1 Timotɛ 4:2 - Kálara Zyɛ̌m Edwán é mpʉ̌n

² Bé óbe ó baanya-bɨkʉʉŋʉ, olɛa o mpʉl. Ebebe lɔɔ, lé ódɨ lɨr mɨleme myɔɔ ó, to pyal é jɔʼ bé óka be, bé mu aka joʼo fwon ɨ.

Kálar Nzyɛ̌m : Ejwán é Sáá

² Bé óbe ó baányâ-mikóo, le olɛ́a o bíbɛr. Syóm dí ejwɨ́ɨ bé wɨ́, wé óndɨndáma milémé myɔ́ɔ́ ó, tó pyâl ɨ́ jɔʼ bé óbe, bé mû akǎ tʉ sôn yɨ́.

1 Timotɛ 4:2 ပူးပေါင်းရင်းမြစ်များ

Éfɛsɔs 4:19

É sɔɔlʉ pɨʼ wɔɔ, bé a be ó si sa bɨmala zam e l'ekomo, le esa zyee lé elama fwon lé edu njɨ bɨjyɛʼ byɔɔ bibyɛh.

Rôm 16:18

Mɨmbi mɨ bʉr myaa, ntʉʼ Tî ga wina Krɨst, bé lé esea. Bé ekʉ ka sea syɛɛ ó njɨ é l'efu e mɨmo myɔɔ! Bé edimle bʉr l'apa gʉa ebɛʼ paʼra embɨa e l'ebebe e, lé ekʉa be é zi lwib mopɨʼ ndwe e moseʼla.

Mɨlʉmlʉ 20:30

Bʉʉ obuʼla, bé óze e mbʉl é mbɛr Zyɛm win, le edulo ompʉn ó, bé jyɛlɨ e be ɨ diʼ.

Mɨngwiha 16:14

Moleme maa, mé eto le esa bɨdweʼle bɨ nkul wɔɔ, le eto boo ojwɨʼa o si nwaʼ nyiwɛh, lé ebaŋle be ó, bé syɛŋɨ monkul mɔɔ é l'efu le elʉo dɔm. Bé ólwimla ó e Zyɛm Nkul nyiwɛh é moho nɨnɨ we.

2 Timotɛ 3:5

Bé ósa jaale, lé ejɨ nyin ó, bɛɛ ó ndɨ edwaabe Zyɛm. To kœb ó, bé ókɛla ó, buʼo ga yina, yé abe e nkul. Cɛra e bʉr onɨ.

Rôm 1:28

Bʉr baa, bé a baabee ó, yé ejala ó, bé gʉŋa Zyɛm. No ó Zyɛm a fuo ka bir be ó, pɨʼ wɔɔ beʼ ntul ɨ. Nye ebir be ó, bé saʼ bɨsa bɨ fwon byaa ndɨ ajala ɛ.

Mataos 24:24

ebe, mɨmpʉmpʉl mɨlœma mɨ mulo mo Zyɛm, myé e mɨmpʉmpʉl mɨ ogwiha o mɨlɔb, myé óbuo. Bé ósa bɨbwaʼbwaʼ bɨdweʼle bɨ nkul wɔɔ ndwe e bɨsa bɨ jehe lé esaa egomlo mɨpɛha mɨ bʉr mye é bebebebe zi, ǃbé ókoʼo wa.

Mataos 7:15

«Diʼe ga ncye e mɨmpʉmpʉl mɨ ogwiha o mɨlɔb, ebe, bé eze-ze é l'esama lɨn ó e njwɨr é tala tala, nwɨɨla e bɨntœme. To kœb ó, é mɨleme myɔɔ tʉŋlʉ, myé ó mpʉ onkœœ!

Éfɛsɔs 4:14

É jɔʼ yaa ó bɨna bé ópʉʼa ga é l'oncyom é nko paʼ buʼo e. Bɨsikʉlʉ bɨfih, byé aŋa ka ncyeŋ bɨna ga, nkʉ gomlo bɨna ga é zi fih, waa baanya-bɨkʉʉŋʉ ndɨ edu ɨ. Bé egwɨm ó, bé ntaŋa bɨna ga é pɨʼ wɔɔ, le nteme ó, bɨna buʼla sikʉlʉ yɔɔ yaa.