nteme, bé aŋa kɛlɔ ga yʉʉ sɔʼɔ kʉ, nkʉ bɨna bé óde ga tir.

Rôm 8:28

Bɨna bé egʉa ga ó, Zyɛm, nye ebɛa cye bɨsa bibyɛh ó, byé diʼe e nyɔm é l'efu e bʉr o ndɨ ekpɛl nye, baa nye a jebe, duho é tiʼa nye a nʉa ɛ.

1 Korɛnt 3:22

Dam be mɛm Pol bé e Apolos ndwe e Sefas, bé ó é l'efu lɨn, ka kɛl si nwaʼ bé e tiʼ ndwe e l'efie, jɔʼ yiʼ ndwe e bɨjɔʼ lé eze e, sa yiyɛh, yé ó yaa yin!

Mataos 19:29

Mʉr nyiwɛh ndɨ si liʼe mɨmbɛr mye, obɨɔ be, okɛl be, sɔŋ we, nyɔŋ we, bwan be, nkʉ bɨpeme bye é lɔb wam ɨ, nye óbula bi bye zɔʼ nter, bi nteme tiʼ molu mo mpoʼ mɨmɛh.

Mataos 12:32

Mʉr nyiwɛh lé elwib ebebe é lʉ Mwan mo Mʉr ɨ, baa ebebe yaa, yé óbɛm pɛʼɔ. Sa gwar, mʉr ólwib ebebe é lʉ Mbɨambɨa Sisim ɨ, baa ebebe yaa, yé ákwoʼ pɛʼɔ, dam be é jɔʼ yi, dam be pie e l'esie e mbi jɔʼ yi.»

1 Timotɛ 4:7

Go ajala le ejoʼo bɨsa mɨlɔɔ, myaa otamabʉba lé esa-sa ɛ. Pɨʼɨ go mʉr tɨʼ é l'efu ó, go dwaaba Zyɛm.

1 Timotɛ 6:3

Tî ga wina Yesʉs-Krɨst a si kʉ dwe bɨna ga mpaŋ sikʉlʉ lé eyeʼle bɨna ga mpʉ mʉr jala le edwaabe Zyɛm ɨ. Yé be ó, mʉr fih mʉr kɛ̀l, nye amɛʼle sikʉlʉ nɨ, nkʉ du ye, bula to dwe bʉr bɨsikʉlʉ bɨfih nɛʼɛ, lɛɛ ó, nye mu ó lé enkɛɛ nyʉl.

1 Timotɛ 6:5

Esyɛb laa ó ndɨ esa ó, bʉr saʼ zyee lé esa mosono paʼra wɔɔ. Bé esa-sa no ó, bé e bʉʉ bʉr o ndɨ e bɨbol mɨpɛhla, baa b'a dɛʼɔ ocyecye e. Bé eniŋe ó, bé óbi-bi bɨmɔn é jɔʼ bʉr, bé ópaʼle be é mpʉ bé lé egʉa dwaabe Zyɛm ɨ.

2 Timotɛ 3:5

Bé ósa jaale, lé ejɨ nyin ó, bɛɛ ó ndɨ edwaabe Zyɛm. To kœb ó, bé ókɛla ó, buʼo ga yina, yé abe e nkul. Cɛra e bʉr onɨ.

Lʉkas 5:38

Bé elwan modwan monwoʼ ó, é bɨntaʼ ndɨ modwan ɨ.