Molu pihe, mɨmpʉmpʉl mɨ ogwiha o mɨlɔb, myé a si pyal-pyal é l'esama e bʉr mo Zyɛm. É jwɨʼ gwar e gwar yaa ó mɨmpʉmpʉl mɨ oyeʼle, myé ódɨ pyal é l'esama lɨn ɨ. Bé ódwe-dwe bɨsikʉlʉ byɔɔ ó, é mofo, ó bé lɨrɨ buʼo yin. Bé ókɛla buʼo ga yina, le ekɛla ó, bé agʉa Tî ga wina, mʉr a jɛna bwaʼbwaʼ tɔɔ é jɔʼ nye a kʉr be e. Bé ódaʼre ebebe é monyʉl mɔɔ. Ebebe laa, lé ópyal be motwɨra, ntɔʼ dimle be.
1 Timotɛ 4:1 - Kálara Zyɛ̌m Edwán é mpʉ̌n1 Mbɨambɨa Sisim, nyi lɛɛ é kpɛŋlɛm ó: é jɔʼ esie e mbi jɔʼ yi, lé óbe, lé mu kunokuno le epyal ɨ, bʉr, bé ókaŋa e buʼo ga yina, bɔʼa é bɨna ga. Bé ójoʼlo mɨmpʉmpʉl mɨ oyeʼle. Sikʉlʉ bé óka jwɨʼ ɨ, yé óbe ó njɨ yaa moleme, mé a taare kuhlo e. အခန်းကိုကြည့်ပါ။Kálar Nzyɛ̌m : Ejwán é Sáá1 Sísǐm mé Nzyɛ̌m lɛ́ɛ́ ɨ́ hwɨ́m ó: ɨ́ melú mé ósûʼla má, yé óbe ó e bʉr o ngá gbɔba e búʼó yɨ́ná bá. Bé ójôʼlo mísísǐm míkóo, le ebúʼla mílɛ́ʼlá méleme, mé á nyɛɛ kûhlo mí. အခန်းကိုကြည့်ပါ။ |
1 Timotɛ 4:1
64 ပူးပေါင်းရင်းမြစ်များ
Bʉʉ bʉr, bɨ ni é l'esama lɨn é myaaa, bɨn l'agʉa! Okalara lé edwe be mobe, le ekab be bɨntɨʼa byɔɔ ɛ, bɨ bɛa tilɔ. Bɛɛ, bé adwaabe Zyɛm. Bé edwe bɨn sikʉlʉ lé egomlo bʉr mo Zyɛm Sɔŋ ga wina é bebebebe zi, lé elɛɛ ó ncwɨncwɨa we, wé e nyɔm ó, bʉr saʼ bɨmala zam e l'ekomo. Bé nteme, bé ekɛla ó, Njwɨʼa ga wina Yesʉs-Krɨst, nye abe Tî ga wina boo nɔɔ.
É mpʉ bɨn ndɨ afil monyʉl si e beengles, nkʉ dwiibɨ be e, ǃɨ mʉr si dwe bɨn mobe mo mpene tɨʼ nɛʼɛ, anʉa ga lwib ye, gba é nkɔb. ǃBé si bee bɨsa mpʉ bé lé enyin-nyin é lima nɛʼɛ, bɨsa byaa ó bé lé enʉa, gba é nkɔb. Mɨmbi mɨ bʉr myaa, myé ó lwɨŋla e nkɛa nyʉl. Bé enkɛɛ-nkɛɛ monyʉl mɔɔ ó, mbɛh, ebe, mɨpɛhla myɔɔ, myé ekʉ ka duho ó njɨ é nkul ebebe lɔɔ tʉŋlʉ.
Nye ópyal kʉl, ntɔʼ bâʼle to é modumo mo si monâ lé eto le egomlo bʉr o ndɨ abe oYʉden ɨ, é bebebebe zi we. Mɨlal myaa, myé ejebɔ mie ó «Gog» ndwe e «Magog». Nye óbaŋle bʉr o bɨkul baa, syɛŋ be é gumo gwar, ó bé e boo nɔɔ toʼ le elʉo dɔm. Baa bé óto lwimla dɔm laa ɛ, bé óbuo, abe e tolɔɔ, mpʉ mosɨa mo maŋ.
Tir waa bé e mpʉmpʉl ngwiha mɨlɔb we, bé ntɔʼ mɛrɔ. Mpʉmpʉl ngwiha mɨlɔb waa ó b'a sa-sa bɨdweʼle bɨ nkul we é mih mo tir waa. Nye a be ó si gomlo bʉr é bebebebe zi lé elɛʼle be bɨdweʼle bye byaa. Ebe no ó bé a cɨma bɨtwii bye é monyʉl mɔɔ ɛ. Bé a be ó si dwiibɨ nteme baŋabaŋa dweʼle ye. Jɔʼ bé a mɛr tir waa bé e mpʉmpʉl ngwiha mɨlɔb we e, bé ze guho be é Bɨ-siʼe mɨkublakubla. Siʼe e pir, byé eduo tɨʼ ó moho e pum mɨcye.
Bʉʉ bʉr o b'a baapa dwè é bɨntɨʼa byaa ɛ, bé a baakpɛl egwɨma bɨsyɛɛla bɨ ebebe bé a sa-sa ɛ, nkʉ dwir mɨleme. Bé a si to dolo lé edwiibɨ moleme bé e bɨbaŋabaŋa bɨdweʼle bʉr bé a dɨ kpaʼ e mobo mɔɔ ɛ. Bé a dɨ kpaʼ mye ó, miʼ e gol, myʉʉ e nkoho mɔn, myʉʉ nteme e bɨnkoho bɨgbaa molele. Bé a dɨ kpaʼ byʉʉ bɨbaŋabaŋa bɨdweʼle ó e mokoʼ, myʉʉ e bɨlɨ. Bɨsa byaa, byé abee, byé ajoʼo, luʼo ba sɔʼɔ. Byé akœʼ. Sa gwar, bɛɛ l'agwaʼ lé edwiibɨ bye.
«No ó, mʉr ndɨ e mogwal mo ejoʼo e, nye joʼa mokan Sisim lé elɛɛ mɨmbɛr mɨ Zyɛm ɨ. Mʉr nyiwɛh óbe si ntaa, bula e l'esaa é koo e, me ódwe nye manne lé edi é l'efo e. Me ódwe nye nteme ekoʼ epumo e tila die le tɨ. Die laa, lé ó die edwan le. Nuu mʉr fih, nye abe e nkul egʉa le, nkʉ yé abe waa lé ebi le e.»
Oyeʼle o Epikʉrʉs ndwe e baa o Stoyɨke, bé a be ó lé edo e Pol. Baʼ, lé edîila é lʉ we ó: «Agologolo nwa, nye epa kʉ gwɨm lɛɛ yé?» Bʉʉ, bé a lɛɛ-lɛɛ ó: «Yé ó mpʉ sa cɨŋɔ ó, nye elɛʼle bɨna ga ozyɛm o guu lal fih.» Bé a lɛɛ no ó, ebe, nye a be ó lé elɛɛ Mbɨambɨa Lɔɔ lé etiibe e Yesʉs, ndwe e pɛ̀ha foo we e.
ကြော်ငြာတွေ