1 Timotɛ 4:4 - Kálara Zyɛ̌m Edwán é mpʉ̌n

⁴ ebe, sa yiyɛh Zyɛm a cye e, yé é mbɨa. Jɨh tɨʼ mʉr, nyi jwɨʼla e nye, lé edwe nye ekiba é lɔb mode e, ebebe, lé aka be tɨ. Mʉr, nye ajala le eka til nye ya,

Kálar Nzyɛ̌m : Ejwán é Sáá

⁴ Ebě, sá yɨ́yɛ̂h Nzyɛ̌m á komlo yɨ́, yé ɨ́ mbɨa. Mʉ̂r sí dwě Nzyɛ̌m nzyǒo, dumo e sâ swîh, nkʉ̂ sâ kɛl nó, sâ yaá, yé ajala le etílɔɔ mʉ̂r.

1 Timotɛ 4:4 ပူးပေါင်းရင်းမြစ်များ

Rôm 14:20

Syɛɛ Zyɛm a sea ɛ, mʉr beʼ l'alɨr nye ya ebe mode. Yé cyecye ó, yé abe e mode ndɨ elœʼ mʉr é mih mo Zyɛm. Mode, mé ebebe ó, njɨ é jɔʼ ndɨa mode waa lé esa ó, mɨɔ go mʉr duma é l'ebebe e.

1 Korɛnt 10:25

Deʼ ga sa yiyɛh bé lé ebɛma é mompɛma ɛ, abe e tia é mɨleme min!

Rôm 14:14

É zyɛŋa wih boo Da Yesʉs, mɨ kʉ gʉa nteme ó, ntʉʼ sa ede yé mʉr tɨʼ ndɨ e nkul elœʼ mʉr é mih mo Zyɛm. Sa gwar, ǃɨ mʉr si de mode maa nɛʼɛ, ǃnye si pahle ó, yé óbɛm lœʼ nye é mih mo Zyɛm wa, mode maa, mé ó cyecye lwaʼ é leme we.

1 Korɛnt 10:23

Bʉʉ bʉr, bé elɛɛ ó: «Yé abe e syɛɛla ndɨ kɔmlʉ.» Yé ó no! Sa gwar, ntʉʼ sa yiyɛh ndɨ e nyɔm. «Yé abe e syɛɛla ndɨ kɔmlʉ.» Yé ó no! Sa gwar, ntʉʼ sa yiyɛh ndɨ e nkul elɨl bʉr é buʼo mbɨmbɨa.

Mɨlʉmlʉ 21:25

Bʉr o ndɨ abe oYʉden, baa mu si jyɛʼ taa buʼo yɔɔ boo Yesʉs ɨ, bɨh bé a si tile be kalara, le elɛɛ be mɨtiʼa bɨh bé a nʉa é nko paʼ wɔɔ ɛ. Yé a be ó, bé diʼe é l'ecyooŋʉ lé esyɛhle mɨlɔb mɨnâ mi: lɔb tir a bàŋɔ é mpah bé ndɨ edwiibɨ ozyɛm bé a dɨ kpaʼ ɛ, lɔb ede motié, lɔb ede tir a baasyɛhɔ twii, motié pʉʼa ɛ, ndwe e lɔb esa bɨmala e mɨfyɛba.»

1 Timotɛ 4:3

Bé ekamle bʉrʉm lé eba bʉba! Bé enyiŋ bʉr ó, bé gwaʼa lé ede mʉʉ mode. To kœb ó, Zyɛm a bɛa cye bɨsa byaa ó, é l'efu ó, byé ó mode jala le edɨɨ ɨ! Bʉr o ndɨ egʉa ocyecye é kpɛhla, le ebuʼla we e, bé óde mode maa ó, de-de deʼ, lé edwe Zyɛm ekiba tɨ,

Mɨlʉmlʉ 15:29

Diʼe ga é l'ecyooŋʉ, lé esyɛhle lɔb ede tir a bàŋɔ é mpah bé ndɨ edwiibɨ ozyɛm bé a dɨ kpaʼ ɛ, lɔb ede motié, lɔb ede tir a baasyɛhɔ twii, motié pʉʼa ɛ, ndwe e lɔb esa bɨmala e mɨfyɛba. ǃBɨn si baʼle monyʉl mɨn mbɨmbɨa é mbi wiʼ nɛʼɛ, lɛɛ ó, bɨn bé ókʉ gʉa esa syɛɛla ndɨ é mbɨa ɛ. Diʼe ga mbɨmbɨa.

Mɨlʉmlʉ 10:15

Nye ze bâʼle joʼo twii lé elɛɛ e nye ó: «Sa Zyɛm mu si pubo e, aka nyamle lɛɛ ó, yé ó sa ndɨ elœʼ mʉr é mih mo Zyɛm ɨ.»

Rôm 14:6

Mʉr lé ebee ó, guu moho, wé ó nye sa ndɨ ti ɨ, nye esa no ó, nye gumla Da Yesʉs tɨ. Mʉr lé ede sa yiyɛh ɛ, nye egumlo Da Yesʉs tɨ, ebe, nye edwe Zyɛm ekiba é lɔb sa nye lé ede e. Waa lé eti yʉʉ sa ede e, nye esa no ó, nye nkʉʼ gumlo Da Yesʉs é zi bɨti byaa. Nye nteme, nye edwe nye ekiba é lɔb sa ede nyɛɛ lé emɛʼle de e.

1 Korɛnt 10:26

Ebe, yé ó tila ó: «Si nwaʼ ndwe e sa yiyɛh ndɨ tɨʼ ɨ, byé egumo ó e Da.»

1 Korɛnt 10:30

ǃMe si dwe Zyɛm ekiba é lɔb sa me lé ede nɛʼɛ, bʉr bé ajala le efœʼ me é lɔb ndɨa mode waa, mɛm yɛɛ si kʉ dwe Zyɛm ekiba tɨ!