1 Timotɛ 3:6 - Kálara Zyɛ̌m Edwán é mpʉ̌n

⁶ Yé ajala ó, nye beʼ mʉr lwanbe gwɨma ebebe le edwir leme, ni é buʼo e. Yé amu jaa sa ó, nye diʼe e nkɛa nyʉl. ǃNye si sa no nɛʼɛ, nye òfuʼla ó, duma, Njwɨɨ moleme ntɔʼ taare lé edwe nye mobe tɨ.

Kálar Nzyɛ̌m : Ejwán é Sáá

⁶ Nyé ajala le ebe mʉ̂r alúno dwirǎ léme, nî ɨ́ búʼó nyá. Yé ámû jaá sâ ó, nye nkɛ́yɨɨ nyʉ̂l. Nyé odumǎ mpʉ̌ sɔ́ŋ meleme á duma yɨ́. Nyé osia e bintɨ́ʼá bimpwár ntémé sɔ́ŋ meleme á sia e byé bí.

1 Timotɛ 3:6 ပူးပေါင်းရင်းမြစ်များ

1 Timotɛ 6:4

Nyɛɛ nteme agʉa sɔʼɔ. Nye dina ó lé ekʉ syɛb. Esyɛb le, lé ó lɨ: nye ekpɛl ó, njɨ epɨra mokan, le ekpɛl nteme mogo é lɔb mɨlɔɔ. Sa lé eduho tɨʼ, yé ó: zii, mpɔʼa monkɔm, movoʼ, ndwe e bɨbuʼa.

1 Pyɛr 5:5

Bɨn mɨsoho, yé ejala ó, bɨn filɨ monyʉl si é mih mo otamabʉr. Bɨn bɨbɛh, filɨ ga monyʉl si paʼra win, ebe, yé ó tila ó: «Zyɛm, nye esa bʉr o ndɨ enkɛɛ monyʉl mɔɔ ɛ, mongan. Baa ndɨ efil monyʉl si ɨ, bɛɛ ó ndɨ esʉŋɔ mocyɛʼ mo mpom.»

1 Pyɛr 2:2

Gwɨmɨ ga ó, bɨn jwɨʼɨ mɨmpaŋ mɨyeʼla, myaa ndɨ ejala e bɨn ɨ. Myé ó ngo sa ó, bɨn gwɨa é zi we, bɨn ntɔʼ bi tiʼ molu mo mpoʼ mɨmɛh. Saʼ ga no mpʉ bɨcyee ndɨ egwɨm monyaŋ ɨ,

2 Korɛnt 12:7

Zyɛm a bee ó, mpuo mɨfela mɨlɔb nye a gwih me e, nye amu jaa sa ó, me nkɛŋɨ nyʉl. Nye ze gba me mpe esyɛb é nyʉl tʉŋlʉ. Mpe esyɛb waa a be ó mpʉ mwa mɨlʉmlʉ mo Satan, lé eze ŋmɛh me é fuura.

1 Korɛnt 8:1

Banana, bɨna kaʼ pahle ga lɔb tir lé ebàŋɔ é mpah bé ndɨ edwiibɨ ozyɛm bé a dɨ kpaʼ ɛ. Bɨna ga bɨbɛh, bé é bul gʉa no, kʉ be mpʉ bɨn lé elɛɛ ɛ. To kœb ó, ngwɨa, wé edwe mʉr ó njɨ nkɛa nyʉl. Kpɛl ó ndɨ esa ó bʉr o mbɛr Zyɛm gwɨa mbɨmbɨa.

1 Korɛnt 3:1

Obɨɔ ga bam aa! É l'ocyecye, me a baalwib e bɨn mpʉ mʉr lé ejala le elwib e baa b'a bi Mbɨambɨa Sisim ɨ. Me a fuo lwib e bɨn ó, mpʉ me lé ejala le elwib e bʉr o si nwa, nkʉ ntɔʼ mpʉ bɨcyee byé a lwanbe kʉ di é zyɛŋa wɔɔ boo Krɨst ɨ.

Yʉ̂d 1:6

Sa mba, yé ó, toŋla ga nteme beengles, mpʉ bé a be, adihbe edi é bɨdia bɨ taʼa byɔɔ ɛ. Bé a si liʼe mɨmpaŋ bɨdia byɔɔ byaa, ntɔʼ saŋɔ bɨdia bɨfih, Zyɛm ntɔʼ gba be é l'edurʉ tʉŋlʉ, kaʼ be gʉ. Bé ódi mɨkɛʼa ó, njʉmdia e njʉmdia. É l'edurʉ laa ó bé lé ebono, to pyal é l'esie e mbi jɔʼ yi. É jɔʼ yaa ó Zyɛm ótiʼe be mɨlɔb ɨ.

2 Pyɛr 2:4

Ebe, jɔʼ beengles bé a sa syem ɨ, Zyɛm a baakamle e be. Nye a kʉ ka guho be ó njɨ é Bɨ-siʼe. Nye a dil be gʉʼ é mpila ó, lé ebono dobo le etiʼ e mɨlɔb.

2 Timotɛ 3:4

Bé ókɛha bʉr o nduo yɔɔ. Bé ósa bɨsa bibyɛh mpʉ mɨcehle mɨ ogʉ. Bé óbul nkɛɛ monyʉl mɔɔ. Bé ókʉ kpɛl ó, njɨ bɨsyɛɛla bɨpuno byɔɔ lé ebul gwɨm ɨ, akpɛlɔ Zyɛm.

Lʉkas 10:18

Yesʉs ntɔʼ lɛɛ e be ó: «Me a si bee Satan lé eduho é jobo kʉ, ze e kam kaʼ si é kum, kʉ be mpʉ ndweh mpie.

1 Timotɛ 3:7

Yé ekʉ jala ó, nye dweŋɔ duu boo bʉr o ndɨ abuʼla ɛ, ebe, ǃnye si kwɨa é l'eboʼo mo Njwɨɨ moleme nɛʼɛ, nye amu sɔma é mih mɔɔ.