1 Timotɛ 4:7 - Kálara Zyɛ̌m Edwán é mpʉ̌n

⁷ Go ajala le ejoʼo bɨsa mɨlɔɔ, myaa otamabʉba lé esa-sa ɛ. Pɨʼɨ go mʉr tɨʼ é l'efu ó, go dwaaba Zyɛm.

Kálar Nzyɛ̌m : Ejwán é Sáá

⁷ Gó ajala le edû nzɨ́ bikɨkɛna bi dí elɛ̂ʼle bʉ̂r ó, bé sâʼ Nzyɛ̌m nkěh, byaá ótɔ́má bʉ́bá dí esâ bí. Gbáʼ nkûl lɨ́ ekubla ɨ́ milɔ̌b mé Nzyɛ̌m.

1 Timotɛ 4:7 ပူးပေါင်းရင်းမြစ်များ

1 Timotɛ 1:4

Bé ayi joʼlo bɨsa mɨlɔɔ, nkʉ bɨláa-ntan ndɨ abe e l'esie e. Bɨsa byaa ó lé edulo ziila motwii é Mbɛr-Zyɛm. Byé abe e nyɔm é nko paʼ eloŋlo syɛɛ mo Zyɛm. Bɨna bé esa ga nye syɛɛ yaa ó, é zi buʼo ga yina.

2 Timotɛ 2:16

Syɛhla baalwibalwiba o bʉr o ndɨ esa lɔɔ Zyɛm ebɨh ɨ. Byé abe e nyɔm é buʼo. Bʉr o ndɨ elʉo monyʉl mɔɔ é zi waa ɛ, bé egomlo bʉr é bebebebe zi, ó bé saʼ Zyɛm ebɨh.

Títos 2:12

Ncwɨncwɨa waa ó ndɨ edib bɨna ga zi egwɨma ebɨh é nko paʼ mo Zyɛm ndwe le ebene bɨgwɨma bɨ nyʉl bɨpuno, é l'efu le ekœʼ ebò e cyen lé ódwe bʉr mɨmpaŋ mɨpɛhla ɛ. Ebò e cyen laa, lé ó cɨcyel, le yaa ndɨ edu mpʉ Zyɛm lé ekpɛl ɨ, dam be é mbi jɔʼ yi.

Títos 3:9

Cɛra e bʉr o ndɨ epere motwii mpʉ bɨgʉ, le edî motia ndɨ abe e nyɔm ɨ. Bé ajala le epu mɨlɔb si é lɔb bɨláa-ntan nkʉ é lɔb motie mo Zyɛm, ebe, mɨlɔb mɨnɨ, myé ó mbɛh e mbɛh.

Ebrœ̂ 5:14

Otamabʉr bɛɛ ó lé ejala e mpaŋ mode. Bɛɛ bé ome ó ndɨ e pɨʼ lé esa ó, bé gʉŋa mbɛʼ paʼra embɨa e l'ebebe e. Bé ebi pɨʼ waa ó, ebe zyee bé lé esa tɨʼ ɨ.

2 Timotɛ 2:23

Gʉa kʉ cɛra e bʉr o ndɨ epere motwii mpʉ bɨgʉ le mɨmiʼ ɨ. Go ejala le egʉa ó, mɨlɔb myaa, myé ebya sɔʼɔ ó, njɨ bɨtom.

2 Timotɛ 4:4

Bé aŋa ka joʼo ocyecye. Bé ógʉmla é bebebebe zi, ntɔʼ to laʼ mɨlʉ é bɨsa mɨlɔɔ.

1 Timotɛ 6:11

Gwɔɔ mʉr mo Zyɛm! Cɛra e bɨsa bɨnɨ bibyɛh. Duʼo njɨ syɛɛla ndɨ cɨcyel ɨ. Dwaaba Zyɛm, lé ejyɛʼ taa buʼo yo boo nye, le ekpɛl bʉr. Diʼe mʉr bihbe. Tala nteme njwɨr.

Mɨlʉmlʉ 24:16

Ebe no, me egba nyʉl lé ekœʼ ebò e cyen ndɨ cɨcyel é mih mo Zyɛm le maa mo bʉr ɨ. Mɨpɛhla mɨ leme wam, wé ó é pyɛɛɛ.

