1 Timotɛ 4:3 - Kálara Zyɛ̌m Edwán é mpʉ̌n

³ Bé ekamle bʉrʉm lé eba bʉba! Bé enyiŋ bʉr ó, bé gwaʼa lé ede mʉʉ mode. To kœb ó, Zyɛm a bɛa cye bɨsa byaa ó, é l'efu ó, byé ó mode jala le edɨɨ ɨ! Bʉr o ndɨ egʉa ocyecye é kpɛhla, le ebuʼla we e, bé óde mode maa ó, de-de deʼ, lé edwe Zyɛm ekiba tɨ,

Kálar Nzyɛ̌m : Ejwán é Sáá

³ Bé lɨ́ ekamle bʉ̂r lɨ́ ebâ, le etíl bé mʉ́ʉ́ méde. Tó kœb ó, Nzyɛ̌m á komlo mede maá ó, lɨ́ esú lé édeŋɔɔ. Bʉr o dí egʉ́a ótyeetye le ebúʼla wé bá, bé óde mé ó, bé osí pǎ jɨʼla e Nzyɛ̌m, le edwe nyé nzyǒo tɨ̂.

1 Timotɛ 4:3 ပူးပေါင်းရင်းမြစ်များ

1 Timotɛ 4:4

ebe, sa yiyɛh Zyɛm a cye e, yé é mbɨa. Jɨh tɨʼ mʉr, nyi jwɨʼla e nye, lé edwe nye ekiba é lɔb mode e, ebebe, lé aka be tɨ. Mʉr, nye ajala le eka til nye ya,

Ebrœ̂ 13:4

Dweʼ ga eba duu. Sa ndɨ elœʼ mʉr é mih mo Zyɛm ɨ, yé ajala le esaŋɔ fum mɨmbɛa mɨ bʉr ndɨ esyɛŋa ɛ. Gʉŋa ga ó, Zyɛm ótiʼe osyɛl o bɨmala bé e l'osyɛl o mɨfyɛba mɨlɔb myɔɔ.

Rôm 14:6

Mʉr lé ebee ó, guu moho, wé ó nye sa ndɨ ti ɨ, nye esa no ó, nye gumla Da Yesʉs tɨ. Mʉr lé ede sa yiyɛh ɛ, nye egumlo Da Yesʉs tɨ, ebe, nye edwe Zyɛm ekiba é lɔb sa nye lé ede e. Waa lé eti yʉʉ sa ede e, nye esa no ó, nye nkʉʼ gumlo Da Yesʉs é zi bɨti byaa. Nye nteme, nye edwe nye ekiba é lɔb sa ede nyɛɛ lé emɛʼle de e.

Kolosi 2:16

Ebe no, abir ga ó, mʉr láŋa bɨn baa ebebe é lɔb monyɔmlʉ mɨn le monyʉla mɨn. Bé l'ayi dwe bɨn mobe tɨ, nkʉ é lɔb mobʉʼ bɛɛ lé ebwal lé edu sa buʼo yɔɔ ɛ. Bé l'ayi láa bɨn baa ebebe é lɔb ebʉʼ le ebam le alomo bɛɛ lé ebwal ɨ, nkʉ é mbi bɛɛ lé edu motie mo moho saba ɛ.

1 Korɛnt 8:8

Bɨna bɛɛ, bé ekʉ gʉa ga ó, ntʉʼ sa ede, yé ócen mʉr kunokuno e Zyɛm. ǃBɨna si be ga ade tir nɛʼɛ, bɨna bé adimle ga sɔʼɔ. Bɨna nteme, bé aŋa kɛlɔ ga yʉʉ sɔʼɔ kʉ, nkʉ bɨna bé óde ga tir.

Kolosi 3:17

Sa yiyɛh bɨn lé esa, nkʉ yaa bɨn bé ólɛɛ ɛ, yé diʼe njɨ, pere e die mo Da Yesʉs. Dweʼ ga Zyɛm Sɔŋ kum, pere e die le.

1 Korɛnt 7:28

Sa gwar, ǃyé ójala e mʉrʉm ó, nye baʼ mʉma nɛʼɛ, nye asa syem. ǃƗ esehe si mɛʼle eto é l'eba nɛʼɛ, lé asa syem. To kœb ó, bʉr o ndɨ mɨmbɛa é mbi jɔʼ yiʼ ɨ, bé ósia e mɨtuu e mɨndel é lɔb eba lɔɔ. Mɛm, me egwɨm bɛʼ bɨn guu paʼ mɨtuu myaa.