1 Timotɛ 6:20

No ó, Timote ɛɛ! Baʼla sikʉlʉ Zyɛm a timle go e. Go à syɛhle baalwibalwiba o bʉr o ndɨ esa lɔɔ Zyɛm ebɨh ɨ, baa bʉr lé ejwɨʼ ó, bé ó «mpaŋ ngwɨa» ɛ.

Títos 1:14

Bé gwaʼa lé ejoʼlo bɨsa mɨlɔɔ mɨ oYʉden. Bé kaʼ gwaʼ lé edu motie le mompene, maa ndɨ eduho é bʉr o b'a bɛa bene ocyecye e.

2 Timotɛ 3:12

Mʉr nyiwɛh lé ekpɛl dwiibɨ Zyɛm, waa ndɨ é zyɛŋa wɔɔ boo Yesʉs-Krɨst ɨ, nye ótíilɔ.

1 Timotɛ 3:16

Yé ejala ó, buʼo yina, yaa ndɨ é lwib odim ɨ, yé é laŋle bwaʼ. Yé ó: «Nye a ze nyin é si nwaʼ ó e nyʉl bɨpuno. Mbɨambɨa Sisim ze lɛʼle bɨna ga nya, bɨna gʉŋa ga ó, nye abe e mobe. Beengles, bé a si siŋle nye. Bʉr o bɨkul bɨfih, bé a si joʼo lɔɔ lé etiibe e nye e. Bʉr o si nwa, bé a si jyɛʼ taa buʼo yɔɔ boo nye. Nye a si to é jobo kʉ, é fum nye a dweŋɔ kum ɨ.»

1 Timotɛ 2:10

Bé ejala le elɛʼle bʉr ó, bé e bɨsyɛɛla bɨ ncwɨncwɨa lé ejala e bʉba lé edwaabe Zyɛm ɨ.

1 Timotɛ 1:9

Bɨna bé egʉa ga nteme ó, motie, mé a baatiilɔ lé etoŋlo ocɨcyel o bʉr, njɨ ontɔɔ o motie, bé e bʉr o ndɨ esa ocyɛb be efoʼ bɔɔ ebɨh ɨ, bʉr o ndɨ adwaabe Zyɛm ɨ, osyɛl o mɨsyem, bʉr o lé epyeh Zyɛm ɨ, ndwe e baa ndɨ esa lɔɔ Zyɛm ebɨh ɨ, ojʉl be osɔŋ bɔɔ, ojʉl be onyɔŋ bɔɔ, ojʉl o bʉr,

1 Timotɛ 4:8

Ebe, pɨʼa nyʉl wɛɛ, wé ó e ma nyɔm é guu paʼ. Edwaabe Zyɛm lɛɛ, lé e nyɔm é nko paʼ bɨsa bibyɛh, ebe, mʉr lé edwaabe Zyɛm ɨ, Zyɛm ódira monkɛʼ nye a liʼe mʉr waa e ma ɛ, é nko paʼ tiʼ yaa banana, to pyal é tiʼ yé óbe pie e l'esie e mbi jɔʼ yi.

1 Timotɛ 6:3

Tî ga wina Yesʉs-Krɨst a si kʉ dwe bɨna ga mpaŋ sikʉlʉ lé eyeʼle bɨna ga mpʉ mʉr jala le edwaabe Zyɛm ɨ. Yé be ó, mʉr fih mʉr kɛ̀l, nye amɛʼle sikʉlʉ nɨ, nkʉ du ye, bula to dwe bʉr bɨsikʉlʉ bɨfih nɛʼɛ, lɛɛ ó, nye mu ó lé enkɛɛ nyʉl.

1 Timotɛ 6:5

Esyɛb laa ó ndɨ esa ó, bʉr saʼ zyee lé esa mosono paʼra wɔɔ. Bé esa-sa no ó, bé e bʉʉ bʉr o ndɨ e bɨbol mɨpɛhla, baa b'a dɛʼɔ ocyecye e. Bé eniŋe ó, bé óbi-bi bɨmɔn é jɔʼ bʉr, bé ópaʼle be é mpʉ bé lé egʉa dwaabe Zyɛm ɨ.

2 Timotɛ 3:5

Bé ósa jaale, lé ejɨ nyin ó, bɛɛ ó ndɨ edwaabe Zyɛm. To kœb ó, bé ókɛla ó, buʼo ga yina, yé abe e nkul. Cɛra e bʉr onɨ.