Rôm 14:3

Mʉr waa lé ede mɨmbi mode mimyɛh ɛ, nye beʼ l'acyɛl mʉr lé eti tir ɨ, ebe we mbi buʼo. Mʉr lé eti tir ɨ, nye beʼ l'aniʼe nyiha baa ebebe é lɔb edɨɨ le, ebe, Zyɛm a si beŋle mɨɔ win waa.

Ebrœ̂ 13:9

Gʉa di ga ncye. Abir ga ó, bʉr gomla bɨn é zi fih, é zi mɨmbi bɨsikʉlʉ bé lé elɛʼle, myaa bɨn ndɨ agʉa ɛ. Ncwɨncwɨa mo Zyɛm nye ome ó ndɨ egba bʉr nkul é monyʉl. Yé é mbɨa ó, bɨn biʼe nkul tɨ. Nyɔmlʉ bab lé elɛɛ ó, mʉr, nye ejala le ede é l'efu le edwiibɨ Zyɛm e nye e, nye abe e nyɔm é nko paʼ mo bʉr o lé ede nye e.

1 Timotɛ 2:4

Nye ekpɛl ó, bʉr bɨbɛh biʼe tiʼ molu mo mpoʼ mɨmɛh, le egʉa mɨlɔb ndɨ cyecye e.

1 Korɛnt 6:13

Bé elɛɛ-lɛɛ nteme ó: «Mode, mé tɨʼ ó, é l'efu e mo; mo wɛɛ é l'efu e mode.» Yé ó no! Sa gwar, Zyɛm ólɨr bibyɛh. Nyʉl mʉr, nye abe é l'efu ó, mʉr nkʉʼ bul sa bɨmala e mɨfyɛba e tɨ. Nye tɨʼ ó, é l'efu le esea Tî ga wina syɛɛ e tɨ. Tî ga wina, nye tɨʼ ó, é l'efu e monyʉl ga mɨna.

Rôm 14:17

Jwɨ̀ʼa mo Zyɛm, yé abul dwɛʼ lɔb ede le enyʉl. Yé ó jwɨ̀ʼa ocɨcyel, motala, ndwe e bɨsʉhʉ bɨna lé ebi ga é zi mo Mbɨambɨa Sisim ɨ.

Mataos 15:36

Nye ntɔʼ nʉa bɨbler tambɛl byaa le bwa ofu baa, dwe Zyɛm ekiba, ntɔʼ pɛ̂ʼ bye bɨpeh, to le edwe ompʉn be bya. Bé ze nʉa, kab bʉr bɨbɛh.

Mataos 14:19

Pie tɨ, nye ze lɛɛ e ntuntuma bʉr ó, yé diʼe si é bwaʼbwaʼ jahla yaa. Tɨʼ yé a be ó e bwa bɨka ajaa kʉ. Nye ntɔʼ nʉa bɨbler bɨtɛn e l'ofu oba baa, ze bɨn mih kʉ, dwe Zyɛm ekiba, ze pɛ̂ʼ bɨbler byaa bɨpeh, bɨpeh, ze dwe ompʉn be bya. Bé ntɔʼ kab ntuntuma bʉr bɨbler byaa.

Mɨlʉmlʉ 27:35

Jɔʼ Pol a sil lɛɛ be no e, nye ze nʉa bler, ntɔʼ dwe Zyɛm ekiba, mʉr nyiwɛh lé ebee. Nye ze pɛ̂ʼ ye bɨpeh, ntɔʼ taare lé ede.

Yʉanes 6:23

Mʉʉ mɛl ntɔʼ pyal, duho nkana Tiberias. Mɨ ze pyal kunokuno e gumo bé a de bler pie jɔʼ Da Yesʉs a dwe Zyɛm ekiba ɛ.

Lʉkas 24:30

ǃBé mu é teble lé ejɨ puhba mobo nɛʼɛ, Yesʉs ze nʉa bler, ntɔʼ dwe Zyɛm ekiba. Nye ntɔʼ pɛ̂ʼ ye, dwe be ya.

Mataos 15:11

Sa ndɨ elœʼ mʉr é mih mo Zyɛm ɨ, yé abe yaa mʉr lé ede e. Sa ndɨ elœʼ mʉr é mih me e, yé ó yaa lé eduho mʉr waa é nʉm ɨ.»

1 Timotɛ 5:14

Ebe no ó me lé etɨe mɨkuho mɨ bʉba dina mompɨh ó, myé toʼ é moba ɛ. Myé nkʉʼ bya bwan, le ebaʼle mɨmbɛr mɨ bʉr myɔɔ. Mʉr lé esa bɨna mongan ɨ, nye amu jaa kœb ó, mɨkuho myaa, myé edib nye zi ó, bʉr o dɔm bɨna, bé fœʼœ bɨna ga tɨ.